YJ Dailynews - шаблон joomla Книги

هه‌واڵ (572)

25
ئازار

 

بەناوی خودای بەخشندە و میهرەبان

بەبۆنەی سەری ساڵی تازەی كوردی و جەژنی نەورۆز پیرۆزبایی لە خەڵكی كوردستان دەكەم و هیوای شادی و خۆشی و بەختەوەری بۆ هەموو لایەك دەخوازم.

نەورۆز هەمیشە بۆ گەلی كوردستان مانای ئازادیخوازی و دەستپێكی نوێ دەدات. خەباتی گەلی كوردستان لەپێناو ئازادیدا بابەتێكی تازە نییە، لە دێر زەمانەوە هەیە و ئێستایش هەر بەردەوامە. لە خەباتی خۆیدا گەلی كوردستان هەرگیز بژاردەی شەڕی هەڵنەبژاردووە بەڵكو تەنها بەرگریی لە خۆی كردووە و بەرگریكردنیش مافێكی ڕەوایە. هەموو كات و لە گشت قۆناغەكانیشدا كوردستان ویستویەتی بە ئاشتی و دوور لە توندوتیژی كێشەكانی چارەسەر بكات و لە هەموو دەرفەتێكدا دەستی ئاشتی درێژ كردووە.

لەبارەی ڕیفراندۆمیشەوە، بەر لە ڕیفراندۆم و دوای ڕیفراندۆم چەندین جار ئەوەمان دووپات كردووەتەوە كە ئامانج، ئاشتی و نەهێشتنی ڕیشەیی گرفتەكانە و دەمانەوێ بە ئاشتی هەموو شتێك چارەسەر بكرێت. ئەوە مافێكە كە ڕەوایە و هەمیشە بوونی هەیە و كەس ناتوانێ لە گەلی كوردستان بستێنێ و دەبێ قسە لەسەر ئەوە بێت كە چۆن جێبەجێ بكرێت. بەداخەوە لەناوخۆیشدا هەندێ لایەن كە زۆر پەرۆشی ڕیفراندۆم بوون و سووربوون لەسەر ئەنجامدانی، دواتر خۆیان لە بەرپرسیارێتی و ئەنجام و لێكەوتەكانی بێبەری كرد، ئەوە لە حاڵێكدایە كە دەنگی گەلی كوردستان تاوان نەبوو و هەڵەیش نەبوو، بەڵكو دەرئەنجامی زوڵم و نەمانی شەراكەت بوو. بە دڵنیاییشەوە ئەگەر ڕێز لە شەراكەت و دەستوور گیرابا ئێستا كێشەكان كەمتر دەبوون و بارودۆخی عێراق باشتر دەبوو.

لایەنە عێراقییەكان لە بەرانبەر ئەو مافە ڕەوایەی گەلی كوردستاندا سەرەتا زۆر كراوە بوون و تێگەییشتنیان بۆ ئامانجی نیازپاكانە و ئاشتیانەی گەلی كوردستان هەبوو، بەڵام بەداخەوە بەشێكیان، دژایەتیكردنی مافە ڕەواكانی كوردستانیان بۆ مەرامی سیاسی بەكارهێنا و بە ئابڵۆقە و گوشار و زەبروزەنگ وەڵامی دەنگی ئاشتیانەی گەلەكەمانیان دایەوە. ئەمجارەیش دەركەوت كە شەڕ چارەسەری كێشەكان نییە و ئومێدەوارین پەندی ئەمجارەیش لەگەڵ ئەزموون و پەندەكانی پێشوو، وا لە هەموو لایەك بكات كە بە دیالۆگ و ئاشتی و لەیەكتێگەییشتن هەموو گرفتەكان و، كێشەی گەلی كورد لە ناوچەكە چارەسەر بكەن.

