YJ Dailynews - шаблон joomla Книги

هه‌واڵ (498)

20
شوبات

كاتژمێر 10 سه‌رله‌به‌يانى ئه‌مرۆ له‌ قه‌زاى سۆران له‌ ژێر چاودێرى و به‌ ئاماده‌بوونى كاكه‌مين نه‌جار ئه‌ندامى مه‌كته‌بى سياسى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر . ئه‌ندامانى ئه‌نجومه‌نى سه‌ركردايه‌تى و به‌رپرسانى حزبى و حكومى و سه‌ربازى و ژماريه‌كى زۆرى ئه‌ندام و دۆست و لايه‌نگرانى پارتى ديموكراتى كوردستان مه‌راسيمى ده‌ست به‌ كاربوونى على عه‌ونى وه‌ك به‌رپرسى لقى 10 ىسۆران به‌رێوه‌چوو . له‌ سه‌ره‌تاى مه‌راسيمه‌كه‌ كاكه‌مين نه‌جار به‌ ناوى مه‌كته‌بى سياسى پيرۆزبايى ئاراسته‌ى هه‌ردوو هه‌ڤاڵ عه‌لى عه‌ونى وه‌ك به‌رپرسى تازه‌ى لقى 10 و هه‌ڤال على ته‌ته‌ر به‌رپرسى پيێشووى لقى 10 كه‌ له‌ چه‌ند رۆژى داهاتوو وه‌ك به‌رپرسى لقى قه‌زاى زاخۆ ده‌ست به‌كار ده‌بێت و هيواى سه‌ركه‌وتنى بۆ خواستن . 
له‌ به‌شێكى ترى ووته‌كانى كاكه‌مين نه‌جار رايگه‌ياند گۆرانكارى له‌ ناو پارتى ديموكراتى كوردستان كارێكى ته‌ندروستى حزبايه‌تيه‌ و به‌ ئامانجى نوێبوونه‌و و گۆرانكارى له‌ سه‌ر فه‌رمان و به‌ راسپارده‌ى جه‌نابى سه‌رۆك مسعود بارزانى ده‌ستمان به‌ گۆرانكارييه‌كان كردوه‌ و ئه‌مرۆ يه‌كه‌م به‌رپرسى لق له‌ سنورى سه‌ركردايه‌تى پارێزگاى هه‌ولێر ده‌ست به‌كار ده‌بێ كه‌ هيوام خوازم هه‌ڤال على عه‌ونى سه‌ركه‌وتوو بێ له‌م ئه‌ركه‌ تازه‌يه‌ى كه‌ قه‌زاى سۆران كانگاى قوربانيدان و شۆرشه‌ بۆيه‌ ئه‌ركى سه‌ر شانى هه‌ڤاڵانى ئه‌م سنوره‌ يه‌كجار قورسه‌ كه‌ ده‌بێ هه‌موو هه‌ولێك بخه‌نه‌ گه‌ر بۆ خزمه‌تكردنى خه‌ڵكى ناوچه‌كه‌ . له‌ به‌شێكى ترى ووته‌كانى كاكه‌مين نه‌جار سوپاسى هه‌ڤال على ته‌ته‌رى كرد كه‌ سه‌ركه‌وتوانه‌ ئه‌ركى سه‌ر شانى خۆى جيێبه‌جێكردوه‌ و درێغى نه‌كردوه‌ له‌ خزمه‌تكردنى خه‌ڵكى ناوچه‌كه‌ و ئه‌مرۆش لێره‌ ماڵئاوايى ده‌كات و له‌ شوێنێكى تر ئه‌ركى حزبى پێ ده‌سپێردرێ . دواتر على عه‌ونى له‌ ووته‌يه‌كدا سوپاسى سه‌رۆك و سه‌ركردايه‌تى پارتى ديموكراتى كوردستانى كرد كه‌ ئه‌و ئه‌ركه‌يان پێ سپاردووه‌ و به‌لێنىدا هه‌رچى له‌ تواناى دابێت بۆ خزمه‌تكردنى خه‌ڵك و جه‌ماوه‌رى پارتيمان له‌ سنوره‌كه‌ ئه‌نجامى بدات . له‌ درێژه‌ى ووته‌كانى على عه‌ونى رۆشنايى خسته‌ گرنگى ده‌ڤه‌ره‌كه‌ كه‌ هه‌موومان ده‌بێ خزمه‌تى خه‌ڵكى ناوچه‌كه‌ بكه‌ين بۆ ئه‌وه‌ى له‌ داهاتوو قه‌زاى سۆران هه‌نگاوى باشتر له‌ بواره‌كانى خزمه‌تگوازى و ئاوه‌دانى بچێته‌ پێشه‌وه‌ له‌ دوا ته‌وه‌رى ووته‌كانيدا على عه‌ونى سوپاسى هه‌ڤال على ته‌ته‌رى كرد كه‌ تا ئه‌مرۆ خزمه‌تى زۆرى سنوره‌كه‌ى كردوه‌ . 
دواتر على ته‌ته‌ر وێراى پيرۆزبايى له‌ به‌رپرسى تازه‌ى لق سوپاسى كاكه‌مين نه‌جار و سه‌ركردايه‌تى هه‌ولێرى كرد كه‌ له‌ ماوه‌ى كاركردنى وه‌ك به‌رپرسى لق هه‌ماهه‌نگى زۆر باش هه‌بووه‌ بۆ رايى كردنى كارو بارى حزبى و خزمه‌تكردنى خه‌ڵكى ناوچه‌كه‌ . 
على ته‌ته‌ر سوپاسى دانيشتوانى قه‌زاى سۆران به‌رپرسانى حزبى و حكومى و ئه‌ندام دۆست و لايه‌نگرانى پارتى كرد كه‌ له‌ سنوره‌كه‌ هه‌مووان ته‌واو كه‌رى يه‌كتر بوونه‌ بۆ دابينكردنى خزمه‌تگوزارى و ئارامى ناوچه‌كه‌يان . هيواى خواست وه‌ك هه‌ميشه‌ خه‌ڵكى ناوچه‌كه‌ باره‌گاى پارتى و بارزانى به‌ ماڵى خۆيان بزانن . چونكه‌ پارتى بۆ ئه‌وه‌ باره‌گاى كردۆته‌وه‌ تا له‌ خزمه‌تى خه‌ڵكى كوردستان دابێت .

