YJ Dailynews - шаблон joomla Книги

Anjuman46

24
نیسان

 

له‌ باره‌گاى لقى 23ى مخمور به‌ ئاماده‌ بوونى كاكه‌مين نه‌جار ئه‌ندامى مه‌كته‌بى سياسى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر و كرمانج عبدالله به‌رپرسى لق و ئه‌ندامانى ئه‌نجومه‌ن . كۆبوونه‌وه‌يه‌كى فراوان له‌ گه‌ل كارگێرى لق و به‌رپرسى ناوچه‌ و ته‌واوى كاديرانى سنوره‌كه‌ به‌رێوه‌چوو . له‌ ده‌سپێكدا كرمانج عبدالله به‌رپرسى لقى 23 له‌ ووته‌يه‌كدا ئامانجى ئه‌م كۆبوونه‌وه‌ فراوانه‌ى شيكرده‌وه‌ و خۆشحاڵى خۆى و هه‌ڤاڵانى ده‌ربرى به‌ به‌شدارى كردنى هه‌ڤاڵ كاكه‌مين نه‌جار له‌ كۆبوونه‌وه‌كه‌يان . 

دواتر كاكه‌مين نه‌جار له‌ ووته‌يه‌كدا پرسه‌ گرنگه‌كانى رۆژى بۆ ئاماده‌بووان شيكرده‌وه‌ و رايگه‌ياند ئه‌مرۆ له‌ ناوچه‌كه‌ به‌ گشتى رووداوى خێرا و چاوه‌روان كراو له‌ ئارادايه‌ و پێويسته‌ ئێمه‌ كورد به‌ گشتى و پارتى ديموكراتى كوردستان به‌ تايبه‌ت خۆمان ئاماده‌ بكه‌ين بۆ هه‌موو ئه‌گه‌ر و پێشهاتێكى چاوه‌روانكراو . له‌ به‌شێكى ترى ووته‌كانى كاكه‌مين نه‌جار گرنگى پێگه‌ى به‌هێزى پارتى له‌ خولى داهاتووى ئه‌نجومه‌نى نوێنه‌رانى عێراق بۆ ئاماده‌بووان شيكرده‌ . كه‌ پێويسته‌ پارتى به‌ هێز و توانايه‌كى باش له‌ قۆناغى ئه‌مرۆ له‌ به‌غدا به‌رده‌وام بێت بۆ ئه‌وه‌ى پارتى وه‌ك هه‌ميشه‌ داكۆكى سه‌ر سه‌ختانه‌ له‌ ماف و ژيانى خه‌ڵكى كوردستان بكات . كاكه‌مين نه‌جار بۆ كاديرانى ئامادبووى كۆبوونه‌وه‌كه‌ ئێوه‌ ده‌بێ شانازى به‌ خۆتان و حزبه‌كه‌تان بكه‌ن كه‌ ئێمه‌ به‌ خوێن كوردستانمان پاراستووه‌ و خاوه‌نى گه‌وره‌ترين شۆرش و به‌رخودانين له‌ مێژووى ميلله‌ته‌كه‌شمان وه‌ له‌ بوارى ئاوه‌دانكردنه‌وه‌ و پێشخستنى ووڵات پشكى شێرمان به‌ركه‌وتووه‌ و ئه‌وه‌ ئێمه‌ين خاوه‌نى راسته‌قينه‌ى ووڵات هه‌ر بۆيه‌ ده‌بێ كاديرانى پارتى شانازى بكه‌ن كه‌ پارتى خاوه‌نى هه‌موو ده‌سكه‌وته‌ مه‌زنه‌كانى گه‌له‌كه‌مانه‌ و له‌ داهاتووش پارتى پارێزه‌رى ده‌سكه‌وته‌كان و به‌دى هێنه‌رى ئامانجه‌كانى تره‌ . 
دواتر كاديرانى به‌شدار بوو راو سه‌رنجى خۆيان خسته‌ روو .

24
نیسان

 

له‌ شارى هه‌ولێر ڤيستيڤاڵى زمان و كلتورى كوردى به‌رێوه‌چوو شاندێكى سه‌ركردايه‌تى هه‌ولێر كه‌ پێكهاتبوون له‌ به‌رێزان م فارس قادر و سولحى مه‌جيد ئه‌ندامانى ئه‌نجومه‌نى سه‌ركردايه‌تى پارێزگاى هه‌ولێر به‌شدارييان كرد . شياوى باسه‌ زانكۆى ئيشق ساڵانىه‌ ڤيستيڤاڵى زمان و كلتورى كوردى ئه‌نجام ده‌دات .

24
نیسان

 

سەرۆکی ئەنجوومەنی سەركردایەتی پارێزگای هەولێری پارتی دیموكراتی كوردستان جەخت لەوە دەكاتەوە ئەو كاندیدانەی پارتی دیموكراتی كوردستان دەینێرێتە بەغدا بە توانان و دەتوانن داكۆكی لە مافەكانی گەلی كوردستان بكەن.