ئەو بارودۆخەی لە كەركووك و ناوچەكانی تر لە ئەنجامی خیانەت و سەپاندنی بە زۆر هاتووەتە كایەوە بە هیچ شێوەیەك نابێ ببێتە ئەمری واقیع و پێویستە لە چوارچێوەی دەستوور و ماددەی 140 ڕەوشی ئەو ناوچانە ئاسایی بكرێتەوە و چارەسەر بكرێت و هەروەها دەبێ ئیجرائاتی پێویست لە بەرانبەر ئەو دەستدرێژی و قەتلوعام و ئاوارەكردنە بكرێت كە لە مانگی ئۆكتۆبەردا لەو ناوچانە و بە تایبەت لە خورماتو ئەنجام دراوە. ئێستا ئەو كرانەوەیەی لەنێوان حكوومەتی هەرێم و حكوومەتی بەغدا بە بابەتێكی ئیجابیی دەزانین و پێشوازیی لێ دەكەین و هیوادارین دیالۆگ و لێكتێگەییشتن بەردەوام بێت بۆ چارەسەركردنی كێشەكان.

ئێمە بە باشی لە نیگەرانیی دەوڵەتانی دراوسێش دەگەین و مافی خۆیانە بیر لە بەرژەوەندییەكانیان بكەنەوە، بەڵام دوای سەد ساڵ كارەسات و قوربانیدان دەبێ ئەو مافەش بە خەڵكی كوردستان ڕەوا ببینن كە تەعبیر لە ڕای خۆی بكات و دەبێ ئەوەیشیان بۆ ڕوون بووبێتەوە كە شەڕ و توندوتیژی هیچ كاتێك بژاردەی گەلی كوردستان نەبووە كە بۆ هیچ لایەك سوودی نەبووە و ناشبێت.

لە ماوەی چەند ساڵی ڕابردوودا لە ناو هەرێمی كوردستان هەندێ كەس بۆ تێكدانی بارودۆخ هەموو ڕێگەیەكیان تاقی كردەوە و هەموو دەرگەیەكیان كوتا و بە شێوازی جۆراوجۆر كۆسپیان دروست دەكرد، بەڵام هیچیان بەدەست نەهێنا و بە دڵنیاییەوە ئەگەر هەر لەسەر ئەو نەهجە بێ سوودە بەردەوام بن لە داهاتوویشدا هیچ بەدەست ناهێنن. هیواداریشم هەموو لایەك لە ناوخۆی كوردستاندا لەوە گەییشتبێت كە چارەسەری سەرەكی بۆ مسۆگەركردنی مافەكانی گەلەكەمان یەكڕیزی و كۆبوونەوە لەژێر چەتری بەرژەوەندییە هاوبەش و باڵاكانی گەلەكەمانە، چارەسەر ئەوەیە هەموو لایەك لەناوخۆی كوردستاندا بۆ ویستی گەل بگەڕێینەوە كە یەكگرتوویی و برایەتی و تێكۆشانی هاوبەشە.

جێگەی داخێكی زۆرە كە عەفرین تووشی شەڕ و ڕووداوی ناخۆش بووەتەوە و ژیان و ئاسودەیی خەڵك كەوتووەتە بەر مەترسی. ئەو دیمەنانەی لە عەفرین دەبینرێن ناخهەژێنن، شەر لەنێوان هێزە چەكدارەكان شتێكە و سووكایەتیكردن بە ئافرەت و منداڵ و هێما نەتەوەییەكانی میللەتێك و كوشتن و بڕینی هاووڵاتیانی بێ تاوان شتێكی ترە كە نامرۆڤانەیە و پێویستە ڕێگا لەو ڕەفتارە نامرۆڤانەیە بگیرێت. هیوادارم كۆتایی بە كوشتن و ئاوارەكردنی خەڵك بێت و چارەسەری سەرەكییش ئەوەیە كە كێشەكان بە ئاشتی و ڕێكاری سیاسییانە چارەسەر بكرێن. ئومێد دەكەم لایەنە سیاسییە كوردەكانی سووریا بە یەكڕیزی و ڕێكاری ئاشتییانە و كوردانە بتوانن مافە سیاسییەكانی خۆیان مسۆگەر بكەن و هەموو لایەك ڕێز لە مافی گەلی كورد لە سووریا بگرن.

