YJ Dailynews - шаблон joomla Книги
12
کانونی یەکەم

پارتی، ٦٤ ساڵەی یەکێتیی ئافرەتانی کوردستان پیرۆز دەکات

Written by 
Published in هه‌واڵ

 مەکتەبی سیاسی پارتی دیموکراتی کوردستان بە بۆنەی ٦٤ ساڵەی دامەزراندنی یەکێتیی ئافرەتانی کوردستان، پەیامێکی پیرۆزبایی ئاراستەی سکرتێری یەکێتییەکە و ئەندامانی مەکتەبی سکرتارییەت کرد کە ئەمە دەقەکەیەتی:

   بەڕێز د. ڤیان سلێمان سكرتێرى یەكێتى ئافرەتانى كوردستان..
   بەڕێزان هەڤاڵانى مەكتەبى سكرتاریەت و ئەنجوومەنى باڵا..
    بەبۆنەى(٦٤)هەمین ساڵوەگەڕى دامەزراندنى یەكێتیە تێكۆشەرەكەتان، یەكێتیى ئافرەتانى كوردستان گەرمترین پیرۆزبایی لە ئێوەو ئەنجوومەنەكان و گشت ئەندام و ئافرەتانى كوردستان دەكەین، هیوادارین هەمیشە هەر سەركەوتوو بن لە هەوڵ و كۆشش و كاروچالاكیەكانتان بۆ دابینكردنى گشت مافەكانتان لە ئازادى و یەكسانى و بەختەوەرى.
كاتێك یەكێتىی ئافرەتانى كوردستان بەر لە(٦٤)ساڵ بە پاڵپشتى و بڕیارى سەركردە و رێبەرى نەتەوەییمان ((بارزانى نەمر)) دامەزرا، هەنگاو ودەستكەوتێگى دیكەى گرینگ بوو بۆ سەرجەم توێژى ئافرەتان و وەك سەكۆیەكی كاریگەر توانى بەو تەمەنە دەوڵەمەندەى رۆڵى دیار و بەرچاوى خۆى شانبەشانى تێكۆشانى گەلەكەمان و بزووتنەوە رزگارىخواز و سیاسیەكەى لە گشت قۆناغ و شێوازەكانى خەبات و كۆڵنەدان دا ببێنێ و گەلێك دەسكەوتى بەنرخیش بەدەست بێنێ. 


  ئاشكرایە توێژى بەرفراوانى ئافرەتان بەپێی ئەو پانتاییەوپێگەیەى هەیانە لەنێو كۆمەڵگەدا، چ ئەرك وكارێكى چارەنووسسازیان لە ئەستۆدایە و چ سەنگ و كاریگەریەكیشیان هەیە بەسەر كۆمەڵگە و پێشكەوتن و بونیاتنانى ئایندەوە، لەو رووەوەش قوربانی زۆریان داوە و بەردەوامیشن لەو رێگایەدا، بۆیە رۆڵى بەرپرسانەى ئێوە و یەكێتییەكەتان گرینگ و بایەخدارە، بەتایبەتى لەو قۆناغە چارەنووسسازەى ئەمڕۆماندا شانبەشانى رۆڵەكانى گەلەكەمان و پێشمەرگە قارەمانەكان بۆ رووبەڕووبونەوەى مەترسییەكان و پەلامار و هەڕەشەى تیرۆریستان و دوژمنان و نەیارانمان و داكۆكیكردن و پاراستنى ئەو ئەزموونەو دەسكەوتەكانمان و دەربازبوون لەو ئاستەنگ وكۆسپانەى لە ئارادان بۆ گەیشتن بە سەربەخۆیى یەكجارەكى.


  جارێكى دیكە بەو بۆنەوە پاڵپشتى و پشتیوانى تەواوى خۆمان بۆ ئێوە و یەكێتییەكەتان دووپات دەكەینەوە و ئومێدەوارین هەردەم پێشەنگ و پێشڕەوى بزووتنەوەى ئافرەتانى كوردستان بن بۆ بەرجەستەكردن و بەدەستهێنانى گشت ماف و داخوازیە رەواكانتان، هەروەها هەردەم ئەو دەنگە زوڵاڵ و راستەقینەیە بن، كە شەست و چوار ساڵە دەدرەوشێەوە و گەشە دەكات و پەرەدەستێنێ و لە هەر قۆناغ  و سەردەمێكیشدا وەڵامى واقیعیانە و گونجاوى خواست و ویستەكانى ئافرەتان و كێشە رەواكانیانن.
      سڵاو لەو كاروانە (٦٤)ساڵە نەسرەوتووەى تێكۆشان و پڕبەخششتان..
            ئومێدەوارین هەمیشە بەرەوپێش بچن و هەر سەركەوتوو بن ..

 


مەكتەبی سیاسی پارتى دیموكراتى كوردستان
١١/١٢/٢٠١٦

Read 108 times
Rate this item
(0 votes)