YJ Dailynews - шаблон joomla Книги

هه‌واڵ (571)

28
حوزەیران

 

لە بارەگای ئەنجومەنی سەرکردایەتی پارێزگای هەولێر کاکەمین نەجاڕ ئەندامی مەکتەبی سیاسی و سەرۆکی ئەنجومەنی سەرکردایەتی پارێزگای هەولێر پێشوازی کرد لە خزمانی مەنتک و لە ووتەیەکدا کاکەمین نەجار رایگەیاند ئەمرۆ پێویستە هەموومان پێکەوەبین بۆ ئەوەی بتوانین خزمەتی خاک و خەڵکی کوردستان بکەین . دواتر کاکەمین نەجار لە نزیکەوە گوێی گرت لە داوا و داخوازی خزمانی مەنتک .

12
حوزەیران

بە مەبەستی پرسین رەوشی تەندروستیان ئەمڕۆ ئێوارە کاکەمین نەجار ئەندامی مەکتەبی سیاسی و سەرۆکی ئەنجومەنی سەرکردایەتی پارێزگای هەولێر لە سەنتەری دڵ لە هەولێر دوو هەڤاڵ کە لە بەر ناجێگیری باری تەندروستان لە نەخۆشخانەیخوێنراون بە سەر کردەوە و لە نزیکەوە هەواڵی تەندروستی پرسین و ئامادەیی خۆیی و سەرکردایەتی دەربری بۆ چارەسەر و باشتر بوونی رەوشی تەندروستیان .


10
حوزەیران

 

بە مەبەستی ئاگاداربوون لە رەوشی تەندروستیان کاکەمین نەجار ئەندامی مەکتەبی سیاسی و سەرۆکی ئەنجومەنی سەرکردایەتی پارێزگای هەولێر بە یاوەری بایز زراری لە نەخۆشخانە هەڤالان سەنگەر و سلێمان ی بە سەر کردەوە و لە نزیکەوە لە هەواڵی پرسین و هیوای زوو چاکبوونەوەی بۆ خواستن . شیاوی ئاماژە بۆ کردنە هەڤالان سەنگەر و سلێمان لە دوو رۆژی رابردوو بە هۆکاری رووداوی ئۆتۆمبێل کەوتنە نەخۆشخانە . و هەڤال دیلمان کە یاوەرییان بوو بەم رووداوە کارەساتبارە کۆچی دوایی کرد .

10
حوزەیران

 

لە بارەگای ئەنجومەنی سەرکردایەتی پارێزگای هەولێر بە ئامادە بوونی کاکەمین نەجار ئەندامی مەکتەبی سیاسی و سەرۆکی ئەنجومەنی سەرکردایەتی پارێزگای هەولێر و پشتیوان سادق ئەندامی ئەنجومەنی سەرکردایەتی و بلند ئیسماعیل بەرپرسی لقی ۱٦ و ئەندامانی ئەنجومەن و نوێنەری مەکتەبی کۆمەلایەتی گشتی و ژمارەیەکی زۆر لە ریش سپی و پیاو ماقوڵانی هەردوو بنەماڵە کێشەی خوێنداری نێوان هەردوو بنەمالەی تالب سادق و بارزان ئەحمەد خالە لە گەل جەمال محمود حسین کۆتایی هات .