لە كۆتاییدا لەو بۆنە نیشتیمانی و نەتەوەییەدا ئومێد دەكەم لاپەڕەیەكی نوێی یەكڕیزی و تەبایی لایەنە سیاسییەكانی كوردستان بێتە ئاراوە و هیوای خۆشی بۆ تاك تاكی هاووڵاتیانی كوردستان دەخوازم و سڵاوی تایبەت بۆ خانەوادەی سەربەرزی شەهیدان و پێشمەرگە قارەمانەكان دەنێرم و نەورۆزی هەمووتان پیرۆز بێت.

مسعود بارزانی

20ـی 3ـی 2018

25
ئازار

 

له‌ باره‌گاى ئه‌نجومه‌نى سه‌ركردايه‌تى پارێزگاى هه‌ولێر به‌ ئاماده‌ بوونى كاكه‌مين نه‌جار ئه‌ندامى مه‌كته‌بى سياسى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر و بلند ئيسماعيل به‌رپرسى لقى 16 ى هه‌ولێر و ئه‌ندامانى ئه‌نجومه‌ن . پێشه‌نگاى شێوه‌كارى دكتۆره‌ سارا ته‌لاىى له‌ ژێر ناونيشانى نه‌ورۆز و ئاشتى كرايه‌وه‌ . 

ته‌واوى تابڵۆكان گوزارشتيان له‌ نه‌ورۆزى كوردستان و ئاشتى و پێكه‌وه‌ ژيان ده‌كرد ...

25
ئازار

 

کاکەمین نەجاڕ ئەندامی مەکتەبی سیاسی و سەرۆکی ئەنجومەنی سەرکردایەتی پارێزگای هەولێر بە یاوەری ئەندامانی ئەنجومەن و تەواوی ئەندامانی مەکتەب و کادیرانی ئەنجومەنی سەرکردایەتی هەولێر . سەردانی مەزاری نەمرانی کرد و لە لایەن شێخ خەڵات بارزانی نوێنەری سەرۆک مسعود بارزانی پێشوازی کران .

کاکەمین نەجار رایگەیاند ئەمرۆ ئێمە هاتووین تا پەیمان بۆ بارزانی نەمر و کاکە ئیدریسی هەمیشە لە یاد دووپات بکەینەوە کە درێژە پێدەری ڕێبازەکەی ئەوانین و بەردەوام دەبین تا تەواوی ئاوات و ئامانجەکانی گەلی کوردستان بەدی دێنین . لە بەشێکی تری ووتەکانی کاکەمین نەجار رایگەیاند دەسکەوتەکانی ئەمڕۆ و ڕاپەڕینی خەڵکی کوردستان لە ساڵی 1991 و رێکەوتننامەی 11 ی ئاداری ساڵی 1970 و هەموو دەسکەوتەکانی تری میللەتەکەمان بەرهەمی خەباتی ڕاستەقینەی بارزانی نەمرە . هەر بۆیە ئەمڕۆ هەزاران هەزار کادیر و پێشمەرگەی قارەمان هەڵگری پەیامە نەتەوەیی و نیشتیمانییەکەی نەمرانن و بەڵێنیان داوە تا ئازادی هەمیشەیی بۆ گەلی کوردستان بەدی نێنن لە کاروانی خەبات کۆڵندەن .

25
ئازار

 

لقی 24 ی سەفین لە یادی چلەی خوالێخۆشبوو عومەر مەلا زادە بە ئامادەبوونی کاکەمین نەجاڕ ئەندامی مەکتەبی سیاسی و سەرۆکی ئەنجومەنی سەرکردایەتی پارێزگای هەولێر و بەرپرسانی حزبی و حکومی و کەس و کاری خوالێخۆش بوو و جەماوەرێکی زۆر . 

