YJ Dailynews - шаблон joomla Книги

Anjuman46

05
ئازار

 

 

به‌ مه‌به‌ستى دانانى به‌رنامه‌ و ميكانيزمى گونجاو بۆ هه‌ڵمه‌تى هه‌ڵبژاردنى ئه‌نجومه‌نى نوێنه‌رانى عێراق پێش نيوه‌ڕۆىى ئه‌مرۆ يه‌كشه‌ممه‌ 

كاكه‌مين نه‌جار ئه‌ندامى مه‌كته‌بى سياسى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر به‌ ئاماده‌ بوونى سالح هه‌ركى ئه‌ندامى ئه‌نجومه‌ن و به‌رپرسى ده‌زگاى هه‌ڵبژاردنى ئه‌نجومه‌نى سه‌ركردايه‌تى هه‌ولێر له‌ گه‌ڵ كانديدانى پارتى ديموكراتى كوردستان له‌ سنورى پارێزگاى هه‌ولێر بۆ خولى داهاتووى ئه‌نجومه‌نى نوێنه‌رانى عێراق له‌ باره‌گاى ئه‌نجومه‌ن كۆبۆوه‌ . 
له‌ سه‌ره‌تاى كۆبوونه‌وه‌كه‌ كاكه‌مين نه‌جاڕ ره‌وشى ناوچه‌كه‌ و ناوخۆيى عێراق و په‌يوه‌ندييه‌كانى نێوان هه‌رێمى كوردستان و حكومه‌تى عێراقى شيكرده‌وه‌ و ڕايگه‌ياند هه‌وڵى زۆر هه‌ن بۆ ئه‌وه‌ى په‌يوه‌ندييه‌كانى نێوان هه‌ولێر و به‌غدا ئاسايى بكرێته‌وه‌ و كێشه‌و گرفته‌كان چاره‌سه‌ر بكرێن . له‌م باره‌يه‌وه‌ حكومه‌تى هه‌رێمى كوردستان هه‌موو كار ئاسانييه‌ك ده‌كات بۆ چاره‌سه‌ر بوونى گرفته‌كان له‌ گه‌ڵ حكومه‌تى ناوه‌ند . هه‌ر بۆيه‌ چاوه‌ڕێ ده‌كرێ به‌شێكى گرفته‌كان له‌ ئاينده‌يه‌كى نزيك چاره‌سه‌ر بكرێن . 
له‌ به‌شێكى ترى ووته‌كانى كاكه‌مين نه‌جار ئاماژه‌ى به‌ هه‌ڵبژاردنى خولى داهاتووى ئه‌نجومه‌نى نوێنه‌رانى عێراق كرد و رايگه‌ياند به‌ ده‌ست هێنانى مافه‌كانى گه‌لى كوردستان له‌ داهاتوو وابه‌سته‌يه‌ به‌ پێگه‌ى كورد و به‌ ده‌ست هێنانى كورسى زۆر تر له نێو كورديشدا پێگه‌ و سه‌نگى پارتى كاريگه‌رى يه‌كجار زۆرى هه‌يه‌ . چونكه‌ مێژوو ئه‌و راستيه‌ى سه‌لماندووه‌ پارتى به‌ پێداگيرى و داكۆكى سه‌رختانى خۆى له‌ مافى ڕه‌واى گه‌لى كوردستان ده‌سكه‌وتى مه‌زنى بۆ گه‌له‌كه‌مان به‌ ده‌ست هێناوه‌ . ئه‌مرۆش دوايى ئه‌نجامدانى ڕيفرادۆم و ئه‌و كاردانه‌وانه‌ى لێى كه‌وته‌وه‌ كه‌ به‌ داخه‌وه‌ به‌شێكى خاكى كوردستان له‌ ئه‌نجامى خيانه‌تدا كه‌وته‌ به‌ر ده‌ستى حكومه‌تى ئێستاى عێراق و مانه‌وه‌ى هه‌رێمى كوردستان له‌ چوارچێوه‌ى عێراق واى له‌ پارتى ديموكراتى كوردستان كرد كه‌ هه‌وڵى جدى بدات بۆ ئه‌وه‌ى به‌ سه‌نگ و پێگه‌يه‌كى به‌هێزوه‌ كار بۆ ناردنى ژماره‌يه‌كى زۆرى كاديرى به‌ توانا و شاره‌زا له‌ بواره‌ جۆرا و جۆره‌كان بدات . تا له‌ ئه‌نجومه‌نى نوێنه‌رانى داهاتوو له‌ به‌غدا مافى زياتر و ده‌سكه‌وتى گه‌وه‌رتر بۆ گه‌لى كوردستان به‌دى بێنين . 
له‌ درێژه‌ى ووته‌كانى كاكه‌مين نه‌جار بۆ كانديدانى هه‌ولێر راگه‌ياند ئێوه‌ ده‌بێ به‌رنامه‌ى ڕوون و ئاشكراتان هه‌بێت بۆ خزمه‌تى خاك و خه‌ڵكى كوردستان وه‌ ده‌بێ كار بۆ ئه‌وه‌بكه‌ن ئايندى كوردستان گه‌شتر بێت . دواتر به‌شدار بووان به‌ چه‌ندين سه‌رنج و تێبنى گرنگ به‌شدار بوون .