لە ووتەیەکدا کاکەمین نەجار وێرای دەست خۆشی لە هەردوو بنەماڵەکە بۆ چارەسەر کردنی کێشەی نێوانیان . رایگەیاند ئەم جۆرە کێشانە چەندی زوو چارەسەر بکرێت باشترە بۆ ئەوەی خوێنی زیاتر نەڕژێت و پێش لە روودانی رووداوی نەخوازراو تر بگرین . لە بە شێکی تری ووتەکانی کاکەمین نەجار هیوای خواست ئیدی خەلکی کوردستان و بنەمالە بەرێزەکان لە کاتی دروست بوونی هەر کێشە و گرفتێک هانا بۆ کوشتن و سرینەوەی یەکتر نەبەن بە ئامانجی گەورەتر کردنی کێشەکانی نێوانیان . لە بەر ئەوەی ئێمە وەک کورد دووژمنەکانمان هەمیشە هەوڵی ئەوەیان داوە ناکۆکی و دوو بەرەکی بخەنە نێونمان تا خەریکی یەکتر کوشتن و لە ناو بردنی یەکتر بین و نە توانین رووبەرووی دووژمنەکانی گەلەکەمان ببینەوە . ئەمرۆش لە هەموو کات زیاتر پێویستیمان بە ئاشتی و یەکتر قەبولکردنی ناو ماڵی کوردستانیانە .
دواتر هەردوو بنەمالەکە واژوویان لە سەر تەواوی خالەکانی نێون رێکەوتننامەکە کرد کە لە سەری رێکەوتوون و بە یەکجاری کۆتاییان هێنا بە کێشەی نێوانیان .

14
ئایار

 

جه‌ماوه‌رى خۆشه‌ويستى كوردستان به‌ گشتى و دانيشتيوانى سنورى پارێزگاى هه‌ولێر به‌ تايبه‌تى . 

ئه‌ندامان دۆستان لايه‌نگرانى پارتيمان هاووڵاتيانى خۆشه‌ويستى هه‌ولێر و ده‌ورووبه‌رى . له‌ ناخى دڵمه‌وه‌ سوپاسى يه‌كه‌به‌يه‌كه‌تان ده‌كه‌م بۆ رۆڵ و ماندوو بوونتان له‌ پشتيوانى كردن له‌ پارته‌كه‌ى خۆتان و تۆمار كردنى ئه‌م سه‌ركه‌وتنه‌ مه‌زنه‌ . بێگومان ده‌نگى ئێوه‌ توانى وه‌ك هه‌ميشه‌ پارتى به‌ تاكه‌ حزبى بێ ركابه‌ر و خاوه‌نى ڕاسته‌قينه‌ى كوردستان له‌ گۆرِه‌پانى سياسى عێراق و كوردستان بهێلێته‌وه‌ . ئه‌م سه‌ركه‌وتنه‌ مه‌زنه‌ سه‌ركه‌وتنى هه‌موومانه‌ و شانازى به‌ تاك به‌ تاكى كوردستان به‌ گشتى و دانيشتوانى سنورى پارێزگاى هه‌ولێر به‌ تايبه‌ت ده‌كه‌م . ئه‌م سه‌ركه‌وتنه‌ سه‌ركه‌وتنى ئيراده‌ى راسته‌قينه‌ى كوردستانيان بوو به‌ سه‌ر پلانى نه‌يارانى گه‌له‌كه‌مان . 
جارێكى تر سه‌ركه‌وتنى پارتى حزبى شه‌هيدان حزبى به‌رگريكاران له‌ خاك و خه‌ڵكى كوردستانتان پيرۆزبێت . به‌ هيواين بتوانين له‌ داهاتوو هه‌موو حزب و لايه‌نه‌كان له‌ به‌غدا پێكه‌وه‌ خزمه‌تى خاك و خه‌ڵكى كوردستان بكه‌ين .

كاكه‌مين نه‌جار 
ئه‌ندامى مه‌كته‌بى سياسى و 
سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر

29
نیسان

 

