YJ Dailynews - шаблон joomla Книги

هه‌واڵ (570)

29
ئایار

بەرپرسی میحوەری خازر (عارف تەیفوور)، رایگەیاند: "هێرشی هێزی پێشمەرگە لە قۆڵی حەسەن شام دەستی پێكردووە و بەپێی ئەو بەرنامەیەی دانراوە، هێزی پێشمەرگە لە پێشڕەویدایە بۆ گرتنی ئەو شوێنانەی كە لە پلاندا دانراون".

(تەیفوور) گوتیشی، هێرشەكە بە سەرپەرشتیی (سەرۆك بارزان)ـیە و، بۆ ئەو مەبەستەیش بەردەوام لەسەر هێڵە،

هەروەها هێزی پێشمەرگەیش چەند شوێنێكیان كۆنتڕۆڵ كردووە".

لە لایەكی دیكەوە، موقەدەم (جەعفەر كەریم) فەرماندەی بەتالیۆنی دووی هێزی یەك لە سوپای 4ـی زێرەڤانی لە میحوەری خازر،  بە ماڵپەڕی فەرمیی پارتی دیموكراتی كوردستانی گوت: "لە سەعات 4ـی بەرەبەیانییەوە هێزەكانی پێشمەرگە دەستمان بە هێرشێكی بەرفراوان كردووە لە قۆڵەكانی حەسەن شام بۆ گوندی موفتی و هەروەها بۆ گردەڕەش و وەردەك و تولەبەندیش".

 

موقەدەم (جەعفەر) دەیشڵێت: "پێشڕەوی باش كراوە و فڕۆكە جەنگییەكانی هاوپەیمانانیش بە چڕی بۆردوومانی تیرۆریستانی داعش دەكەن لەو سنوورە".

29
ئایار

ئێواره‌ى  شه‌ممه‌ 28/5/2016 له‌ په‌یوه‌ندییه‌كى ته‌له‌فۆنیدا (نێچیرڤان بارزانى) سه‌رۆكوه‌زیرانى هه‌رێمى كوردستان، به‌بۆنه‌ى هه‌ڵبژاردنیه‌وه‌ به‌ ئه‌میندارى گشتیى یه‌گكرتووى ئیسلامیى كوردستان، پیرۆزبایى له‌ مامۆستا (سه‌ڵاحه‌دین به‌هائه‌دین) كرد.

 

سه‌رۆكوه‌زیران هه‌روه‌ها هیواى سه‌ركه‌وتنى بۆ كاره‌كانى كۆنگره‌ى حه‌وته‌مى یه‌كگرتووى ئیسلامیى كوردستان و بۆ مامۆستا (سه‌ڵاحه‌دین به‌هائه‌دین) خواست.

28
ئایار

عه‌مید (عومه‌ر بۆسه‌لی) یاریده‌ده‌ری فه‌رمانده‌یی دهۆك له‌ میحوه‌ری زوممار، بە ماڵپه‌ڕی فه‌رمیی پارتیی دیموكراتی كوردستانی ڕاگەیاند: "تیرۆریستانی داعش بۆ جاری پێنجه‌مه‌ له‌ میحوه‌ری زوممارەوە بە چه‌كی كیمیایی لە هێزه‌كانی پێشمه‌رگه‌ و خەڵکی لاشەڕ دەدەن؛ دوێنێ هه‌ینییش له‌ گوندی كارێز كه‌ ده‌كه‌وێته‌ به‌رامبه‌ر سه‌ربازگه‌ی كه‌سكێ بە گوللەتۆپی کلۆردار ده‌ستیان به‌ تۆپباران كرد؛‌ چل پەنجا کەسێكی خەڵكی گونده‌كه‌ پێی نەخۆش کەوتوونە و، بردنیان بۆ نه‌خۆشخانه‌ی ئه‌و سنووره‌ و چاره‌سه‌ر كران."

 

 

عه‌مید (عومه‌ر) گوتیشی: "ڕۆژانه‌ تیرۆریستانی داعش له‌م سنووره‌ به‌ گوللەهاوه‌ن و گوللەكاتیوشای کیماییدار پەلامارمان دەدەن."

28
ئایار

دەقی پەیامی سەرۆك بارزانی بۆ حەفتەمین كۆنگرەی یەكگرتووی ئیسلامیی كوردستان:

به ناوی خودای بەخشندە و میهرەبان
بەڕێزان ئەندامانی كۆنگرەی حەفتەمی یەكگرتووی ئیسلامیی كوردستان
بە بۆنەی بەستنی حەفتەمین كۆنگرەی ئیسلامی كوردستان گەرمترین پیرۆزبایی خۆم ئاراستەی ئێوەی بەڕێز و ئەندام و لایەنگرانی یەكگرتووی ئیسلامیی كوردستان دەكەم. هیوادارم كۆنگرەكەتان بە سەركەوتوویی كۆتایی بە ئەرك و كارەكانیدا بهێنێت و هەڵبژاردنی سەركردایەتیی تازەی یەكگرتوو و ڕاسپاردە و بڕیار و ڕێنوێنییەكانی حەفتەمین كۆنگرەی یەكگرتووی ئیسلامیی كوردستان لە خزمەتی بەرژەوەندییه باڵاكانی گەلەكەمان و پێشكەوتنی كولتووری سیاسیی كۆمەڵگەدا بێت.