01
ئازار

 

 

له‌ يادى سى و نۆ ساڵه‌ى كۆچى دوايى بارزانى نه‌مر 

به‌ڵێن دووپات ده‌كه‌ينه‌وه‌ و ده‌ڵێين 
سه‌رۆك و ڕابه‌رى كه‌م وێنه‌ له‌ خه‌باتى سه‌ختى رووبه‌روو بوونه‌وه‌ى ديكتاتۆرييه‌ت له‌ يادى سى و نۆساڵه‌ى كۆچى دووايدا . به‌ڵێن دووپات ده‌كه‌ينه‌وه‌ كه‌ درێژه‌ پێده‌رى پارتى شه‌هيدان بين . درێژه‌ پێده‌رى ڕێبازى ڕاسته‌قينه‌ت بين . به‌ڵێن دووپات ده‌كه‌ينه‌وه‌ درێژه‌پێده‌رى ڕيبازه‌كه‌ت بين كه‌ ڕێبازى پارێزه‌رى خاك و خه‌ڵكى كوردستانه‌ . 
به‌ڵێنێكه‌ و داومانه‌ تا كۆتايى ته‌مه‌ن درێژه‌ پێده‌رى ئه‌م ڕێبازه‌ مه‌زنه‌ بين تا به‌ دى هاتنى ئاوات و ئامانجه‌كانى گه‌لى كوردستان .

28
شوبات

 

به‌ مه‌به‌ستى ئاگاداربوون له‌ ره‌وشى ته‌ندروستى كاديرى پێشكه‌وتووى پارتى و راگه‌ياندكارى به‌ توانا هه‌ڤاڵ نه‌ورۆز كاكه‌مين نه‌جار ئه‌ندامى مه‌كته‌بى سيساى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر به‌ ياوه‌رى ئه‌ندامانى ئه‌نجومه‌ن سه‌ردانى هه‌ڤاڵ نه‌ورۆز ى كرد له‌ نزيكه‌وه‌ له‌ بارى ته‌ندروستى به‌رێزيانى پرسى و هوياى زوو چاكبونه‌وه‌ى بۆ خواست . كاكه‌مين نه‌جار رايگه‌ياند هه‌ڤاڵ نه‌ورۆز پێشمه‌رگه‌ و كادير و راگه‌ياندنكارى به‌ ئه‌زمون و به‌ توانى پارتى يه‌ به‌ تێكچونى بارى ته‌ندروستى به‌رێزتان هه‌موومان له‌ ناخه‌وه‌ نيگه‌ران بووين . سوپاس بۆ خواى گه‌وره‌ كه‌ ده‌تبينم بارى ته‌ندروستيت باشتره‌ . له‌ هه‌مبه‌ر سه‌ردان و به‌ سه‌ركردنه‌وه‌ى هه‌ڤاڵ نه‌ورۆز سوپاسى كاكه‌مين نه‌جارى كرد كه‌ له‌ رۆژى تێكچونى بارى ته‌ندروستيه‌وه‌ به‌ په‌رۆشه‌وه‌ هه‌والى پرسيوه‌ . شياوى ئاماژه‌ بۆ كردنه‌ هه‌ڤاڵ نه‌ورۆز له‌ چه‌ند رۆژى رابردوو له‌ نه‌خشخانه‌ خه‌وێرنا و كه‌بارى ته‌ندروستى تێكچوو بوو ...

