YJ Dailynews - шаблон joomla Книги
01
شوبات

یادا ئێكێ شوباتێ‮.. ‬پەند و عیبرەتا ژێ وەربگرین

Written by 
Published in هه‌واڵ

سالح محمد تيرؤ
 بەراهیكێ فەرە كۆ ئەم پێناسەیەكێ بدەینە تیرورێ كۆ تیرۆر واتە كوشتن یان سرینەڤە ول ناڤبرنا فیزیكی وگیانی یا مرۆڤێن زولم لێكری و زارۆكێن بێگونەه ، تیروریزم ب هەمی رەنگەكێ دژی هەر هەفوەلاتیەكێ بێ تاوان بهێتە كرن مەحكومە ڤێجا ئەو هەفوەلاتی سەر ب هەر ئایین و نەتەوەیەكێ ڤە بیت، لێ فەرە ئەڤەژی ل بیرامە نەچیت كۆ تیرۆر كارەكێ نەخشە بۆ كێشایی یە بۆ جێ بەجێكرنا ئارمانجەكا سیاسی یە. لێ ئەگەر ئەم هندەك بزڤرینەڤە بۆ سەردەمێ حوكمرانیا رژێما بەعسا ژناڤچوویی دێ بومە دیار بیت كو نەك نوكە ول ئێكێ شوباتێ ب تنێ كارێ تیروری دژی گەلێ كورد روویدایە بەلكو ل (29-9-1971)ژی هەولا تیروركرنا رێبەرا نەتەوێ كورد بارزانیێ نەمر ژلایێ دەزگەهێ موخابراتا رژێما بەعس وب پیلانەكا سەیر كۆ ئەو ژی پەقاندنا چەند بناڤ ماموستایێن ئایێن بوو ل بارەگایێ بارزانیێ نەمر وب سەرسورمانەڤە بارزانی لێ رزگار بوو، دیسان كیمیابارانكرنا شارێ هەلەبچا شەهید وكریارێن بەدناڤێن ئەنفالا لسالا (1988)دبینین جورەكێ دی یێ تیرورێ ل ب پانتەیەكێ مەزن و بەرفرەهتر.  دڤان رۆژاندا (13)ساڵ دەرباز دبن لسەر بورینا تاوانا كارێ تیروری یێ ئێكێ شوباتێ كو ددەرحەقێ گەلێ كوردستانێ ژلایێ تیروریستانڤە ل هەڤلێراپایتەختێ كوردستانێ و ل سپێدەیا رۆژا ئێكێ یا جەژنا قوربانیێ ولسالا (2004)ێ و ل بارەگایێ لقێ 2 یێ پارتی دیموكراتی كوردستان ومەلبەندی 3 یێ ئێكەتیا نیشتیمانیا كوردستانێ هاتیە ئەنجام دان كو ب راستی وژدانا مروڤایەتیێ هاتە هەژاندن وب سەد ان شەهید وبریندار یێن بێگونەه بوونە قوربانی لڤی كارێ دویر ژ هەمی پرەنسیپێن ئەخلاقی وئایینی ونەتەوی ونیشتیمانی ومروڤایەتیێ، لڤێ رۆژێ هەڤلێرا پایتەخت ڕەش پۆش بوو وبو نالە نالا زاروك وپیرو گەنج ولاو ئافرەتا، هەلبەت كارەساتا ئێكێ شوباتێ ل هەڤلێرا كو كومەكا مروڤێن خەباتكارو شورشگێرو قەهرەمان وبەرپرسێن سازیێن حكومی وحزبی دپێشوازیا مێهڤانان دابون وب سەدان مروڤێن كوردپەوەرو وەلاتپارێز وسەركردەوكادروپێشمەرگەهێن ماندی نەناس وهاولاتیێن بێگونەه هاتنە شەهیدكرن وب سەدان ژی هاتنە برینداركرن وب دەستێن مروڤ كوردكۆژ وتیروریستانڤە هاتیە ئەنجام دان كو ب راستی تاوانەكە نابیت بهێتە ژبیركرن وخالەكا ڕەشە ژی ب ناڤ چاڤێن ئەنجام دەرێن ئەڤی كارێ تیروریستی یێ هوڤانە، فەرە ئەم پەندو عیبرەتا ژێ وەربگرین وپتر دهوشیار و ئێكگرتی بین ودهەڤكار بین دگەل سازیێن ئەمن وئاسایشا پاراستنا حكومەتا هەرێما كوردستانێ تاكو هیچ دەمەكێ پیلانێن دوژمنا سەر نەگرن.  ل دەمێ ئەم ئەڤێ یادا پڕ خەم وكوڤان ساخ دكەینەڤە ئەڤرۆ ئەم یێن دبارودوخەكێ هەستیاردا دژین ل رۆژهەلاتا ناڤین و دەڤەرێ ئەڤە ژلایەكێڤە وژئالیەكێ دیڤە سەركەفتنا پێشمەرگەهێن قەهرەمان لسەر درەندترین رێكخراوەكا رێكخستی و پڕ چەك رێكخراوا تیروریستیا داعش و شكەستنا ئەفسانەیا وان ب زەندو باسكێت پێشمەرگەهێن خوراگر وهێزێن هەڤپەیمانان و ب سەرپەرشتیا سەرۆك بارزانی، دیسان فەرە لایەنێن سیاسی خوە بەرهەڤ بكەن بۆ مفا وەرگرتن ل وان گورانكاریێن كو ئەم هەمی چاڤەرێنە ل رۆژهەلاتا ناڤین بهێنە ئەنجام دان تاكو رێكەفتنا دوویێ یا سایكس ژ پیكو دوبارە نەبیتەڤە، لەوما بۆ سارێژكرنا هندەك برینێن ئەڤێ كارەساتا تیرۆریستی وسڤككرنا خەم وكوڤانێن كەس وكارێن ئەڤان شەهیدێن سەربلند و شەهیدێن بەرگریكرن ل مروڤایەتیێ و ئەوێن ب دەستێن تیروریستێن داعش هاتینە شەهید كرن وتەڤایا شەهیدێن بزاڤا رزگاریخوازا كوردستانێ وتەناهی وئارامگرتنا گیانێ وان یێ پیرۆز ئەوژی ب ئێككرێزی ورێكخستنا مالا كوردی ب هەستەكا نەتەوی ونیشتیمانی و بەرژەوەندیا گشتی وچەسپاندنا یاسایێ ودادپەروەریا جڤاكی و وەكهەڤیێ ل كوردستانێ وهەول بهێتە دان ژلایەنێن سیاسی كو ملێت خو بدەنە بەرپرسیارەتیێ و ئەڤی مللەتی لڤان قەیرانێن سەخت و دژوار رزگار بكەن، لدویماهیێ وب هەلكەفتا (13)مین ئەڤ كارەساتا پڕ ژان وئێش سەرێ رێزو تەقدیرێ دچەمینین بۆ گیانێ پاقژێن شەهیدێن ئێكێ شوباتێ وتەڤایا شەهیدێن بزاڤا رزگاریخوازا كوردستانێ وسەرقافلێ كاروانێ شەهیدان بارزانیێ نەمر و شەهیدێ سەركردە و هەردەم ساخ ئێدریس بارزانی.

Read 306 times
Rate this item
(0 votes)