ئێستا گەلەكەمان بە هەستیارترین قۆناغی مێژووی خۆیدا تێدەپەڕێت و لەبەردەم دەرفەتی مەزن و هەڕەشە و تەحەدیاتی گەورەیشدایە. لە كاتێكدا هێزی پێشمەرگەی كوردستان بە خوێنی خۆی پارێزگاری لە خاك و كەرامەتی گەلی كوردستان دەكات، جێگەی خۆیەتی حزب و لایەنەكان، هەموو وزە و تواناكانیان بۆ سوودوەرگرتن لەو دەرفەتانە بەكاربهێنن كە لە بەرژەوەندیی خەڵكی كوردستان و دواڕۆژی وڵاتەكەمان و نەوەكانی ئاییندەدا بێت. ئەوەیش لە پێناو پیادەكردنی مافی دیاریكردنی چارەنووس و سەربەخۆیی گەلەكەمان و چەسپاندنی بنەماكانی دیموكراسی و دیالۆگ و برایەتی و تەبایی لە پڕۆسەی سیاسیدا و هەروەها پێكەوەژیان و ڕەچاوكردنی مافی پێكهاته نەتەوەیی و ئایینییەكانی كوردستان.

یەكگرتووی ئیسلامیی كوردستان وەك بەشێك لە پرۆسەی سیاسیی هەرێمی كوردستان ڕۆڵی هاوسەنگ و میانڕۆیانەی گێڕاوە كە جێگەی پێزانینی هەموو لایەكە و ئەو ڕۆڵە بەرز دەنرخێنین، لەگەڵ ئەوەیشدا یەكگرتووی ئیسلامی دەتوانی ڕۆڵێكی كاریگەری هەبێت لە ڕووبەڕووبوونەوەی توندڕۆیی و تیرۆر و شەڕی فكریی تیرۆریستان كە تاوانی زۆر گەورەیان دەرهەق گەلەكەمان ئەنجام داوە و مایەی نەهامەتین بۆ گەلانی ناوچەكە و دژی هەموو بەهایەكی ئاسمانی و مرۆڤین. هیوای دواڕۆژێكی گەش بۆ گەلی كوردستان و ئومێدی سەركەوتنتان بۆ دەخوازم.

 

مەسعوود بارزانی
سەرۆكی هەرێمی كوردستان

26
ئایار

ڕۆژی چوارشەممە 25ـ 5ـ 2016 لە شاری هەولێر (مەسعوود بارزانی) سەرۆكی هەرێمی كوردستان بەشداریی لە مەراسیمی یادی حەفتاساڵەی سەربەخۆیی شانشینی عەرەبی و سەد ساڵەی شۆڕشی گەورەی عەرەبی كرد.
لەو مەراسیمەدا كە لە لایەن كونسوڵخانەی شانشینی ئۆردۆن لە هۆتێل ڕۆتانای هەولێر ساز درابوو بە ئامادەبوونی سەرۆك بارزانی و ژمارەیەكی زۆری كونسوڵ و نوێنەری وڵاتان و كەسایەتیی سیاسی و بەرپرسە ئیداری و حزبییەكانی هەرێمی كوردستان بەڕێوەچوو.
لە سەرەتای مەراسیمەكەدا دوای سروودی نیشتیمانیی شانشینی ئۆردۆن و عێراق و هەرێمی كوردستان پەیامی شا عەبدوڵڵا پادشای ئۆردۆن بە بۆنەی یادی ڕۆژی سەربەخۆیی وڵاتەكەی خوێندرایەوە. پاشان هەیسەم ئەبولفول كونسوڵی گشتیی شانشینی ئۆردۆن لە هەولێر وتارێكی پێشكەش كرد و تێیدا سوپاسی ئامادەبوونی سەرۆك بارزانی كرد و هەروەها ستاییشی بەها و ڕەوشتی بەرز و خەبات و قوربانیدانی گەلی كوردستانی كرد و بە پێزانینەوە باسی لە دڵفراوانیی خەڵكی كوردستان كرد لە پەنادانی ئاوارە و لێقەوماوان.
جێگەی ئاماژەپێدانە هەر لەو مەراسیمەدا وتاری حكوومەتی هەرێمی كوردستان بە بۆنەی یادی حەفتاساڵەی سەربەخۆیی شانشینی ئۆردۆن لە لایەن فەلاح مستەفا بەرپرسی فەرمانگەی پەیوەندییەكانی حكوومەتی هەرێمی كوردستان خوێندرایەوە.




