YJ Dailynews - шаблон joomla Книги

Anjuman46

16
تشرینی یەکەم

 

کاکەمین نەجاڕ

ئێمە وەک کورد تەواوی کوردستانیان نە شەڕمان دەوێت نە داواش دەکەین کێشەکانمان لە ڕێگای شەڕەوە یەکلابکەینەوە . بەڵام هەر هێز و داگیرکەرێک بیەوێت بستێک خاکی کوردستان داگیر بکات . ئێمە بە خوێن خاک و گەلی کوردستان دەپارێزین . ئەو سەردەمەش بە سەرچوو دووژمنانی گەلەکەمان بتوانن لە ڕێگای فشار و هێزەوە بستێک خاکی کوردستان داگیر بکەن . ئێمە داوای مافی ڕەوای خۆمان کردوە و دەنگی گەل سەنگی مەحەکە و هەرگیز سازش لە سەر مافەکانمان ناکەین ....

09
تشرینی یەکەم

 

ڕۆژی یەكشەممە 8ـی 10ـی 2017 لە سەلاحەددین بەڕێز مەسعود بارزانی سەرۆكی هەرێمی كوردستان پێشوازی لە سەلیم جبووری سەرۆكی ئەنجوومەنی نوێنەرانی عێراق كرد.


لە دیدارەكەدا بیروڕا لەبارەی پێشهاتە سیاسییەكانی عێراق و ڕیفراندۆمی گەلی كوردستان و كاردانەوەكان ئاڵوگۆڕ كرا.

هەر لەو دیدارەدا وێڕای دووپاتكردنەوەی پێویستی پاراستنی سەقامگیری و ئاساییش و دووركەوتنەوە لە گرژی، جەخت لەسەر هێوركردنەوەی بارودۆخی سیاسی و پشتبەستن بە پڕەنسیپی گفتوگۆ بە ئەجیندای كراوە و بەشداریی هەمەلایەنە بۆ گەییشتن بە چارەسەركردنی كێشەكانی نێوان هەولێر و بەغدا كرایەوە.

08
تشرینی یەکەم

 

  (7/10/2017) بەڕێز مسعود بارزانی سەرۆكی هەرێمی كوردستان لە شاری سلێمانی لەگەڵ هەریەكە لە بەڕێزان دكتۆر ئەیاد عەللاوی و ئوسامە نوجەیفی جێگرانی سەرۆك كۆماری عێراق كۆبووەوە.


لەم كۆبوونەوە سێ قولییەدا گفتوگۆ كرا لەبارەی باروودۆخی هنوكەیی كە عێراق پێیدا تێپەڕ دەبێت، و چۆنیەتی چارەسەركردنی بابەت و كێشە پەیوەندیدارەكان بە گۆڕەپانی سیاسی.

لەم بارەیەوە فۆاد حسێن سەرۆكی دیوانی سەرۆكایەتی هەرێمرایگەیاند، ئامادەبووانی كۆبوونەوەكەرێككەوتن لەسەر ئەم خاڵانەی خوارەوە.

1.
دەستپێكردنی گفتوگۆ و كۆبوونەوەكان لەنێوان لایەنە سیاسییە سەرەكییەكان لە عێراق بۆ هێوركردنەوەی باروودۆخەكە.
2.
كۆبوونەوەكان لەسەر ئەجێندای كراوە ئەنجام بدرێن.
3.
هەلگرتنی دەستبەجێی سزاكان لەسەر هەرێمی كوردستان.
4.
دەستپێكردنی كۆبوونەوەكان لە داهاتوویەكی نزیكدا ، بە پشت بەستن بە ئالیەتێكی تایبەت بۆ هەماهەنگی بەردەوام.

05
تشرینی یەکەم

 

بە مەبەستی دەربڕینی هاوخەمی بۆ کۆچی ناوادەی جەنابی مام جلال شاندێکی سەرکردایەتی پارتی دیموکراتی کوردستان بە سەرۆکایەتی کاکەمین نەجار ئەندامی مەکتەبی سیاسی و سەرۆکی ئەنجومەنی سەرکردایەتی پارێزگای هەولێر بە یاوەری بەرپرسی لقەکانی سنوری پارێزگای هەولێر و ئەندامانی ئەنجومەن.

سەردانی بارەگای مەکتەبی سیاسی یەکێتی نیشتیمانی کوردستانیان لە شاری هەولێر کرد .کاکەمین نەجار لە ووتەیەکدا رایگەیاند کۆچی دوایی مام جلال خەسارەتێکی گەورەیە بۆ دۆزی رەوای گەلی کوردستان و ئەمرۆ لە هەموو کات زیاتر گەلەکەمان پێویستیان بە ڕۆڵ و پشتیوانی جەنابی مام جلال بۆ سەرکەوتنی ئیرادەی گەلەکەمان بە سەر پیلانی دووژمنانی گەلی کوردستان
لە بەشێکی تری ووتەکانی کاکەمین نەجاڕ رایگەیاند خەمی لە دەستدانی مام جلال تەنیا خەمی یەکێتیەکان نییە بەڵکو خەم و پرسەی هەموو خەڵکی کوردستانە بە گشتی و پارتی یەکان خۆیان بە خاوەنی پرسەکە و هەڵگری خەمی ئەو کۆستە گەورەیە دەزانن لە گەڵ هەڤاڵانی یەکێتی نیشتیمانی کوردستان.