شاندێكى مه‌كته‌بى سياسى پارتى ديموكراتى كوردستان كه‌ پێكهاتبوون له‌ به‌رێزان زه‌عيم على و كاكه‌مين نه‌جار ئه‌ندامانى مه‌كته‌بى سياسى و سه‌فين دزه‌يى و كرمانج عبدالله‌ و به‌رپرسانى حزبى و حكومى له‌ شاره‌دێى مه‌لا قه‌ره‌ له‌ گه‌ڵ كه‌سايه‌تى و ريش سپى و پياو ماقوڵانى سنورى لقى 23 ى مخمور كۆبوونه‌وه‌ .
له‌ سه‌ره‌تادا زه‌عيم على ئه‌ندامى مه‌كته‌بى سياسى له‌ ووته‌يه‌كدا خۆشحاڵى خۆيى ده‌ربرى به‌ كۆبوونه‌وه‌يان له‌ گه‌ڵ خه‌ڵكى ئه‌م ده‌ڤه‌ره‌ و راگه‌ياند ئێمه‌ هاتووين تا له‌ نزيكه‌وه‌ له‌ گه‌ڵ خه‌ڵكى تێكۆشه‌ر و شۆرشگێرى ئه‌م ناوچه‌يه‌ كۆببينه‌وه‌ و پێكه‌وه‌ پشتيوانى له‌ ليستى ژماره‌ 184 ى پارتى ديموكراتى كوردستان بكه‌ين . له‌ به‌شێكى ترى ووته‌كانى زه‌عيم على ئاماژه‌ى به‌ ده‌سكه‌وته‌كانى پارتى ديموكراتى كوردستان كرد له‌ خه‌باتى ره‌واى گه‌له‌كه‌مان و رايگه‌ياند پارتى به‌ درێژايى مێژوو خوێنى به‌خشيوه‌ به‌ خاكى كوردستان و هه‌رگيز له‌ سه‌ر بستێك خاكى كوردستان مساوه‌مه‌ى نه‌كردوه‌ و نايكا . ئه‌مرۆش كه‌ عێراق و ناوچه‌كه‌ به‌ قۆناغێكى هه‌ستيار گوزه‌ر ده‌كات له‌ سه‌ر هه‌موومان پێويسته‌ پشتيوانى پارتى ديموكراتى كوردستان بكه‌ين چونكه‌ پارتى به‌هێزبێت ئه‌وا ئيراده‌ى گه‌لى كوردستان له‌ سه‌ر ئاستى دوونيا و به‌غدا به‌هێزه‌ . 
دواتر كاكه‌مين نه‌جار له‌ ووته‌يه‌كدا تيشكى خسته‌ سه‌ر گرنگى ئه‌م ناوچه‌ و رايگه‌ياد ناوچه‌كانى ده‌شتى هه‌ولێر و شه‌مامك و كه‌ندێناوه‌ به‌ درێژايى مێژوو كانگاى خه‌بات و قوربانيدان بووه‌ و خه‌ڵكى ئه‌م ناوچه‌ قوربانى زۆريان داوه‌ بۆ به‌دى هاتنى ئازادى و پاراستنى كوردستانى بوونى ناوچه‌كه‌يان . ئه‌مرۆش له‌ هه‌موو كات زياتر پێويسته‌ هه‌موومان له‌ پشتيوانى كردن له‌ ليستى ژماره‌ 184 ى پارتى ديموكراتى كوردستان كه‌م ته‌رخه‌مى نه‌كه‌ين و كارى سه‌ره‌كيمان سه‌رخستنى كانديدانى پارتى بێت . كاكه‌مين نه‌جار رايگه‌ياند له‌ دواين رووداوه‌كانى ناوچه‌كه‌ و رووبه‌روو بوونه‌وه‌مان له‌ گه‌ڵ سوپاى عێراق ئێمه‌ ئه‌م ناوچه‌يه‌مان به‌ خوێن پاراست و رێگه‌مان نه‌دا جارێكى تر حكومه‌تى ناوه‌ندى بێته‌وه‌ ئێره‌ و خه‌ڵكه‌كه‌ى ئاواره‌ و ده‌ربه‌ده‌ربن . 

دواتر به‌شدار بووانى كۆبوونه‌وه‌كه‌ راو سه‌رنجى خۆيان خسته‌ روو وه‌ پشتيوانى خۆيان بۆ ليستى ژماره‌ 184ى پارتى ديموكراتى كوردستان دووپاتكرده‌وه‌ . 