26
ئایار

دەقی پەیامی سەرۆك بارزانی بە بۆنەی چلەمین ساڵی شۆڕشی گوڵان:

بەناوی خودای بەخشندە و میهرەبان
شۆڕشی گوڵان بەردەوامیی خەبات و قوربانیدانی گەلی كوردستان بوو لە بەرانبەر ستەم و داگیركاری. ئەو شۆڕشە هەڵگری پەیام و ئامانجەكانی شۆڕشی مەزنی ئەیلوول بوو و، یەكێكە لە قۆناغە گرینگەكانی بەرخودانی پێشمەرگە و گەلی كوردستان و پێشانی دا كە ئەگەر لە قۆناغێكدا خەباتی گەلی كوردستان تووشی وەستان و نسكۆ هاتبێت، ئەوا ئیرادەی تێكۆشان و خەباتی گەلی كوردستان هیچ كات نەشكاوە و بە هەناسە و تینێكی تازە بەردەوام دەبێت بۆ گەییشتن بە ڕزگاری و ئازادی.

پەیامی شۆڕشی گوڵان پەیامی بەردەوامی و كۆڵنەدان و پێداگری بوو لە مافە ڕەواكانی گەلەكەمان و درێژكراوەی شۆڕشەكانی تری گەلی كوردستان بوو. بەرهەمی شۆڕشی گوڵان یەكڕیزیی هێز و لایەنەكانی گەلەكەمان بوو بۆ ڕاپەڕین و فیدڕاڵی و فرەلایەنی و هەڵبژاردن و، بەرپابوونی دامودەزگای هەرێمی كوردستان كە هەر هەمووی دەستكەوتی گرانبەهان كە بە خوێنی پێشمەرگە و قوربانیدانی گەلەكەمان هاتوونەتە دی.

ئێستا لە كاتێك یادی شۆڕشی گوڵان دەكەینەوە، كە گەلی كوردستان زیاتر لە هەر كاتێك لە ئامانجەكانی نزیك بووەتەوە و جیهان بە چاوی ڕێز و ستاییشەوە سەیری خۆڕاگری و قوربانیدان و دەستكەوتەكانی گەلی كوردستان دەكات. كەمترین وەفا بۆ قوربانیدان و نەهامەتییەكانی گەلەكەمان و خوێنی شەهیدان پیادەكردنی تەواوی مافی دیاریكردنی چارەنووسی گەلی كوردستانە. ئەوە بەرپرسیارێتیی مێژوویی و ئەركێكە لەسەر شانی هەموو هێز و لایەنە سیاسییەكان، دوور لە بەرژەوەندیی حزبی و بە بڕوابوونێكی تەواو بە مافەكانی گەلەكەمان.
لە یادی شۆڕشی گوڵاندا پێزانینم بۆ هەموو ئەو پێشمەرگە قارەمانانە هەیە كە بەشداری شۆڕشی گوڵان بوون و مێژوویان بۆ گەلەكەیان دروست كرد. هەزاران سڵاو بۆ گیانی پاكی شەهیدانی شۆڕشی گوڵان و شەهید سەید عەبدوڵڵا یەكەم شەهیدی شۆڕشی گوڵان و هەموو شەهیدانی كوردستان. سڵاو لە پێشمەرگە ئازا و چاونەترسەكانمان كە ئێستا لە سەنگەری بەرگریكردنن لە خاك و كەرامەتی گەلی كوردستان و بە خوێنی خۆیان ئەفسانەی تیرۆریستانیان تێكشكاند.

لە یادی چلەمین ساڵی شۆڕشی گوڵاندا جەخت لە پەیامی پێكەوەژیان و ئاشتیخوازیی گەلی كوردستان دەكەینەوە و، خەڵكی كوردستانیش لەوە دڵنیا دەكەینەوە كە شۆڕش و خەبات و خۆڕاگریان بە فیڕۆ ناچێت و هیچ بەربەست و لەمپەرێك نابێتە هۆی ئەوەی دەستبەرداری مافە ڕەواكانی گەلی كوردستان بین.
 

