YJ Dailynews - шаблон joomla Книги

هه‌واڵ (570)

25
ئایار

 

به‌ ئاماده‌ بوونی بلند ئیسماعیل به‌رپرسی لقی 16 هه‌ولێر و سولحی مه‌جید ئه‌ندامی ئه‌نجومه‌نی سه‌ركردایه‌تی پارێزگای هه‌ولێر و ژماریه‌كی زۆر له‌ ئه‌ندامانی یه‌كێتی ئافره‌تان و كادیر و ئه‌ندامانی

پارتیمان پێشه‌نگایه‌كی شێوه‌كاری بۆ خاتوو سارا ته‌لایی له‌ باره‌گای ئه‌نجومه‌ن كرایه‌وه‌ ....

25
ئایار

لەدرێژەی سەردانەكەی بۆ دەرەوەی وڵات ڕۆژی پێنجشەممە 25ـی 5ـی 2017 بەڕێز

مەسعود بارزانی سەرۆكی هەرێمی كوردستان لە سۆفیەی پایتەختی بولگاریا لەگەڵ بۆیكۆ بۆریسۆڤ سەرۆك وەزیرانی بولگاریا كۆبۆوە.


لەو كۆبوونەوەیەدا كە وەزیری ئابووری و وەزیری كشتوكاڵ و وەزیری گەشتوگوزاری بولگاریا ئامادەی بوون، سەرۆك وەزیرانی بولگاریا وێڕای ئاماژەدان بە ڕۆڵی كوردستان لە شەڕی تیرۆر سوپاسی خۆڕاگریی گەلی كوردستان و قارەمانێتیی هێزی پێشمەرگەی كرد لە شەڕی دژی تیرۆریستانی داعش. هەروەها ئەوەیشی ڕاگەیاند كە شەڕی تیرۆر ئەولەویەتی وڵاتەكەیەتی بۆیەشە هاوكاری گەلی كوردستان دەبن. هەروەها هێمایشی بە پێگە و بایەخی هەرێمی كوردستان دا لە ناوچەكە و ئامادەیی وڵاتەكەی ڕاگەیاند بۆ فراوانكردنی پەیوەندیی ئابووری و فەرهەنگی لەگەڵ هەرێمی كوردستان.

لەبەرانبەردا سەرۆك بارزانی لە وتەیەكدا باسی قارەمانێتی پێشمەرگەی كرد و سوپاسی یارمەتیی هاوپەیمانانی كرد و ئەوەیشی خستەڕوو كە ئەوە پێشمەرگە بوو بە خوێنی خۆی ئەفسانەی داعشی شكاند. سەرۆك بارزانی ئەوەیشی دووپات كردەوە كە خۆمان بە هاوپەیمانی هەر وڵاتێك دەزانین كە شەڕی تیرۆر بكات و ڕایشیگەیاند كە پێویستە جگە لە شەڕی سەربازی شەڕی فكری و ئابووریی تیرۆریش بكرێت و ئەو ڕەگوڕیشانەیش وشك بكرێن كە بوونەتە هۆكاری سەرهەڵدان و گەشەی تیرۆر.

لە بەشێكی دیكەی وتەكانیدا سەرۆك بارزانی باسی هەماهەنگیی سەربازی و ئەمنیی نێوان عێراق و هەرێمی كوردستانی كرد و ئاماژەیشی بەوەدا كە دوای دەیان ساڵ قوربانیدان گەلی كوردستان بڕیاری ئەوەی داوە كە ڕیفراندۆم بكات لەپێناو دیاریكردنی چارەنووسی خۆی.

جێگەی ئاماژەپێكردنە ئێوارەی هەمان ڕۆژ لە شاری سۆفیەی پایتەختی بولگاریا ئێوارەخوانێك لەسەر شەرەفی سەرۆك بارزانی لە لایەن دیمیتری گڵافیجۆڤ سەرۆكی پارلەمانی بولگاریا بۆ سەرۆك بارزانی و شاندی یاوەری ساز درا.