 

 

18
شوبات

 

لە یادی 18ی شوبات
-
لاوانی كورد شورەی پۆڵاینن بۆ پاراستنی كوردستان
(
بارزانی نەمر)
لە یادی 18ی شوبات
-(
ی,ل،د،ك) قوتابخانەی پێگەیاندنی نیشتیمان پەروەرانە
(
سەرۆك بارزانی)
...
لە یادی 18ی شوبات
-
لاوانی كوردستان زۆریان بەخشیوە و كەمیان بەركەوتووە
(
نێچیرڤان بارزانی)

 

 

18
شوبات

ئەمڕۆ 16ـەمین ساڵوەگەڕی شەهیدبوونی فەرەنسۆ هەریری‌یە و کوڕێکی لە لێدوانێکدا باس لە میراتەکەی دەکات.

 

فەوزی ھەریری، کوڕی شەھید فەرەنسۆ ھەریری‌ی ئەندامی مەکتەبی سیاسیی پارتی دیموکراتی کوردستان لە ساڵوەگەڕی شەهیدبوونی باوکیدا بە (باسنیوز)ی راگەیاند، ئامانجی سەرەکیی باوکی سەربەخۆیی کوردستان بوو، "دەیگوت ئیمە ئەو ھەموو خەباتەو ئەو ھەموو شەھیدەمان دا ئەوە ھەنگاوی یەکەم بوو، بەڵام ھەنگاوی کۆتایی ڕاگەیاندنی سەربەخۆی کوردستانە".

 

فەرنسۆ هەریری، کە هاووڵاتییەکی مەسیحیی کوردستان بوو، لە ساڵی 1937 شارەدێی هەریری سەر بە شارۆچکەی شەقڵاوە لە پارێزگای هەولێر لە دایک بووە. لە ساڵی 1961ـوەوە چووەتە شاخ و بووەتە پێشمەرگە.