مەراسیمێکی رێکخست لە ووتەیەکدا کاکەمین نەجار تیشکی خستە رۆل و کاسایەتی خوالێخۆش بوو

25
ئازار

 

بە ئامادە بوونی کاکەمین نەجار ئەندامی مەکتەبی سیاسی و سەرۆکی ئەنجومەنی سەرکردایەتی پارێزگای هەولێر بە یاوەری بەرپرسانی حزبی و حکومی لە یادی لە دایک بوونی باوکی رووحی نەتەوەیمان مستەفا بارزانی هەڵمەتی دارچاندن بەرێوەچوو .

25
ئازار

 

لێژنەی ناوچەی ئاشتی بە بۆنەی یادی لە دایک بوونی بارزانی نەمر ئێوارە کۆڕێکی بۆ بەرێز کاکەمین نەجار ئەندامی مەکتەبی سیاسی و سەرۆکی ئەنجومەنی سەرکردایەتی پارێزگای هەولێر رێکخست . 

لە سەرەتای کۆڕەکە کاکەمین نەجار تیشکی خستە سەر وێستگەکانی ژیانی بارزانی نەمر و رایگەیاند ژیانی بارزانی نەمر هەمووی سەخت و ڕووبەروو بوونەوە بووە لە گەڵ داگیرکەرانی کوردستان و لەم پێناوە بارزانی نەمر ژیانێکی پر لە نەهامەتی و ئاوارەیی بینووە . لە بەشێکی تری کۆرەکەی کاکەمین نەجار ئاماژەی بەوە کرد کە بارزانی تەنیا خەباتی بۆ باشوری کوردستان نەبووە بەلکو خەباتی بارزانی نەمر بۆ رزگاری و سەربەخۆیی تەواوی کوردستان بووە . ئەوەتا داکۆکی سەرسەختانەی لە کۆماری کوردستان کردلە مهاباد و دوایی بەرگری کەم وێنە خۆی رادەستی داگیرکەرانی کوردستان نەکرد و ئاوارەیی هەڵبژارد نەوەک ژێر دەستەیی . لە بەشێکی تری ووتەکانی کاکەمین نەجار بارزانی نەمر مولکی هەموو کوردستانییەک بوو بێ جیاوازی خەباتی بۆ هەمووان کرد .

25
ئازار

 

 

به‌ ئاماده‌ بوونى كاكه‌مين نه‌جار ئه‌ندامى مه‌كته‌بى سياسى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر و بلند ئيسماعيل به‌رپرسى لقى 16 هو و به‌رپرسانى حزبى و حكومى سنوره‌كه‌ و جه‌ماوه‌رێكى زۆر باره‌گاى لێژنه‌ى ناوچه‌ى نه‌ورۆز سه‌ر به‌ لقى 16ى هه‌ولێر كرايه‌وه‌ . 

سه‌رتاى مه‌راسيمه‌كه‌ بلند ئيسماعيل له‌ ووته‌يه‌كدا رۆشنايى خسته‌ سه‌ر ئامانجى كردنه‌وه‌ى ئه‌م ناوچه‌يه‌ له‌م سنووره‌ و راگه‌ياند ناوچه‌ى نه‌ورۆز بۆ سنوره‌كه‌ پێويستيه‌كى گرنگ بوو . هه‌ر بۆيه‌ ئه‌مرۆ ئه‌م باره‌گايه‌ ده‌كه‌يه‌نه‌وه‌ به‌ هيواين خزمه‌تى ده‌زگا په‌يوه‌نداره‌كان بكات بتوانێ ببێته‌ هۆكارى هاوكارى كار ئاسانى بۆ ته‌واوى ده‌زگاكان له‌ سنوره‌كه‌ . 
دواتر كاكه‌مين نه‌جار له‌ ووته‌يه‌كدا پيرۆزبايى له‌ به‌رپرسى ناوچه‌ و ستافى ناوچه‌كه‌ و ده‌زگا په‌يوه‌نداره‌كانى سنوره‌كه‌ كرد و هيواى خواست ئه‌م ناوچه‌ ببێته‌ هۆكارى كار ئاسانى و پشتيوانى ده‌زگاكانى په‌يوه‌ست به‌م ناوچه‌ و راگه‌ياند ده‌بێ ستافى ئه‌م ناوچه‌يه‌ له‌ گه‌ل ده‌زگا په‌يوه‌نداره‌كان كار ئاسانى بۆ هاوڵاتيان بكه‌ن و ببنه‌ هه‌وێنى پارساتنى ئارامى و ئاسايشى هاوڵاتيان . له‌ به‌شێكى ترى ووته‌كانى كاكه‌مين نه‌جار رايگه‌ياند ئێمه‌ وه‌ك پارتى ئامانجى سه‌ره‌كيمان خزمه‌ت كردنى هاوڵاتيانه‌ و بۆ ئه‌م مه‌به‌سته‌ش باره‌گاكانمان ماڵى خه‌ڵكى كوردستانه‌ و ده‌بێ به‌رپرسانى ئێمه‌ ده‌رگايان واڵابێت بۆ چاره‌سه‌ر كردنى كێشه‌ و گرفته‌كانى هاوڵاتيان 