لەو سەردانەدا مەسروور بارزانی ڕاوێژكاری ئەنجوومەنی ئاساییشی هەرێم و د. فواد حوسێن سەرۆكی دیوانی سەرۆكایەتی و ئازاد بەرواری ئەندامی مەكتەبی سیاسیی پارتی دیموكراتی كوردستان و هێمن هەورامی ڕاوێژكاری سەرۆك بارزانی یاوەری سەرۆك بارزانی بوون.

23
ئایار


نێچیرڤان بارزانی، سەرۆکی حکومەتی هەرێمی کوردستان و جێگری سەرۆکی پارتی دیموکراتی کوردستان رۆژی دووشەممە 22-5-2017 سەردانی گڵکۆی نەوشیروان مستەفای کرد و تاجەگوڵینەی لەسەر گۆڕی دانا و فاتیحای خوێند.

نێچیرڤان بارزانی و شاندە باڵاکەی پارتی کە یاوەری بوون لەلایەن چیا و نما، دوو کوڕەکەی نەوشیروان مستەفا و هەڵسوڕاوانی بزووتنەوەی گۆڕان پێشوازیان لێکرا.

سەرۆکی حکومەتی هەرێمی کوردستان لە گوتەیکدا باسی لەوە کرد "کاری هاوبەشی زۆرمان لەگەڵ کاک نەوشیروان هەبوو، دەستکەوتەکانمان زیاترن لە ناکۆکییەکان". لەبەرامبەردا عومەری سەید عەلی، هەڵسوڕاوی دیاری گۆڕان گوتی "هیوادارین کێشەکان لەگەڵ پارتی بە گفتوگۆ چارەسەر بکەین

21
ئایار

به‌ڕێزان خانه‌واده‌ و كه‌سوكارى خوالێخۆشبوو نه‌وشیروان مسته‌فا،

به‌ڕێزان له‌ بزووتنه‌وه‌ى گۆڕان،

به‌بۆنه‌ى كۆچى دواییى خوالێخۆشبوو نه‌وشیروان مسته‌فاوه‌، پرسه‌ و سه‌ره‌خۆشى له‌ ئه‌ندامانى خانه‌واده‌ و كه‌سوكار و دۆست و هاوڕێیانى به‌ڕێزیان و بزووتنه‌وه‌ى گۆڕان ده‌كه‌م. هاوسۆز و به‌شدارى خه‌متانم، خواى گه‌وره‌ خوالێخۆشبوو بخاته‌ به‌ر ڕه‌حمه‌تى خۆى. هیوادارم بزووتنه‌وه‌ى گۆڕان و لایه‌نگرانى خوالێخۆشبوو نه‌وشیروان مسته‌فا بۆ خزمه‌تى كوردستان و ئامانجه‌ هاوبه‌شه‌كانى گه‌له‌كه‌مان به‌رده‌وام بن.

نێچیرڤان بارزانى
سه‌رۆك وه‌زیرانى هه‌رێمى كوردستان
19/5/2017

19
ئایار

 

بەناوی خودای بەخشندە و میهرەبان

بەبۆنەی كۆچی دوایی بەڕێز نەوشیروان مستەفا پرسە و سەرەخۆشیی خۆم ئاراستەی خانەوادە و كەسوكاری بەڕێزیان و ئەندام و لایەنگرانی بزووتنەوەی گۆڕان دەكەم. لە خودای گەورە داواكارم خوالێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت.

انا لله و انا الیه راجعون

مسعود بارزانی

19ـی 5ـی 2017
19
ئایار

 

ڕۆژی پێنجشەممە 18ـی 5ــی 2017 بەڕێز مەسعود بارزانی سەرۆكی هەرێمی كوردستان لەسەر بانگهێشتی فەرمیی شا عەبدوڵڵا پادشای شانشینی ئۆردۆن و بە مەبەستی بەشداریكردن لە كۆڕبەندی ئابووریی جیهانی لە دەریای مردووی ئۆردۆن سەردانی شانشینی ئۆردۆنی كرد و لە فڕۆكەخانەی ئەممانی پایتەختی شانشینی ئۆردۆن لە لایەن شاندێكی حكوومی و سەربازیی ئەو وڵاتە پێشوازی كرا كە پێكهاتبوو لە ئەمیر فەیسەڵ بن حوسێن و عەبدوڵڵا وریكات ڕاوێژكاری پادشای ئۆردۆن و وەزیری پیشەسازی و بازرگانیی ئۆردۆن و پارێزگاری ئەممانی پایتەخت و نوێنەری هێزە چەكدارەكانی وڵاتی ئۆردۆن.