 

هەریری بەهۆی دڵسۆزیی بۆ خاک و گەلی کوردستان، هەرزوو بووەتە خۆشەویستی پێشمەرگە و سەرکردایەتیی شۆڕشی رزگاریخوازی ئەیلوول، کە مستەفا بارزانی، باوکی مەسعود بارزانیی سەرۆکی هەرێمی کوردستان سەرۆکایەتی دەکرد و بارزانی باوک وەک کەسێکی نزیکی خۆی سەیری دەکرد.

 

فەوزی هەریری، کە کوڕی گەورەی فەرەنسۆ هەریری‌یە، تەمەنی سێ ساڵ بووە کە باوکی بووەتە پێشمەرگە، تا تەمەنی 34 ساڵی نەیتوانیوە باوکی خۆی ببینێت، "من لە ساڵانی نەوەدەکاندا توانیم باوکم بناسم و ببمە ھاوڕێیەکی نزیکی".

 

فەرەنسۆ هەریری جێدەستی لە خەباتی شاخ و شاری گەلی کوردستان دیارە، دوایین پلەی ئەندامی مەکتەبی سیاسیی پارتی بوو و یەکێک بوو لە سەرکردە هەرە نزیکەکان لە مەسعود بارزانی.

 

فەرەنسۆ هەریری، کە لە ساڵی 1996 تا 2000 پارێزگاری هەولێر بوو، سەرەڕای ئابڵووقەی ئابووری لەسەر هەرێمی کوردستان، بە داراییەکی کەم و خەباتێکی بێ وچان، چەندین پرۆژەی گەورەی (بۆ ئەو کات) لە هەولێر ئەنجام دا، کە گرنگترینیان بونیاتنانەوە و گەورەکردنی یاریگای یانەی وەرزشی هەولێر و دروستکردنی کۆشکی هونەر لە هەولێر بوون و دوای شەهیدبوونیشی، وەک رێزێک بۆی، یاریگای یانەکە بە ناوی فەرەنسۆ هەریری کرا.

 

هەروەک فەوزی هەریری ئاماژەی پێ دا، فەرەنسۆ هەریری تەنانەت خانووێکیشی بۆ خێزانەکەی لە پاش خۆی بەجێ نەهێشت، هەروەک خەڵکی ئاسایی دەژیا، "ئێمە وەک بنەماڵەی شەھید فەرەنسۆ ھەریری جگە لە چاکەکان و خەبات و تکۆشانەکەی باوکمان، ھیچمان بەمیرات بۆ نەماوەتەوە".

 

رۆژی 18ـی شوباتی 2001، ژمارەیەک تیرۆریست لە شەقامی 60 مەتریی هەولێر، فەرەنسۆ هەریری‌یان کردە ئامانجی کردەوە چەپەڵەکانیان و شەهیدیان کرد

17
شوبات

  ئه‌مڕۆ هەینی 17ـی 2ـی 2017، (مەسعوود بارزانی) سەرۆكی هەرێمی كوردستان، بەشداریی یەكەمین ڕۆژی كۆنفڕانسی ئاساییشی جیهانی لە شاری میونیخی ئەڵمانیا كرد و چه‌ندان دیداری دیپلۆماسیی ئه‌نجام دا. لە پەراوێزی ڕۆژی یەكەمی كۆنفڕانسەكەدا (سەرۆك بارزانی) لەگەڵ (ئێدوارد ناڵبەندیان) وەزیری دەرەوەی ئەرمینیا كۆ بووه‌وە.

لە كۆبوونەوەكەدا پەیوەندییەكانی نێوان هەرێمی كوردستان و ئەرمینیا تاوتوو كرا و وەزیری دەرەوەی ئەرمینیا وێڕای ئەوەی بە فەرمی بانگهێشتی (سەرۆك بارزانی)ی كرد بۆ سەردانی وڵاتی ئەرمینیا، ئەوەیشی خستەڕوو كە وڵاتەكەی بەنیازە كۆنسووڵخانە لە هەولێری پایته‌خت بكاتەوە.

