YJ Dailynews - шаблон joomla Книги
27
نیسان

سەرۆكی هەرێمی كوردستان پێشوازی لە هونەرمەندی گەورەی كورد مەزهەر خاڵقی دەكات

Written by 
Published in هه‌واڵ

 

 

سێشەممە 25ـی 4ـی 2017 لە سەلاحەددین (مەسعوود بارزانی) سەرۆكی هەرێمی كوردستان پێشوازی لە هونەرمەندی گەورە و ناوداری كورد (مەزهەر خاڵقی) كرد.
لە دیدارەكەدا (سەرۆك بارزانی) وێڕای ئەحواڵپرسینی سوپاس و پێزانینی خۆی ئاراستەی (مەزهەر خاڵقی) كرد بەهۆی ئەو ڕۆڵەی لە ژیانی فەرهەنگی و كولتووریی گەلی كوردستان گێڕاویەتی و هەروەها هەڵوێستە نیشتیمانپەروەرەكانی  بەرز نرخاند و هیوای تەندروستی بۆ خواست و ڕایگەیاند كە (مەزهەری خاڵقی) جێگەی شانازیی هەموو لایەكمانە.
هەر لەم دیدارەدا (مەزهەر خاڵقی) سوپاسی ئەرك و ماندووبوون و خەباتی (سەرۆك بارزانی) كرد و وێڕای ئاماژەدان بە سیاسەت و ستراتیژی (سەرۆك بارزانی) لەبارەی سەربەخۆیی ئەوەی خستەڕوو كە هەموو توانا و بەرهەم و چالاكییەكانی دەخاتە خزمەت پڕۆسەی سەربەخۆیی كوردستان.

Read 444 times
Rate this item
(0 votes)