ئێوارەی ئەمڕۆ دوو شەممە 23 ی نیسانی 2018،كاكەمین نەجار ئەندامی مەكتەبی سیاسی و سەرۆکی ئەنجوومەنی سەركردایەتی پارێزگای هەولێری پارتی دیموكراتی كوردستان،بە ئامادەبوونی ئەحمەد كانی ئەندامی ئەنجوومەنی سەركردایەتی و بەرپرسی لقی دوو وكارگێرانی لق،لەگەڵ ژمارەیەك لە كادیرانی پارتی دیموكراتی كوردستان كۆبوەوە.
لەو كۆبوونەوەیەدا كاكەمین نەجاڕ بە پێی قۆناغەكان باسی دەستكەوتەكانی پارتی دیموكراتی كوردستانی كرد بۆ خزمەتی گەلی كوردستان،هەر لەڕێككەوتنی 11 ی ئاداری ساڵی 1970 تا دەگاتە ڕاپەڕین و نووسینەوەی دەستوور و ئەنجامدانی ڕیفراندۆم بۆ سەربەخۆیی.
سەرۆکی ئەنجوومەنی سەركردایەتی پارێزگای هەولێری پارتی دیموكراتی كوردستان گوتی:"خەڵكێكی بە توانا كاندید كراون و دەیانێرینە بەغدا بۆ ئەوەی داكۆكی لە مافەكانی گەلی كوردستان بكەن،پێی وابوو ئەگەر پارتی لە بەغدا نەبێ‌،پرسی كورد و مافەكانی ئەو گەلە دەكەوێتە ژێر مەترسی.
كاكەمین نەجار ئاماژەی بە پرۆژە خزمەتگوزاریەكانی حكومەتی هەرێمی كوردستان كرد كە بەڕێز نێچیرڤان بارزانی سەرۆكایەتی دەكات،ئەوەی نەشاردەوە كە لە پاڵ ئەو هەموو پرۆژانەدا كەموكوڕی هەن،بەڵام پرۆژەكانیش دەستكەوتێكی گەورەن بۆ گەلی كوردستان و گوتی:"پارتی دیموكراتی كوردستان خاوەن پێگەیەكی جەماوەری فراوانە و پارتی بۆ ئەوە دامەزراوە خزمەتی تەواوی گەلی كوردستان بكات بە پێكهاتەو نەتەوەو ئایینە جیاوازەكانی.
بەرپرسی ئەنجوومەنی سەركردایەتی پارێزگای هەولێری پارتی دیموكراتی كوردستان داوای بەشداری كردنی زۆرینەی هاونیشتیمانیانی كرد لە پرۆسەی هەڵبژاردنی ئەنجوومەنی نوێنەرانی عێراق بۆ ئەوەی گەلی كوردستان بە گشتی و بەتایبەتی پارتی دیموكراتی كوردستان لە پرۆسەكە سەركەوتنێكی گەورە تۆمار بكەن.

24
نیسان

 

قوتابخانه‌ى سمارتى بنه‌ره‌تى ئه‌هلى له‌ شارى هه‌ولێر به‌ ئاماده‌ بوونى كاكه‌مين نه‌جار ئه‌ندامى مه‌كته‌بى سياسى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر و على ره‌شيد سه‌رۆكى ئه‌نجومه‌نى پارێزگاى هه‌ولێر و مامۆستا فارس قادر ئه‌ندامى سه‌ركردايه‌تى و ژماره‌يه‌كى زۆر له‌ مامۆستايان و راوێژكارانى په‌روه‌رده‌ و كه‌س و كارى قوتابيان . ڤيستيڤاڵى ساڵانه‌ى خۆى به‌ ناونيشانى ( په‌روه‌رده‌ و فێركردن هۆكارێك بۆ پێكه‌وه‌ ژيان و ته‌بايى و يه‌كريزى گه‌لى كورد ) كرده‌وه‌ . كاكه‌مين نه‌جار ته‌واوى به‌شه‌كانى ڤيستسڤاڵى به‌ سه‌ركرده‌وه‌ و له‌ نزيكه‌وه‌ كاره‌ جوان و سه‌رنج راكێشه‌كانى قوتابيانى قوتابخانه‌ى سمارتىى بنه‌ره‌تى بينى و ده‌ست خۆشى له‌ به‌رێوه‌به‌ر و مامۆستايان كرد و راگه‌ياند ئه‌م جۆره‌ ڤيستيڤاڵانه‌ كه‌ به‌ شێكى سه‌ره‌كى گوزارشت له‌ كلتور و كه‌له‌پورى نه‌ته‌وه‌كه‌مان ده‌كات كارێكى گرنگه‌ بۆ ئاشنا كردنى نه‌وه‌ى ئێستامان به‌كلتور و كه‌له‌پورى نه‌ته‌وه‌كه‌مان ده‌بێ له‌ گه‌ڵ په‌روه‌رده‌ و فێركردن مامۆستايان قوتابيانمان ئاشنا بكه‌ن به‌ مێژووى گه‌له‌كه‌مان كه‌ ئێمه‌ى كورد نه‌ته‌وه‌يه‌كى زيندوو خودان كه‌له‌پوور و كلتورى جوان و ده‌يان شۆرش و به‌رخودانى مه‌زنى بۆ ئاينده‌ى نه‌وه‌كانمان . دواتر سه‌لام موفتى به‌رێوه‌به‌ر قوتابخانه‌ى سمارت به‌ ناوى خۆيى و مامۆستايانه‌وه‌ سوپاسى كاكه‌مين نه‌جار و شاندى ياوه‌رى كرد بۆ به‌شدارى كردنيان له‌ ڤيستيڤالى قوتابخانه‌كه‌يان .