هەر لەم دیدارەدا باس لە بارودۆخی سیاسیی ناوچەكە و عێراق و هەرێمی كوردستان و ئۆپەراسیۆنی ئازادكردنی موسڵ كرا.

 

لەدوای ئەو دیدارە، (سەرۆك بارزانی) لەگەڵ (دێسك) نوێنەری كۆڕبەندی ئابووریی جیهانیی داڤۆس كۆ بووەوە و، نوێنەری كۆڕبەندەكە سوپاسی (سەرۆك بارزانی) كرد كە بەشداریی كۆڕبەندی داڤۆس بووە و، هەروەها باسیشی لە كۆڕبەندێكی تایبەت كرد پەیوەست بە بارودۆخی ئابووریی ڕۆژهەڵاتی ناوەڕاست كە لە پایتەختی شانشینی ئوردن دەبەسترێت و، هیوای خواست (سەرۆك بارزانی) بەشداری ئەو كۆڕبەندە گرینگەیش بێت.

هەر لە ڕۆژی یەكەم و لە پەراوێزی كۆنفڕانسی ئاساییشی جیهانیی میونیخ، (سەرۆك بارزانی) لەگەڵ (جیمس ماتێس) وەزیری بەرگریی ئەمەریكا كۆ بووه‌وە.

لە كۆبوونەوەكەدا وەزیری بەرگریی ئەمەریكا خۆشحاڵیی خۆی بۆ دیدار لەگەڵ (سەرۆك بارزانی) نیشان دا و ڕاشیگەیاند، لەگەڵ دۆزی كورددا ئاشنایە و كوردستان و ئەمەریكا پێكەوە قوربانیان داوە.

 (سەرۆك بارزانی)یش وێڕای پیرۆزباییكردن لە وەزیری بەرگریی ئەمەریكا بەبۆنەی دەستبەكاربوونی، سوپاسی وەزیری بەرگریی ئەمەریكای كرد و هیوای خواست پەیوەندییەكانی هەرێمی كوردستان و ئەمەریكا پێشڤەچوونی زیاتر بەخۆیەوە ببینێت.

هەر لەم دیدارەدا بەدوورودرێژی شەڕی دژی تیرۆریستانی داعش و ئۆپەراسیۆنی ئازادكردنی مووسڵ خرایە بەر باس و گفتوگۆ و وەزیری بەرگریی ئەمەریكا پاڵپشتیی وڵاتەكەی بۆ گەلی كوردستان دووپات كردەوە و، هیوایشی خواست بتوانێ سەردانی هەرێمی كوردستان بكات.

 

 

17
شوبات

 (مه‌سعوود بارزانى) سه‌رۆكى هه‌رێمى كوردستان له‌ مونشنی ئه‌ڵمانیا به‌جیا له‌گه‌ڵ وه‌زیرى ده‌ره‌وه‌ى ئه‌رمینیا (ئێدوارد ناڵبه‌ندیان) و وه‌زیرى به‌رگریى ئه‌مریكا (جیمس ماتیس)دا كۆ ده‌بێته‌وه‌.

كۆبوونه‌وه‌كه‌، له‌ میانى ئه‌و چالاكى و دیداره‌ سیاسیانه‌دا دێت كه‌ سه‌رۆكى هه‌رێمى كوردستان له‌ چوارچێوه‌ى سه‌ردانه‌كه‌ى بۆ مونشن ئه‌نجامیان ده‌دات و، كۆبوونه‌وه‌ی له‌گه‌ڵ وه‌زیرى ده‌ره‌وه‌ى ئه‌رمینیایشدا یه‌كه‌م دیدارى سیاسیى سه‌رۆكى هه‌رێمى كوردستان ده‌بێت.
هه‌روه‌ها بڕیاره‌ هه‌ر ئه‌مڕۆ سه‌رۆكى هه‌رێمى كوردستان له‌گه‌ڵ وه‌زیرى به‌رگریى ئه‌مریكادا كۆ ببێته‌وه‌.