لە یەكەمین وێستەگەی سەردانیدا بۆ شانشینی ئۆردۆن بەڕێز مەسعود بارزانی لەگەڵ شا عەبدوڵڵا پادشای ئۆردۆن كۆبۆوە. لەو كۆبوونەوە دوو قۆڵیەدا هەردوولا بیروڕای خۆیان لەبارەی بارودۆخی سیاسیی ناوچەكە و دوا پێشهاتە سیاسییەكان لەسەر ئاستی هەرێمایەتی و نێودەوڵەتی و شەڕی تیرۆر ئاڵوگۆڕ كرد.

هەر نیوەڕۆی هەمان ڕۆژ نیوەڕۆخوانێك لەسەر شەرەفی سەرۆك بارزانی لە لایەن شا عەبدوڵڵا پادشای ئۆردۆن ڕێكخرا و لەو نیوەڕۆخوانەدا ئەمیر فەیسەڵ بن حوسێن و سەرۆكی دەزگەی هەواڵگریی ئۆردۆن و سەرۆكی ئەركانی سوپا و چەند بەرپرسێكی باڵای ئەو وڵاتە ئامادە بوون.

ئێوارەی هەمان ڕۆژ بەڕێز مەسعود بارزانی بە مەبەستی هەواڵپرسین و بەسەركردنەوەی چەند پێشمەرگەیەكی بریندار سەردانی نەخۆشخانەی شاری پزیشكیی ئەلحوسێن كرد و لە نزیكەوە هەواڵی باری تەندروستیی پێشمەرگە بریندارەكانی پرسی و هیوای چاكبوونەوەی خێرای بۆ خواستن كە لەو نەخۆشخانەیەدا لەژێر چارەسەری پزیشكیدان.

16
ئایار

 

به‌ ناوی خوای مه‌زن و دلۆڤان

به‌رێزان سكرتێر و ئه‌ندامانی سكرتاریه‌تی یه‌كێتیی مامۆستایانی كوردستان

سڵاو و رێز

به‌بۆنه‌ی یادی پەنجاوپێنج ساڵەی دامه‌زراندنی یه‌كێتیی مامۆستایانی كوردستان، پیرۆزباییه‌كی گه‌رم ئاراسته‌ی ئێوه‌ و سه‌رجه‌م مامۆستایانی خۆشەویستی كوردستان ده‌كه‌م و هیوای سەرکەوتنی زیاترتان بۆ دەخوازم .

خەباتی ڕزگاریخوازی گەلەکەمان، دەرخەری ئەو ڕاستییەیە کە مامۆستایانی کوردستان سەرەڕای ئەرکی پێگەیاندنی نەوەکانی گەلەکەمان، وەک پێشمەرگەی ئازا و تێکۆشەر له‌ سەنگەری پێشه‌وه‌ی خه‌باتدا بوون و له‌و پێناوەشدا ده‌یان شه‌هیدی نه‌مریان پێشکەشی كوردستان کردووە.

دوای بڕینی بودجەی کوردستان و شەڕی داسەپاوی تیرۆریستان و لێکەوتەکانی ئەو شەڕە، سەرەڕای ئاستەنگەکان و دۆخی نالەباری دارایی، ئێوەی مامۆستایان و سەرجەم کارمەندان و خەڵکی کوردستان، بەهەمان ڕوحییەتی پێشمەرگانەوە بەرانبەر ئەو دۆخە قورسە خۆڕاگر بوون و نەتانهێشت کاروانی خوێندن لە کوردستان بوەستێت. ئێستایش کە لە سایەی قارەمانێتیی پێشمەرگەی کوردستان، ئەفسانەی داعش لەسەر دەستی ڕۆڵەکانی کوردستان تێکشکێندرا و گەلەکەمان هەنگاوی مەزنی لەپێشە، پێویستە مامۆستایان بە هەمان ڕۆحییەتی پێشمەرگانەوە لە خەباتدا بن و هەستی نیشتیمانپەروەری و کوردایەتیی لەناو نەوەی ئێستادا پەرە پێ بدەن و ڕێگە نەدەن هەوڵی ناحەزان بۆ بڵاوکردنەوەی هەستی خۆ بەکەمزانین و بێ ئیرادەیی لەناو منداڵ و گەنجانی وڵاتەکەماندا سەربگرێت.