28
شوبات

 

له‌ به‌رده‌وامى به‌ سه‌ركردنه‌وه‌ و به‌ دواداچوونى بۆ ئاستى خزمه‌تگوزاريي و ره‌وشى ناوچه‌كان كاكه‌مين نه‌جار ئه‌ندامى مه‌كته‌بى سياسى و سه‌رۆکی ئه‌نجومه‌نى سه‌ركردايه‌تى پارێزگاى هه‌ولێر به‌ ياوه‌رى كرمانج عبدالله به‌ر پرسى لقى 23 ى مخمور و ئه‌ندامانى ئه‌نجومه‌نى سه‌ركردايه‌تى هه‌ولێر له‌ شاره‌دێى يبه‌گه‌ له‌ گه‌ڵ قايمقامى قه‌زاى مخمور و به‌ر ێوه‌به‌رى ناحيه‌كانى سنوره‌كه‌ و به‌رپرسى فه‌رمانگه‌ حكوميه‌كان كۆبۆوه‌ . 

له‌ ووته‌يه‌كدا كاكه‌مين نه‌جار تيشكى خسته‌ سه‌ر گرنگى ناوچه‌كه‌ كه‌ به‌ درێژايى مێژووى گه‌له‌كه‌مان ده‌ڤه‌ره‌كانى قه‌راج و كه‌ندێناوه‌ كانگاى قوربانى دان و ڕووبه‌روو بوونه‌وه‌ى رژێمه‌ سته‌مكاره‌كانى عێراق بووه‌ و هه‌ميشه‌ خه‌ڵكى ئه‌م ده‌ڤه‌ره‌ قوربانى زۆريان داوه‌ له‌ پێناو سه‌ركه‌وتنى شۆرشه‌كانى گه‌له‌كه‌مان . كاكه‌مين نه‌جار له‌ درێژه‌ى ووته‌كه‌ى رايگه‌ياند ناوچه‌كه‌ له‌ به‌رگرنگى هه‌ڵكه‌وته‌ى جوگرافياكه‌ى و به‌ پيت و به‌ره‌كه‌تى خاكه‌ى دووژمن به‌رده‌وام هه‌وڵى داوه‌ ئه‌م ناوچه‌يه‌ بخاته‌ ژێر كۆنترۆڵى خۆيى .به‌ڵام خۆرِاگرى و قاره‌مانيه‌تى خه‌ڵكى ئه‌م ده‌ڤه‌ره‌ رێگر بووه‌ له‌ پيلانى دووژمنانى گه‌له‌كه‌مان و خه‌ڵك به‌ گيانى خۆى ناوچه‌كه‌ى پاراستووه‌ . ئه‌مرۆش كه‌ ئێمه‌ لێره‌ كۆبووينه‌ته‌وه‌ به‌ داخه‌وه‌ جارێكى تر ره‌وشى ناوچه‌كه‌ تووشى نا ئارامى و نا سه‌قامگيرى بووه‌ به‌ تايبه‌ت ده‌ڤه‌رى قه‌راج كه‌ جارێكى تر كه‌تۆته‌وه‌ ده‌ست حكومه‌تى عێراق و زۆربه‌ى خه‌ڵكى ناوچه‌كه‌ ئاواره‌ بووه‌ . كاكه‌مين نه‌جار ئاماژه‌ى به‌ گرنگى ئاوه‌انكرنه‌وه‌ و به‌رده‌وامى پرۆژه‌كانى خزمه‌تگوزارى كرد كه‌ پێويسته‌ به‌رپرسانى حكومه‌ت له‌ سنوره‌كه‌ هه‌موو هه‌وڵێك بده‌ن بۆ دابينكردنى ژيانێكى شايسته‌ به‌ دانيشتوانى ئه‌م ده‌ڤه‌ره‌ . له‌ به‌شێكى ترى ووته‌كانى كاكه‌مين نه‌جار رايگه‌ياند ئه‌م دۆخه‌ وه‌كو خۆى نامێنێ و له‌ ئاينده‌يه‌كى نزيك خه‌ڵكى ناوچه‌كه‌ ئه‌وانه‌ى ئاواره‌ بوونه‌ به‌ سه‌ر به‌رزى ده‌گرِێنه‌وه‌ سه‌ر زێدى خۆيان و ئه‌م ده‌ڤه‌ره‌ وه‌ك هه‌ميشه‌ خاكى كوردستانه‌ و به‌ كوردستانى ده‌مێنێته‌وه‌ .