كۆبوونه‌وه‌ له‌گه‌ڵ (جیمس ماتیس) وه‌زیرى به‌رگریی ئه‌مریكا به‌ یه‌كه‌م كۆبوونه‌وه‌ى (سه‌رۆك بارزانى) له‌گه‌ڵ وه‌زیرى به‌رگرى سه‌رده‌مى دۆناڵد ترامپ هه‌ژمار ده‌كرێت.

 

پێشبینى ده‌كرێت، وێڕاى تاوتووكردنى په‌یوه‌ندىی دۆستانه‌ى نێوان گه‌لى كوردستان و حكوومه‌ت و گه‌لى وڵاتانى ئه‌رمینیا و ئه‌مریكا، باسى دواپێشهات و گۆڕانكارییه‌كانى ره‌وشى شه‌ڕى داعش بكرێت و هاوكات شاندى هه‌رێمى كوردستان سه‌ركه‌وتن و ده‌ستكه‌وته‌كانى هێزى پێشمه‌رگه‌ بخاته‌ به‌رباس.

16
شوبات

ئەمڕۆ پێنجشەممە ١٦ـی ٢ـی ٢٠١٧، (مەسعوود بارزانی) سەرۆكی هەرێمی كوردستان بە مەبەستی بەشداریكردن لە كۆنفڕانسی ئاساییشی جیهانی لە شاری میونغی ئەڵمانیا لەگەڵ شاندێكی سەربازی و سیاسیی هەرێمی كوردستان لە رێگەی فڕۆكەخانەی نێودەوڵەتیی هەولێرەوە بەرەو دەرەوەی كوردستان بەڕێكەوت.

لە پەراوێزی ئەو كۆنفڕانسەدا، (سەرۆك بارزانی) لەگەڵ ژمارەیەك سەركردە و بەرپرسە سیاسییەكانی وڵاتانی بەشداربوودا كۆ دەبێتەوە.

جێگەی ئاماژەیە، لەو سەردانەدا (محەممەد حاجی مەحموود) سكرتێری حزبی سۆشیالیست دیموكراتی كوردستان، (شێخ جەعفەر شێخ مستەفا) ئەندامی مەكتەبی سیاسیی یەكێتیی نیشتمانیی كوردستان، فەریقی یەكەم (عومەر عوسمان) ئەندامی مەكتەبی سیاسیی پارتی دیموكراتی كوردستان، دكتۆر (فوئاد حوسێن) سەرۆكی دیوانی سەرۆكایەتی هەرێمی كوردستان، (هێمن هەورامی) ئەندامی ئەنجوومەنی سەركردایەتیی پارتی دیموكراتی كوردستان و (ئەنوەر حاجی عوسمان) بریكاری وەزارەتی پێشمەرگە، یاوەری شاندەكەن.

13
شوبات

كاكەمین نەجار ئەندامی مەكتەبی سیاسی و سەرۆكی ئەنجومەنی سەركردایەتی پارێزگای هەولێر  بە یاوەری كرمانج عبداللە ئەندامی ئەنجومەن سەردانی ژووری بازرگانی هەولێری كرد و لەلایەن دارا جەلیل خەیات سەرۆكی ژوور و ئەندامانی ژوور بە گەرمی پێشوازی كران .

لە دانیشتنێكدا بارودۆخی بازرگانی و گەشەی ئابوری لە كوردستان بە گشتی و لە هەولێر بەتایبەتی خرایە بەرباس كاكەمین نەجار لە ووتەیەكدا رایگەیاند بازرگانی و گەشەی ئابووری بۆ بنیادی هەر دەوڵەت و هەرێمێك گرنگی و تایبەتمەندی خۆی هەیە بۆیە لە كوردستاندا ئەم دەرفەتە بۆ بازرگانان و وەبەرهێنەران رەخساوە تا كار و پرۆژەكانیان لە كوردستان جێ بەجێ بكەن . بەتایبەت پێش درووست بوونی قەیرانی دارایی كوردستان زۆر هەنگاوی گەورە چووە پێشەوە لە بواری بازرگانی و گەشەی ئابوری . لە بەشێكی تری ووتەكانی كاكەمین نەجار هیوای خواست سەرمایەدار و وەبەرهێنەران و بازرگانان لەم كاتەدا كار و پرۆژەكانیان پەرە پێبدەن بۆ ئەوەی جولەی بازار و ژیانی هاوڵاتیان باشتر بێت تا قەیرانی دارایی تێدەپەرێنین . دواتر دارا جەلیل خەیات لە ووتەیەكدا تیشكی خستە سەر ئاستی بارزگانی نێو هەرێمی كوردستان . كە لە ئێستادا بازار جولەی باشتر بەخۆیەوە دەبینێ و بەشێكی زۆری بازرگانان بەردەوامن لە ئالوگۆری بازرگانی ..