پێویستە مامۆستایان ئەو وانەیە بە ڕۆڵەکانمان بڵێنەوە کە نابێ قوربانییەکانی گەلەکەمان بێ ئەنجام بێت و بە ئومێدێکی زۆرەوە بەرەو داهاتوویەکی پڕشنگدار هەنگاو بنێن.

هەر شاد و سەرکەوتوو بن.

مسعود بارزانی

15/5/2017
16
ئایار

ڕۆژی دووشەممە 15ـی 5ـی 2017 لە سەلاحەددین بەڕێز مەسعود بارزانی سەرۆكی هەرێمی كوردستان پێشوازی لە برێت مەكگورگ نوێنەری تایبەتی سەرۆكی ئەمەریكا لە هاوپەیمانێتی

ی نێودەوڵەتییدژی داعش و شاندێكی یاوەری كرد كە پێكهاتبوو لە دۆگلاس سڵیمان باڵیۆزی ئەمەریكا لە عێراق و كین گرووس كونسوڵی ئەمەریكا لە هەولێر و ژمارەیەك ڕاوێژكاری باڵیۆزخانەی ئەمەریكا لە بەغدا.


لە دیدارەكەدا بارودۆخی مەیدانیی بەرەكانی ڕووبەڕووبوونەوەی تیرۆریستان لە شاری موسڵ خرایە بەر باس و بیروڕایش لەبارەی تەحەدیاتی قۆناغی دوای داعش ئاڵوگۆڕ كرا. هەروەها نوێنەری تایبەتی سەرۆكی ئەمەریكا لە هاوپەیمانێتیی نێودەوڵەتیی دژی داعش وێڕای ئاماژەدان بە بایەخی هەرێمی كوردستان بۆ وڵاتەكەی جەختی لە بەردەوامیی پشتیوانی و ڕاهێنانی سوپای ئەمەریكا بۆ هێزەكانی پێشمەرگە كردەوە.

هەر لەم دیدارەدا ڕۆشنایی خرایە سەر پەیوەندییەكانی نێوان هەرێم و بەغدا و ئایندە و پڕۆسەی سیاسیی عێراق.

لە بەشێكی دیكەی ئەو كۆبوونەوەیە بارودۆخی سیاسی و ئەمنیی سووریا و هەنگاو و پلانەكانی تێكشكاندنی داعش لە سووریا تاوتوێ كرا.

 

15
ئایار

 

بەناوى گەل و حکوومەتى هەرێمى کوردستان و بەبۆنەى هەڵبژاردن و دەستبەکاربوونیه‌وه‌، پیرۆزبایی لە سەرۆکى تازەى فەرەنسا، به‌ڕێز ئیمانوێل ماکرۆن دەکەم.

سەرکەوتنى بەڕێز ماکرۆن لە هەڵبژاردنەکانى فەرەنسادا، سەرکەوتنى هیواى ملیۆنەها هاووڵاتیى فەرەنسى و پتەوکردنى زیاترى بنەماکانى یەکێتیى ئەورووپا بوو، هەروەها گەشبینی بۆ پەرەپێدانى ئاشتى و سەقامگیریى نیۆدەوڵەتى لەگەڵ خۆیدا هێنا.

سەرۆک ماکرۆن لەناوبردنى  تیرۆرى لە سەرووى لیستى کار و ئەرکەکانى دانا، هەرێمى کوردستانیش کە ئێستا لە شەرى دژ بە تیرۆردا پێشەنگە، دەخوازێت پەیوەندیی سیاسى و هەماهەنگیى سەربازی لەگەڵ فەرەنسا پتەوتر بکات تا ئاشتى و سەقامگیرى لە ناوچەى ڕۆژهەڵاتى ناوەڕاست کە نائارامی بەخۆیەوە دەبینێت، بەرقەرار بێت.

