YJ Dailynews - шаблон joomla Книги

Anjuman46

19
تشرینی یەکەم

 

 

ا به‌ مه‌به‌ستى ئاگاداربوون له‌ ره‌وشى ناوچه‌كه‌ كاكه‌مين نه‌جار ئه‌ندامى مه‌كته‌بى سياسى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر به‌ ياوه‌رى ئه‌ندامانى ئه‌نجومه‌ن . ده‌ڤه‌رى مخمور و قه‌زاى ديبه‌گه‌ى به‌ سه‌ركرده‌وه‌ و له‌ گه‌ڵ به‌رپرسى لقى 23 ى مخمور و فه‌رمانده‌ و پێشمه‌رگه‌ قاره‌مانه‌كانى سنوره‌كه‌ كۆبووه‌ . كاكه‌مين نه‌جار له‌ ووته‌يه‌كدا بۆ هێزه‌كانى پێشمه‌رگه‌ى كوردستان رايگه‌ياند ئێمه‌ وه‌كو كورد هه‌رگيز ئاره‌زووى شه‌ر ناكه‌ين و نامانه‌وێ ببينه‌ سه‌رچاوه‌ى هه‌ڵگيرسانى شه‌ڕ و ناكۆكى له‌ ناوچه‌كه‌ . ئێمه‌ له‌ رێگاى ديالۆگ و گفتوگۆوه‌ داوامان كرد كێشه‌كانى نێوان هه‌لێر و به‌غدا چاره‌سه‌ر بكه‌ين به‌ڵام وه‌ك هه‌ميشه‌ به‌غدا له‌ رێگاى هه‌ره‌شه‌ و به‌ كارهێنانى هێزه‌وه‌ هه‌وڵى داگيركردنى ئه‌و ناوچانه‌ ده‌دات كه‌ ئێوه‌ى پێشمه‌رگه‌ به‌ خوێنى خۆتان و هه‌ڤاڵاكانتان ئه‌و ناوچانه‌تان له‌ ده‌ستى ڕه‌شى تيرۆريستانى داعش پاراست . كاكه‌مين نه‌جار له‌ به‌شێكى ترى ووته‌كانى ئاماژه‌ى به‌ رێكه‌وتن و زمانى گفتوگۆ كرد و رايگه‌ياند گه‌ر سه‌د ساڵيش له‌ گه‌ڵ به‌غدا شه‌ڕ بكه‌ين سه‌ره‌نجام هه‌ر ده‌بێ به‌ گفتوگۆ كێشه‌كانمان چاره‌سه‌ر بكه‌ين . بۆيه‌ ئێمه‌ داوامان كردوه‌ بۆ پاراستنى خه‌ڵكى ناوچه‌كه‌ و دوور خستنه‌وه‌ى ئاگرى با گفتوگۆ بكه‌ينه‌ تا ده‌رگاى چاره‌سه‌ر به‌ هيواين به‌غدا واز له‌ زمانى هه‌ره‌شه‌ و به‌ كارهێنانى هێز بكات . ئه‌گينا ئێمه‌ى كورد ناچاره‌بين به‌ زمانى هێز و وه‌لام بده‌ينه‌وه‌ كه‌ ئه‌مه‌ خواستى ئێمه‌ نييه‌ ...

 

18
تشرینی یەکەم

 

بەناوی خودای بەخشندە و میهرەبان


جەماوەری خۆشەویستی كوردستان

ڕای گشتیی كوردستان و عێراق و جیهان

بە درێژایی مێژوو گەلی كوردستان لەژێر هەڕەشە و زوڵمدا بووە و مافەكانی پێشێل كراوە. لەو مێژووەدا گەلی كوردستان بەرگریی لە ناسنامەی خۆی كردووە و تووشی جینۆساید و كۆمەڵكوژی هاتووە كە دوایینیان پەلاماری دڕندانەی تیرۆریستانی داعش بووە بۆ سەر كوردستان و جینۆسایدی كوردانی ئێزیدی. لەگەڵ ئەوەیشدا گەلی كوردستان هەمیشە لە ڕوانگەی چارەسەری ئاشتیانەدا هەنگاوی ناوە و هیچ كاتێك شەڕمان نەویستووە، بەڵكو شەڕمان بەسەردا سەپێندراوە و هەموو هەوڵێكمان بۆ چارەسەری ئاشتیانە داوە بۆ مانەوەمان و گەییشتنمان بە ئامانجەكانمان. ئامانجی سەرەكیشمان هەمیشە ئاساییش و مافەكانی گەلی كوردستان بووە.