 

 

12
شوبات

ئەمرۆ ۱۲/۲/۲٠۱۷ بە چاودێری بەرێز ( کاکەمین نجار ) سەرۆکی ئەنجومەنی سەرکردایەتی پارتی لەهەولێر و ئامادەبونی بەرێزان ( حسن احمد مستەفا) ئەندامی نوسینگەی رێزدار نێچیرڤان بارزانی و ( نزمی حزوری ) قونسلی فەلەستین لە کوردستان ، گروپی کۆمپانیاکانی پاشای گەورە لە گەڵ پەیمانگای کوردستانی ناحکومی 
هەڵسان بە رێکخستنی رێزلێنانێک بۆ پۆڵێک فەرماندەی پێشمەرگە و ئاسایش


پاشان پێشەنگایەک لە لایەن رێکخراوی کوردستان فۆتۆ کریه‌وه

12
شوبات

 ئەنجوومەنی ئاسایشی هەرێمی کوردستان ددانپێدانانی گرووپێکی سەر بە داعشی بڵاوکردەوە، کە ویستویانە بپه‌ڕنه‌وه‌ سنووری ده‌سه‌ڵاتی داعش.

ده‌قی راگه‌یێندراوه‌كه‌:

له‌به‌رده‌وامی ئۆپه‌راسیۆنه‌ هه‌واڵگری و مه‌یدانیه‌کانی ئاسایش، توانرا گروپێک تیرۆریست ده‌ستگیر بکرێن، له‌وکاته‌ی ده‌یانویست بپه‌ڕنه‌وه‌ سنووری ده‌سته‌ڵاتی ده‌وڵه‌تی تیرۆریستی داعش.
سه‌رپه‌رشتیاری گروپه‌که‌ (هاوار یوسف غفور) له‌ ڕێگه‌ی تۆڕه‌ کۆمه‌ڵایه‌تییه‌کانه‌وه‌ به‌ هاوکاری تیرۆریستی داواکراو (شکار پۆڵا) په‌یوه‌ندی کردووه‌  به‌ گروپی تیرۆریستی (جبهە النصرە) و چووه‌ته‌ سووریا و  له‌ ناوچه‌ی (جبل الترکمان) چه‌کدار بووه‌ و نازناوی (ابو حمزە)ی وه‌رگرتووه‌.

به‌پێی ددانپێدانانه‌کانی، تیرۆریست (هاوار) فکره‌ی زیاتر له‌ داعش نزیکبووه‌، بۆیه‌ له‌ رێگه‌ی تۆڕه‌ کۆمه‌ڵایه‌تییه‌کانه‌وه‌، پێوه‌ندی کردووه‌ به‌ تیرۆریستی داواکراو (که‌یفی حمدامین عولا) ناسراو به‌ (ابو یاسر) که‌ ئه‌میرێکی داعشه‌ له‌ حه‌ویجه، دوای ئه‌و پێوه‌ندییه‌ گه‌ڕاوه‌ته‌وه‌ پارێزگای هه‌ڵه‌بجه و گروپێکی له‌ هاوڕێکانی  دروستکردووه‌، ته‌واوی گروپه‌که‌ که‌ ددانپێدانیان له‌گه‌ڵ ئه‌م راگه‌یاندراوه‌دا بڵاوکراوه‌ته‌وه‌، به‌یعه‌تیان به‌ داعش داوه‌ و بڕیاری چوونه‌ نێو داعشیان داوه‌، دواتر له‌سه‌ر داوای تیرۆریست (ابو یاسر) له‌ هه‌ڵه‌بجه‌وه‌ به‌رێکه‌وتوون بۆ قه‌زای مه‌خموور تا بپه‌ڕنه‌وه‌ ناوچه‌ی (حه‌لوات) له‌ سنووری داعش.