29
نیسان

 

شاندێكى بالاى پارتى ديموكراتى كوردستان كه‌ پێكهاتبوون له‌ به‌رێزان فازل ميرانى سكرتێرى مه‌كته‌بى سياسى و زه‌عيم على و كاكه‌مين نه‌جار ئه‌ندامانى مه‌كته‌بى سياسى و كرمانج عبدالله به‌رپرسى لقى 23 و به‌رپرسانى ترى حزبى و حكومى سنوره‌كه‌ شاره‌دێى گوێر و گونده‌كان ده‌وربه‌رييان به‌ سه‌ر كرده‌وه‌ و له‌ نزيكه‌وه‌ له‌ گه‌ڵ سه‌رۆك هۆز و كه‌سايه‌تى و دانيشتوانى گونده‌كانى ده‌وربه‌رى كۆبوونه‌وه‌ و له‌ كۆبوونه‌وه‌يه‌كى فراوانى جه‌ماوه‌رى فازل ميرانى سكرتێرى مه‌كته‌بى سياسى پارتى ديموكراتى كوردستان . خۆشحالى خۆى ده‌ربرى بۆ ديدار و كۆبوونه‌وه‌ى له‌ گه‌ڵ خوشك و برايانى عه‌ره‌ب له‌ سنورى شاره‌دێى گوێر و رايگه‌ياند . ئێمه‌ و ئێوه‌ وه‌ك دوو نه‌ته‌وه‌ له‌ دێر زه‌مانه‌وه‌ لێره‌ پێكه‌وه‌ ده‌ژين و به‌شدارى خۆشى و ناخۆشيه‌كانى يه‌كترمان كرده‌وه‌ له‌ دواين رِووداو كاره‌ساته‌ ناخۆشه‌كان ئێمه‌ پشتيوانى خاك و خه‌ڵكى ناوچه‌كه‌ بووينه‌ له‌ هه‌ره‌شه‌ و مه‌ترسيه‌كانى تيرۆر و هه‌ستى تيفه‌گه‌رى ئه‌م ناوچه‌يمان پاراستووه‌ و ئه‌مرۆش ئێره‌ وه‌كو هه‌ولێر ئارامى ئاسوده‌يى هه‌يه‌ و ئه‌مه‌ مايه‌ى شانازى هه‌موومانه‌ . له‌ به‌شێكى ترى ووته‌كانى به‌رێز ميرانى رايگه‌ياند دڵنيام ئێوه‌ هاوكار و پشتيوانى كانديدانى پارتى و ليستى ژماره‌ 184 ده‌بن چونكه‌ ئه‌م ليسته‌ وه‌ك چۆن هى كوردێكه‌ ئاواش هى خوشك و برايانى عه‌ره‌ب و ته‌واوى پێكهاته‌كانى ترى ئه‌م وولاته‌يه‌ . بۆيه‌ گرنگه‌ به‌ هه‌موومان كار بۆ سه‌ركه‌وتنى ليستى پارتى بكه‌ين به‌ سه‌ركه‌وتنى ليستى پارتى ئارامى و ئاوه‌دانى و ئاسايشى زياتر بۆ ناوچه‌كه‌ به‌دى دێت . له‌ به‌شێكى ترى ووته‌كانى به‌رێز ميرانى ئاماژه‌ى به‌ گرنگى پێگه‌ و سه‌نگى پارتى كرد له‌ عێراقى داهاتوو كه‌ پارتى به‌هێز بێت نه‌ته‌وه‌كانى ترى ئه‌م وولاته‌ ژيان و ئاينده‌يان پارێزراوه‌ بۆيه‌ ده‌بێ پێكه‌وه‌ ده‌ست له‌ ناو ده‌ست كارى سه‌ره‌كيمان سه‌رخستنى ليستى پارتى ديموكراتى كوردستان بێت . 

دواتر به‌شێك له‌ سه‌رۆك هۆزه‌كان به‌ناوى خۆيان و هۆزه‌كانيان سوپاسى سه‌ركردايه‌تى پارتى ديموكراتى كوردستانيان كرد بۆ به‌ سه‌ر كردنه‌وه‌ى ناوچه‌كه‌يان و به‌لێنى پشتيوانى و سه‌رخستنى ليستى ژماره‌ 184ى پارتى ديموكراتى كوردستان ياندا .