پەیوەندیى مێژووییى نێوان هەردوو گەلى كوردستان و فه‌ره‌نسا شایەنى ئاماژەپێکردنە. لە میانى سەدەى ڕابردوودا، كاتێك گەلەکەمان لە ئازار و نەهامەتیدا بوو، فەرەنسا بە بەخشندەیی دەستى هاوکارى بۆ هاووڵاتیانى هەرێمى کوردستان درێژ کرد. هیوادارین لە ماوەى سەرۆکایەتیى بەڕێز ئیمانوێل ماکرۆندا پەیوەندییە دووقۆڵییەکانمان فراوانتر ببن و زیاتر پەرە بسێنن.

هەر بەم بۆنەیەشەوە، دەمەوێت سوپاسى سەرۆکى پێشووى فه‌ره‌نسا بەڕێز فرانسوا ئؤلاند بکەم کە سیاسەتێکى نێودەوڵەتیى سەرکەوتووى پەیرەو کرد و پەیوەندیەکانى فەرەنساى لەگەڵ هەرێمى کوردستان بەهێزتر کرد.

دووبارە پیرۆزبایی لەگەلى فەرەنسا و سەرۆک ئیمانوێل ماکرۆن دەکەم.

نێچیرڤان بارزانى
سەرۆک وەزیرانى هەرێمى کوردستان
14.5.2017

15
ئایار

 

به‌ناوی خودای به‌خشده‌

به‌ڕێزان سه‌رۆك و ده‌سته‌ی باڵای بنكه‌ی لالش

سڵاو و رێز

به‌بۆنه‌ی 24ـه‌مین ساڵیادی دامه‌زراندنی بنكه‌ی رۆشنبیری و كۆمه‌ڵایه‌تی لالش پیرۆزبایی له‌ سه‌رۆك و ستافی ده‌سته‌ی باڵای بنكه‌ی لالش و سه‌رجه‌م ئێزدییه‌كان ده‌كه‌م و چالاكی و كاره‌كانتان له‌پێناو ره‌سه‌نایه‌تی و پاراستنی تایبه‌تمه‌ندی ئێزیدییه‌كان به‌رز ده‌نرخێنم.

كوردی ئێزیدی به‌شێكی گرنگن له‌ خۆڕاگری گه‌له‌كه‌مان و ئه‌و پیلان و شه‌ڕانه‌ی بۆ قڕكردن و تواندنه‌وه‌یان دراون، توانای ئه‌وه‌ی نه‌بووه‌ ئێزیدییه‌كان له‌ناو ببات. دڕنده‌یی داعش و كاره‌ نامرۆڤایه‌تیه‌كانی ئه‌و گرووپه‌ تیرۆریستیه‌ له‌ داگیركردنی شه‌نگال كاریگه‌ری له‌سه‌ر ئیراده‌ی ئێوه‌ دروست نه‌كرد و هاوشانی برا پێشمه‌رگه‌كانتان به‌رگری قاره‌مانانه‌تان نواند و په‌یامێك بوو، كه‌ هیچ هه‌وڵێك ناتوانێ ئێزدییه‌كان له‌ كوردستان داببرێنێ.

دڵینایی به‌ هه‌موو لایه‌ك ده‌ده‌ین‌، به‌ ئازایه‌تی پێشمه‌رگه،‌ ئێزیدییه‌كان پارێزراو ده‌بن و ئاواره‌كان ده‌گه‌ڕێنه‌وه‌ شوێنی خۆیان و ده‌ڤه‌ره‌كه‌یان ئاوه‌دان ده‌كرێته‌وه‌ و ئێزدییه‌ ره‌سه‌نه‌كان بڕیار له‌ چاره‌نووسی خۆیان و ناوچه‌كه‌یان ده‌ده‌ن.

جارێكی دیكه‌ هیوای سه‌ركه‌وتن بۆ بنكه‌ی لالش و ده‌سته‌ی باڵا و ستافه‌ به‌ڕێزه‌كه‌ی ده‌خوازم.



مسعود بارزانی

سه‌رۆكی هه‌رێمی كوردستان

12ـی5ـی2017
پەڕەى 10 لەکۆى 41 پەڕەدا