دوای زانیاری  و چاودێری وردی تیمه‌کانی لێکۆڵینه‌وه و به‌دواداچوون، هێزه‌کانی ئاسایش توانیان له‌ ئۆپه‌راسیۆنێکدا، له‌ سنوری مه‌خموور سه‌رجه‌م ئه‌ندامانی ئه‌و گروپه‌ ده‌ستگیر بکه‌ن، پێش ئه‌وه‌ی بپه‌ڕنه‌وه‌ سنووری داعش.

 

ئه‌نجوومه‌نی ئاسایشی هه‌رێمی کوردستان
١٢-٢-٢٠١٧

12
شوبات

لە دیداریدا لەگەڵ سەرۆکی هەرێمی کوردستان، وەزیری بەرگریی بەریتانیا وێڕای بەرزنرخاندنی ڕۆڵی هێزی پێشمەرگەی كوردستان لە شەڕی دژی تیرۆریستان پیرۆزبایی سەركەوتنەكانی هێزی پێشمەرگەی لە (سەرۆك بارزانی) كرد و پرسە و سەرەخۆشیی خۆیشی بۆ كەسوكاری شەهیدانی پێشمەرگە ڕاگەیاند. هەروەها پشتیوانیی وڵاتەكەی بۆ هێزی پێشمەرگە دووپات كردەوە. ڕۆژی یەكشەممە 12ـی 2ـی 2017 لە سەلاحەدین (مەسعوود بارزانی) سەرۆكی هەرێمی كوردستان پێشوازی لە (مایكڵ فاڵن) وەزیری بەرگریی بەریتانیا و شاندێكی یاوەری كرد كە پێكهاتبوو لە (فرانك بەیكر) باڵیۆزی بەریتانیا لە عێراق و (جۆن شارپ) كونسووڵی گشتیی بەریتانیا لە هەولێر و جەنەڕاڵ و ژمارەیەك ڕاوێژكاری سوپا و وەزارەتی بەرگریی بەریتانیا.

لە دیدارەكەدا وەزیری بەرگریی بەریتانیا وێڕای بەرزنرخاندنی ڕۆڵی هێزی پێشمەرگەی كوردستان لە شەڕی دژی تیرۆریستان پیرۆزبایی سەركەوتنەكانی هێزی پێشمەرگەی لە (سەرۆك بارزانی) كرد و پرسە و سەرەخۆشیی خۆیشی بۆ كەسوكاری شەهیدانی پێشمەرگە ڕاگەیاند. هەروەها پشتیوانیی وڵاتەكەی بۆ هێزی پێشمەرگە دووپات كردەوە.

هەر لەم دیدارەدا قۆناغەكانی ئۆپەراسیۆنی ئازادكردنی مووسڵ خرایە بەر باس و گفتوگو و هەردولا بیروبۆچوونی خۆیان لەبارەی قۆناغی دوای داعش و تەحەدیاتی ئەو قۆناغە و ڕۆڵی پێكهاتەكان و حكوومەتی عێراقی و حكوومەتی هەرێم و هاوپەیمانان هەروەها دابینكردنی ئاساییش و چۆنییەتی بەڕێوەبردنی پارێزگای نەینەوا خستەڕوو.
لەو كۆبوونەوەەدا هەردوولا پێزانینیان بۆ هاوكاری و هەماهەنگیی نێوان هێزی پێشمەرگە و هێزەكانی عێراقی هەبوو و شاندی میوان جەختی لە بایەخی بەردەوامبوونی ئەو هەماهەنگییە كردەوە.
بارودۆخی سیاسیی عێراق و دوا پێشهاتە ئەمنی و سیاسییەكانی سووریا تەوەرێكی تری ئەو كۆبوونەوەیە بوو.

 

 

پەڕەى 10 لەکۆى 36 پەڕەدا