12
ئازار

 

11ی ئادار دوو ڕووداوی گرنگ و مێژوویی گەلی کوردستانی تیا تۆمار کراوە و تا ئەبەد شانازی پێوە دەکەین . یەکەمیان یادی ڕێکەوتننامەی 11 ئادار کە شۆڕشی مەزنی ئەیلول چۆکی بە گەورەتری ڕژێمی سەردەم دادا و توانی بەشێکی مافەکانی گەلی کوردستان بە دەست بێنێ کە بۆ ئەو سەردەم دەسکەوتی مەزن و کەم وێنەبوو . دووەم ڕووداوی مێژوویی ئازادکردنی هەولێر لە ژێر دەستی ڕژێمی داگیرکەری عێراق کە پێشمەرگە و جەماوەری هەولێری سەربەرز لە ماوەیەکی کورت تەواوی دام و دەزگا داپڵۆسێنەرەکانی ڕژێمی بەعس یان ڕاماڵی و هەولێر بەرگی ئازادی پۆشی . بەم بۆنانەوە پیرۆزبایی گەرم ئاراستەی جەنابی سەرۆک مسعود بارزانی و بنەماڵەی سەربەرزی شەهیدان و پێشمەرگە قارەمانەکان و تەواوی کوردستانیانی خۆشەویست دەکەین . 

پارتی دیموکراتی کوردستان 
ئەنجومەنی سەرکردایەتی پارێزگای هەولێر

12
ئازار

 

ئەمڕۆ 48 ساڵ بەسەر یەكەم ڕێككەوتنی نێوان گەلی كوردستان و حكوومەتی عێراقیدا تێدەپەڕێ كە تێیدا دان بە بەشێك لە مافەكانی گەلی كوردستاندا نرا.

دوای 48 ساڵ و پاش جینۆسایدكردنی گەلی كوردستان و تێپەڕاندنی قۆناغی جۆراوجۆر، ئەو ڕێككەوتنە و سەرجەم ڕێككەوتنەكانی تر بە دەستووری 2005ـیشەوە لە لایەن بەغدا پێشێل كراوە و پاش مێژوویەكی پڕ لە كارەسات، هێشتا شكاندنی شەراكەت بەردەوامە و هێشتا هەر بە عەقڵییەتی ئینكار و پەراوێزكردن مامەڵە لەگەڵ گەلی كوردستان دەكرێت.

12
ئازار

 

 

بە ئامادەبوونی ئەحمەد کانی بەرپرسی لقی دوو سولحی مەجید ئەندامی ئەنجومەنی سەرکردایەتی هەولێر و بەرپرسی دەزگای رۆشنبیری راگەیاندنی ئەنجومەن 

بە بۆنەی 8 مارس رۆژی ئافرەتانی جیهان لە بارەگای لقی دووی پارتی دیموکراتی کوردستان دیاری بەخشرایە ژمارەیەک ئافرەت ....

پەڕەى 2 لەکۆى 41 پەڕەدا