YJ Dailynews - шаблон joomla Книги
27
نیسان

فازڵ میرانی: جیهان و کۆمەڵگەی نێودەوڵەتی تێگەیشتنێکی زۆرباشیان بۆ مافەکانی گەلی کورد لا دروست بووە

Written by 
Published in هه‌واڵ

 

 

ئەمرۆ لە بارەگای مەكتەبی سیاسیی پارتی دیموكراتی كوردستان، (فازڵ میرانی) پێشوازیی لە (نیك لاتا)، جێگری باڵیۆزی بەریتانیا لە عێراق و (جۆن شارب)، كونسوڵی بەریتانیا لە هەرێمی كوردستان و شاندی یاوەریان كرد.

لە دیدارەكەدا وێڕای بەخێرهێنانی شاندی میوان، (فازڵ میرانی) خۆشحاڵیی خۆی بۆ ئەم دیدارە دەربڕی و تیشك خرایە سەر پرسە گرینگەكانی ناوچەكە و عێراق بەگشتی و هەرێمی كوردستان بەتایبەتی و پەیوەندییەكانی هەرێمی كوردستان لەگەڵ بەغدا و پەیوەندییەكانی هەرێمی كوردستان و بەریتانیا و پەرەسەندنە سیاسی و سەربازییەکان و قۆناغی دوای داعش لە عێراق تاوتوێ كرا.

لەلای خۆیەوە (نیك لاتا) سوپاسی سكرتێری مەكتەبی سیاسیی كرد بۆ ئەم پێشوازییە و تەئكیدی كردەوە لەسەر بڕیاری حكوومەتی بەریتانیا بۆ بەردەوامیی پاڵپشتی و پێشكەشكردنی پشتیوانیی سەربازی بۆ هێزی پێشمەرگەی كوردستان و، هەنگاوەكانی چارەكردنی كێشەكان و چاكسازی لە هەرێمی كوردستان بەگرینگ زانی، کە تەواوی كێشەكان بە ڕێگای دیالۆگ چارە بكرێن و ئەوان خوازیاری تەبایی و یەكڕیزیی هێز و لایەنە سیاسییەكانن بۆ ئەوەی سەقامگیری لە كوردستان بەردەوام بێت.

دواتر سكرتێری مەكتەبی سیاسی  باسی لە ئامادەكاری بۆ ڕیفراندۆم كرد، كە مافێكی سروشتیی گەلی كوردستانە، لەدژی هیچ لایەك نییە و نابێتە مەترسی بۆ هیچ وڵاتێك و ئێمە هەردەم هەڵگری پەیامی ئاشتی بووینە و جەختی لێ دەكەینەوە، کە كوردستان هەردەم فاكتەری سەقامگیریی ناوچەكە بووە و دەبێت.

هەروەها (فازڵ میرانی) تەئكیدی كرد، كە جیهان و كۆمەڵگەی نێودەوڵەتی تێگەیشتنێكی زۆر باشیان بۆ مافەكانی گەلی كوردستان لا دروست بووە و بە چاوی ڕێز و ستایشەوە سەیری خۆڕاگری و قوربانیدانی هێزی پێشمەرگە دەكەن، كە بەرگری لە ئەمن و سەقامگیری و بەها بەرزەكانی مرۆڤایەتی دەكات.

لە كۆتاییدا هەردوولا پێداگرییان لەسەر بەهێزكردن و پتەوكردنی پەیوەندیی دۆستایەتیی نێوان هەرێمی كوردستان و بەریتانیا دژی تیرۆریستانی داعش كردەوە.

Read 356 times
Rate this item
(0 votes)