24
نیسان

 

له‌ باره‌گاى لقى 23ى مخمور به‌ ئاماده‌ بوونى كاكه‌مين نه‌جار ئه‌ندامى مه‌كته‌بى سياسى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر و كرمانج عبدالله به‌رپرسى لق و ئه‌ندامانى ئه‌نجومه‌ن . كۆبوونه‌وه‌يه‌كى فراوان له‌ گه‌ل كارگێرى لق و به‌رپرسى ناوچه‌ و ته‌واوى كاديرانى سنوره‌كه‌ به‌رێوه‌چوو . له‌ ده‌سپێكدا كرمانج عبدالله به‌رپرسى لقى 23 له‌ ووته‌يه‌كدا ئامانجى ئه‌م كۆبوونه‌وه‌ فراوانه‌ى شيكرده‌وه‌ و خۆشحاڵى خۆى و هه‌ڤاڵانى ده‌ربرى به‌ به‌شدارى كردنى هه‌ڤاڵ كاكه‌مين نه‌جار له‌ كۆبوونه‌وه‌كه‌يان . 

دواتر كاكه‌مين نه‌جار له‌ ووته‌يه‌كدا پرسه‌ گرنگه‌كانى رۆژى بۆ ئاماده‌بووان شيكرده‌وه‌ و رايگه‌ياند ئه‌مرۆ له‌ ناوچه‌كه‌ به‌ گشتى رووداوى خێرا و چاوه‌روان كراو له‌ ئارادايه‌ و پێويسته‌ ئێمه‌ كورد به‌ گشتى و پارتى ديموكراتى كوردستان به‌ تايبه‌ت خۆمان ئاماده‌ بكه‌ين بۆ هه‌موو ئه‌گه‌ر و پێشهاتێكى چاوه‌روانكراو . له‌ به‌شێكى ترى ووته‌كانى كاكه‌مين نه‌جار گرنگى پێگه‌ى به‌هێزى پارتى له‌ خولى داهاتووى ئه‌نجومه‌نى نوێنه‌رانى عێراق بۆ ئاماده‌بووان شيكرده‌ . كه‌ پێويسته‌ پارتى به‌ هێز و توانايه‌كى باش له‌ قۆناغى ئه‌مرۆ له‌ به‌غدا به‌رده‌وام بێت بۆ ئه‌وه‌ى پارتى وه‌ك هه‌ميشه‌ داكۆكى سه‌ر سه‌ختانه‌ له‌ ماف و ژيانى خه‌ڵكى كوردستان بكات . كاكه‌مين نه‌جار بۆ كاديرانى ئامادبووى كۆبوونه‌وه‌كه‌ ئێوه‌ ده‌بێ شانازى به‌ خۆتان و حزبه‌كه‌تان بكه‌ن كه‌ ئێمه‌ به‌ خوێن كوردستانمان پاراستووه‌ و خاوه‌نى گه‌وره‌ترين شۆرش و به‌رخودانين له‌ مێژووى ميلله‌ته‌كه‌شمان وه‌ له‌ بوارى ئاوه‌دانكردنه‌وه‌ و پێشخستنى ووڵات پشكى شێرمان به‌ركه‌وتووه‌ و ئه‌وه‌ ئێمه‌ين خاوه‌نى راسته‌قينه‌ى ووڵات هه‌ر بۆيه‌ ده‌بێ كاديرانى پارتى شانازى بكه‌ن كه‌ پارتى خاوه‌نى هه‌موو ده‌سكه‌وته‌ مه‌زنه‌كانى گه‌له‌كه‌مانه‌ و له‌ داهاتووش پارتى پارێزه‌رى ده‌سكه‌وته‌كان و به‌دى هێنه‌رى ئامانجه‌كانى تره‌ . 
دواتر كاديرانى به‌شدار بوو راو سه‌رنجى خۆيان خسته‌ روو .