هاووڵاتیانی خۆشەویست

ئەوەی لە شاری كەركووك ڕووی داوە، دەرئەنجامی بڕیاری تاكلایەنەی چەند كەسێك لەنێو لایەنێكی سیاسیی ناوخۆی كوردستان بوو، كە دواجار بووە هۆی ئەوەی هێزەكانی پێشمەرگە بەو شێوەیەی كە دیترا پاشەكشە بكەن و لە دەرئەنجامی ئەم پاشەكشەیە، هێڵی تەماسی پێش دەستپێكردنی ئۆپەراسیۆنی ئازادكردنی موسڵ لە 17ـی 10ـی 2016 لەنێوان بەغدا و هەولێر بووە بە بنەمای لەیەكگەییشتن لە چۆنییەتیی بڵاوەپێكردنی هێزەكانی عێراقی و هەرێمی كوردستان.

جەماوەری كوردستان دڵنیا دەكەینەوە ئەوەی پێویستە و دەكرێ، لەپێناو پاراستنی دەستكەوتنەكانمان و ئارامی و ئاساییشی خەڵكدا ئەنجامی دەدەین.

ئێستایش داكۆكی لەسەر پاراستنی یەكڕیزی و خۆڕاگریی گەلی كوردستان و هێزە سیاسییەكان دەكەینەوە و، داوایش لە دەزگەكانی ڕاگەیاندن دەكەم بە گشتی لە ڕوانگەی هەستكردن بە بەرپرسیارێتیی نەتەوەیی و نیشتیمانی مامەڵە لەگەڵ بارودۆخی هەستیاری كوردستان و عێراقدا بكەن.

گەلی خۆڕاگری كوردستان، جەماوەری دڵسۆز و خۆبەخشەكان، پێشمەرگە قارەمانەكان، كەسوكاری شەهیدە سەربەرزەكانمان، ئەو خوێنەی ڕۆڵەكانتان لەڕێگەی ئازادیی كوردستان بەخشیویانە و ئیمڕۆش هەر دەبەخشرێ، ئەو دەنگە زوڵاڵە بەرزەی كە بۆ سەربەخۆیی كوردستان خستانەڕوو و گەیاندتانە گشت گەلان و وڵاتانی جیهان، ڕۆژێك لە ڕۆژان بە فیڕۆ ناچێت و بەفیڕۆیش نایدەین.

گەلی كوردستان بە هیمەتی هێز و ڕۆڵە قارەمانەكانی زوو یان درەنگ هەر دەگاتە ئامانجە ڕەوا و پیرۆزەكانی. ئیمڕۆ ڕۆژی باوەڕبوونە بە هێز و یەكڕیزیی گەلەكەمان.

مسعود بارزانی

17
ـی 10ـی 2017

16
تشرینی یەکەم

 

کاکەمین نەجاڕ

ئێمە وەک کورد تەواوی کوردستانیان نە شەڕمان دەوێت نە داواش دەکەین کێشەکانمان لە ڕێگای شەڕەوە یەکلابکەینەوە . بەڵام هەر هێز و داگیرکەرێک بیەوێت بستێک خاکی کوردستان داگیر بکات . ئێمە بە خوێن خاک و گەلی کوردستان دەپارێزین . ئەو سەردەمەش بە سەرچوو دووژمنانی گەلەکەمان بتوانن لە ڕێگای فشار و هێزەوە بستێک خاکی کوردستان داگیر بکەن . ئێمە داوای مافی ڕەوای خۆمان کردوە و دەنگی گەل سەنگی مەحەکە و هەرگیز سازش لە سەر مافەکانمان ناکەین ....

09
تشرینی یەکەم

 

ڕۆژی یەكشەممە 8ـی 10ـی 2017 لە سەلاحەددین بەڕێز مەسعود بارزانی سەرۆكی هەرێمی كوردستان پێشوازی لە سەلیم جبووری سەرۆكی ئەنجوومەنی نوێنەرانی عێراق كرد.


لە دیدارەكەدا بیروڕا لەبارەی پێشهاتە سیاسییەكانی عێراق و ڕیفراندۆمی گەلی كوردستان و كاردانەوەكان ئاڵوگۆڕ كرا.

هەر لەو دیدارەدا وێڕای دووپاتكردنەوەی پێویستی پاراستنی سەقامگیری و ئاساییش و دووركەوتنەوە لە گرژی، جەخت لەسەر هێوركردنەوەی بارودۆخی سیاسی و پشتبەستن بە پڕەنسیپی گفتوگۆ بە ئەجیندای كراوە و بەشداریی هەمەلایەنە بۆ گەییشتن بە چارەسەركردنی كێشەكانی نێوان هەولێر و بەغدا كرایەوە.