YJ Dailynews - шаблон joomla Книги
28
تشرینی دووەم

ئاسایشی‮ ‬رۆژئاوا‮ ‬یان ئابڕووبەرانی‮ ‬رۆژئاوا فارس قادر فەقێ عەبدوڵڵا‮❊

Written by 
Published in ووتار

فارس قادر فەقێ عەبدوڵڵا

 لە بەرواری 25/11/2016 رۆژی هەینی، لە یەكێك لە كەناڵەكانی خۆمان، بابەتێكی سەیروسەمەرەم بەرچاوكەوت، ئەویش بابەتێكی قێزەوەن و ناشیرین و پڕ لە شەرمەزاریی بوو، لە كاتی پەخشكردنی هەواڵەكاندا، گوێبیستی بووم، گوایە ئاسایشی رۆژئاوا PYD سووریا پەیكەری (باسل ئەسەد)ی كوڕی حافز ئەسەد و برای بەشار ئەسەدی پاراستووە تاوەكو ئێستا ئەم پەیكەرەی لەناو خاكی كوردستان بووە، دیارە ئێستا بەرەو سنووری رژێم نێردراوەتەوە. بە وێنەوە پەیكەرەكەی پیشاندا، بە ئەمانەتەوە كە وەك خوی ماوە و پارێزراوە و تاكو ئێستا پاراستوویانە، ئێستا بۆ ئەوەی وەفای خۆیان بۆ بەشار ئەسەد نیشانبدەن، بە سەلامەتی و بەبێ گرفت و بەبێ لەناوچوون، بۆ ئەوەی هەتك نەكرێت، بەرێز و ئیحترامەوە بۆ بەشاریان ناردووەتەوە، جارێكی تریش دەڵێم ئای لەو رووڕەشی و بێ ئابڕووییەی ئەم زۆلە كوردانە، یان (ناكوردی بە ناو كوردانە) بە راستی زۆر سەیرە، بمبوورن گەر كۆنتڕۆڵی خۆم لەدەستبدەم، نازانم چۆن قەناعەت بە خۆم، بێنم بەشێكی گرنگ و پیرۆزی خاكی كوردستان كە بەناو ئازادە و لە دەست رۆڵەكانی خۆی سەرفرازە، تاكو ئێستا پەیكەری خانەوادەیەكی دیكتاتۆری خوێنرێژی ئەم گەلەی لەسەر ماوە، دەبێت ئەم بێ ئابڕووانە نەزانن ئەمە ئیهانەی خۆیان و هەموو تاكێكی كوردە دەبێت، نەزانن ئەمە ئەوپەڕی خیانەت و خۆفرۆشییە.  توخوا خەڵكینە من زەمیرتان دەكەم بە حەكەم، رژێمێك و دەسەڵاتێك، وەك بنەماڵەی بەشار ئەسەد و (حزبی بەعس) ددان بە ناسنامەم نەنێت، وەك تاكێكی كورد بە هاووڵاتی خۆی دانەنابم، ئامادە نەبووبێت تەنها ناسنامەم پێبدا، دەبێت بە چ ئەخلاقێك من لەگەڵی بم كە ئەمە هەموو گەلی كورد لێی بە ئاگایە و جیهانیش لێی شاهێدە كە ئەم دەسەڵاتە نەك مافی كوردی نەداوە، بەڵكو ناسنامەشی پێنەداون. دیسان دەڵێم بۆ خاتری خوا، پاراستنی (دروشم و قودسییەت و رەمزی) دوژمنان، دەبێت بۆچی بێت؟ چ ماناییەك دەدات؟ تەنها سەرشۆڕی و خیانەت و جاشایەتی نەبێت، ئەی باشە چ وەڵامی رای گشتی و خەڵك و دایك و خوشك و خانەوادەی شەهیدەكان دەدەنەوە، ئێوە كەس قبوڵ ناكەن، خەبات بكات و رای جیاوازی هەبێت، دەبێ هەموو لە ژێر ئەمری ئێوەدابن، ئایا بەشار ئەسەدیش لە ژێر ئەمری ئێوەدایە؟! لەبەر ئەوەی لەگەڵینە و دەیپارێزن. ئێوە ئاڵای پیرۆزی كوردستان قبوڵ ناكەن لەسەر خاكی كوردستان هەڵبدرێت؟ سووكایەتی پێدەكەن، ئێوە شۆڕشگێڕ و خەباتكارەكان تیرۆر دەكەن، ریسوا دەكەن، لە ماڵی خۆیان حیمایەی پەیكەری بەشار دەكەن؟! بۆ ئەم كارە چ وەڵامێكتان هەیە؟ فەرموو وەڵام بدەنەوە، ئێوە تەرمی شەهیدەكان ریسوادەكەن و لێناگەڕێن بگەڕێنەوە سەر خاكی باب و باپیران، پێشتانوایە شەهیدی پێشمەرگە هی ئێوە نییە، ئێوە لێناگەڕێن پرسەنامە بۆ شەهیدانی كوردستان دابنرێت، رێگا لە كەسوكاریان دەگرن، ئێوە دەنگی ئازادی كپدەكەن و ئیهانەی خوشك و كچەكانی خۆتان دەكەن، ئێوە ئیهانەی خوشكە (رەنگین شەرۆ)تان كرد كە كچە كوردێكی خۆتان بوو تا نەتوانێت راستی بڵێت و بێتەوە ماڵە باوانی، چونكە ئەم كچە جاشی ئێوە نەبووە، خاوەن رەئی خۆی و كەرامەتی خۆی بوو، بە شەق لە كچە كوردتاندا كە هی خۆتان بوو، رێگای كەسوكاری شەهیدتان نەدا بچنە سەر گۆڕەكەی ئاڵای كوردستانتان لە ژێر پێنا، هەرچی موقەدەسات و كەرامەتی ئەم میللەتە هەیە لەژێرپێتان نا، لە كۆتایی گەمەكە بوون بە پاسەوانی پەیكەری (باسل ئەسەد)، ئێستاش بە سەلامەتی و بە رێز و بە ئیحترامەوە، بۆ بەشاری دەنێرنەوە، ئەی نامووسی خۆتان و بێ حورمەتی بە (رەنگین شەرۆ)ی پەیامنێر و بێ حورمەتی بە شەهیدان و بە ئاڵای كوردستان بۆ كێ دەكەن؟! ناكرێت لەم پرسیارە رابكەن، شەرم مەكەن، وەڵام بدەنەوە، ئەمڕۆش میللەت دەستی پێتان نەگات، بەیانی هەر پێتان دەگات. بە داخەوە هەر ئەو هێندە دەڵێم زۆر گوناهە بە هەموو كەس بڵێن كورد، گەر ئێوە كورد بن بێشك هەموو ئازادیخوازێك حاشا لە كوردایەتی دەكات.

  ئەندامی ئەنجوومەنی سەركردایەتی پارێزگای هەولێری (پ. د. ك)

 

 

Read 497 times
Rate this item
(0 votes)