YJ Dailynews - шаблон joomla Книги
29
نیسان

سەرۆک بارزانی پێشوازی لە وەزیری بەرگریی و فەرماندەی هێزی ئاسمانیی عێراق کرد

Written by 
Published in هه‌واڵ

 

 

سەرۆكی هەرێمی كوردستان پێشوازی لە وەزیری بەرگریی عێراق و فەرماندەی هێزی ئاسمانیی عێراق کرد و لە دیدارەکەدا هەماهەنگیی نێوان هێزی پێشمەرگە و سوپای عێراق لە پرۆسەی ئازادکردنی مووسڵدا بەرز نرخێندرا و جەخت لەسەر بەردەوامیی ئەو هەماهەنگییە کرایەوە.

ڕۆژی شەممە ٢٩ـی ٤ـی ٢٠١٧ لە سەلاحەدین (مەسعوود بارزانی) سەرۆكی هەرێمی كوردستان پێشوازی لە (عرفان ئەلحەیالی) وەزیری بەرگریی عێراق و فەریق ڕوکن (ئەنوەر حەمەدەمین) فەرماندەی هێزی ئاسمانی عێراق كرد.

 

لە دیدارەكەدا کە (کەریم شنگالی) وەزیری ناوخۆ و وەزیری پێشمەرگە بە وەکالەت ئامادەی بوو، وەزیری بەرگریی عێراق، (سەرۆك بارزانیی) لە دوایین پێشهاتە ئەمنییەكان و بارودۆخی مەیدانیی بەرەكانی ڕووبەڕووبوونەوەی تیرۆریستانی داعش لە ئۆپەراسیۆنی ئازادکردنی مووسڵ ئاگادار كردەوە. هەروەها بارودۆخی ناوچە ئازاکراوەکانی مووسڵ و ئاییندەی موسڵ خرایە بەرباس و جەختیش لە بەرەنگاربوونەوە و لەناوبردنی تیرۆریستان و ئازادكردنی ناوچەكان كرایەوە.
هەر لە دیدارەکەدا هەماهەنگیی نێوان هێزی پێشمەرگە و سوپای عێراق لە پرۆسەی ئازادکردنی مووسڵدا بەرز نرخێندرا و جەخت لەسەر بەردەوامیی ئەو هەماهەنگییە کرایەوە.

Read 512 times
Rate this item
(0 votes)