24
نیسان

 

له‌ شارى هه‌ولێر ڤيستيڤاڵى زمان و كلتورى كوردى به‌رێوه‌چوو شاندێكى سه‌ركردايه‌تى هه‌ولێر كه‌ پێكهاتبوون له‌ به‌رێزان م فارس قادر و سولحى مه‌جيد ئه‌ندامانى ئه‌نجومه‌نى سه‌ركردايه‌تى پارێزگاى هه‌ولێر به‌شدارييان كرد . شياوى باسه‌ زانكۆى ئيشق ساڵانىه‌ ڤيستيڤاڵى زمان و كلتورى كوردى ئه‌نجام ده‌دات .

24
نیسان

 

سەرۆکی ئەنجوومەنی سەركردایەتی پارێزگای هەولێری پارتی دیموكراتی كوردستان جەخت لەوە دەكاتەوە ئەو كاندیدانەی پارتی دیموكراتی كوردستان دەینێرێتە بەغدا بە توانان و دەتوانن داكۆكی لە مافەكانی گەلی كوردستان بكەن.

ئێوارەی ئەمڕۆ دوو شەممە 23 ی نیسانی 2018،كاكەمین نەجار ئەندامی مەكتەبی سیاسی و سەرۆکی ئەنجوومەنی سەركردایەتی پارێزگای هەولێری پارتی دیموكراتی كوردستان،بە ئامادەبوونی ئەحمەد كانی ئەندامی ئەنجوومەنی سەركردایەتی و بەرپرسی لقی دوو وكارگێرانی لق،لەگەڵ ژمارەیەك لە كادیرانی پارتی دیموكراتی كوردستان كۆبوەوە.
لەو كۆبوونەوەیەدا كاكەمین نەجاڕ بە پێی قۆناغەكان باسی دەستكەوتەكانی پارتی دیموكراتی كوردستانی كرد بۆ خزمەتی گەلی كوردستان،هەر لەڕێككەوتنی 11 ی ئاداری ساڵی 1970 تا دەگاتە ڕاپەڕین و نووسینەوەی دەستوور و ئەنجامدانی ڕیفراندۆم بۆ سەربەخۆیی.
سەرۆکی ئەنجوومەنی سەركردایەتی پارێزگای هەولێری پارتی دیموكراتی كوردستان گوتی:"خەڵكێكی بە توانا كاندید كراون و دەیانێرینە بەغدا بۆ ئەوەی داكۆكی لە مافەكانی گەلی كوردستان بكەن،پێی وابوو ئەگەر پارتی لە بەغدا نەبێ‌،پرسی كورد و مافەكانی ئەو گەلە دەكەوێتە ژێر مەترسی.
كاكەمین نەجار ئاماژەی بە پرۆژە خزمەتگوزاریەكانی حكومەتی هەرێمی كوردستان كرد كە بەڕێز نێچیرڤان بارزانی سەرۆكایەتی دەكات،ئەوەی نەشاردەوە كە لە پاڵ ئەو هەموو پرۆژانەدا كەموكوڕی هەن،بەڵام پرۆژەكانیش دەستكەوتێكی گەورەن بۆ گەلی كوردستان و گوتی:"پارتی دیموكراتی كوردستان خاوەن پێگەیەكی جەماوەری فراوانە و پارتی بۆ ئەوە دامەزراوە خزمەتی تەواوی گەلی كوردستان بكات بە پێكهاتەو نەتەوەو ئایینە جیاوازەكانی.
بەرپرسی ئەنجوومەنی سەركردایەتی پارێزگای هەولێری پارتی دیموكراتی كوردستان داوای بەشداری كردنی زۆرینەی هاونیشتیمانیانی كرد لە پرۆسەی هەڵبژاردنی ئەنجوومەنی نوێنەرانی عێراق بۆ ئەوەی گەلی كوردستان بە گشتی و بەتایبەتی پارتی دیموكراتی كوردستان لە پرۆسەكە سەركەوتنێكی گەورە تۆمار بكەن.

پەڕەى 1 لەکۆى 41 پەڕەدا