26
ئایار

1926 لەشارۆچکەی رەواندز گۆڤاری (زاری کرمانجی) یەکەم ژمارەی لێ دەرچوو لەلایەن حسێن حزنی موکریانی کە هەر خۆی خاوەن و بەڕێوەبەری نووسینی گۆڤارەکە بوو، وەرچەرخانێکی گرنگ بوو لەمێژووی رۆژنامەگەری کوردی لەباشووری کوردستان. لەماوەی شەش ساڵدا 24 ژمارەی لێ دەرچوو..
موکریانی؛ ڕۆشنفکرێکی درەوشاوەیە لەمێژووی کورددا، تاکە کەس بووە چاپخانەی کوردی لەرەواندز دامەزراندووە، یەکەم کەس بووە پیتی کوردی داهێناوە.. زۆر لەگۆڤاری دەرکردووە لەوانە؛ زاری کرمانجی و گۆڤاری روناکی و گۆڤاری گەلاوێژ.
موکریانی مێژوونووس و رۆژنامەوان و خۆشنووس و چیرۆکنوسێکی لێهاتووش بووە، کەسێکی نیشتمان پەروەرو دڵسۆزی گەلەکەی بووە
..

25
ئایار

چل ساڵ به‌ر له‌ ئه‌مرۆ دواى پيلانى شومى جه‌زائير جارێكى تر پێشمه‌رگه‌ قاره‌مانه‌كانى كوردستان به‌رابه‌رايه‌تى بارزانى نه‌مر و سه‌ركردايه‌تى پارتى ديموكراتى كوردستان بڵێسه‌ى شۆرشى گوڵانى پێشكه‌وتنخوازيان گه‌يانده‌ سه‌رتاسه‌رى كوردستان . جارێكى تر پارتى ديموكراتى كوردستان هه‌ڵمه‌تى شێرانه‌ى ده‌ست پێكرده‌وه‌ بۆ سه‌ر مۆڵگه‌ و پێگه‌كانى رژێمى ئه‌وكاتى عێراق . له‌ ماوه‌يه‌كى كه‌مدا شۆرش سه‌رتاسه‌رى كوردستانى ته‌نى و چۆكى به‌ دووژمن دادا و ده‌يان دستانى كه‌م وێنه‌ تۆمار كرا . سه‌رنجام راپه‌رينى ئادارى ساڵى 1991 گه‌له‌كه‌مانى لێكه‌وته‌وه‌ كه‌ شۆرشى گوڵان داينه‌مۆى راپه‌رين و كۆتايى هێنان بوو به‌ ده‌سه‌لاتى رژێمى به‌عس له‌ كوردستاندا . ئه‌مرۆ له‌ كاتێكدا يادى شۆرشى گوڵانى پێشكه‌وتنخواز ده‌كه‌ينه‌وه‌ كوردستان له‌ شه‌رێكى سه‌ختدايه‌ له‌ گه‌ڵ تيرۆريستانى داعش ڕۆژانه‌‌ پێشمه‌رگه‌ قاره‌مانه‌كانى كوردستان به‌ خوێنى خۆيان به‌رگرى له‌ خاك و خه‌ڵكى كوردستان ده‌كه‌ن . ده‌سكه‌وته‌كانى ئه‌مرۆ و به‌يانى ريفراندۆم و دواتر ده‌وڵه‌تى سه‌ربه‌خۆيى كوردستان به‌رهه‌مى شۆرشى گوڵانى پێشه‌وتنخوازه‌ . له‌م ياده‌ مه‌زنه‌دا سڵاو ده‌نێرين بۆ گيانى پاكى بارزانى نه‌مر و كاكه‌ ئيدريسى هه‌ميشه‌ له‌ ياد سڵاو ده‌نێرين بۆ گيانى شه‌هيدانى شۆرشى گوڵانى پێشكه‌وتنخوازسڵاو بۆ پێشمه‌رگه‌ قاره‌مانه‌كانى ئه‌م شۆرشه‌ مه‌زنه‌ ده‌نێرين كه‌ له‌ رۆژگارێكى يه‌كجار سه‌خت و دژواردا كوردستانيان به‌ ته‌نيا جێنه‌هێشت بوونه‌ قلغان له‌ به‌رده‌م هێرشى رژێمى به‌عسى له‌ ناوچوو بۆ له‌ ناوبردنى كوردستان . جارێكى تر يادى شۆرشى گوڵانى پێشكه‌وتنخواز به‌رز و پيرۆزبێت . به‌ پشتيوانى جه‌نابى سه‌رۆك مسعود بارزانى و گه‌لى كوردستان رزگارى يه‌كجارى نزيكه‌ و بۆ هه‌ميشه‌ كوردستان ده‌بێته‌ خاوه‌ن كيان و ده‌وڵه‌تى سه‌ربه‌خۆ .
پارتى ديموكراتى كوردستان 
ئه‌نجومه‌نى سه‌ركردايه‌تى پارێزگاى هه‌ولێر

24
ئایار

كاكه‌مین نه‌جارئه‌ندامی مه‌كته‌بی سیاسی و سه‌رۆكی ئه‌نجومه‌نی پارێزگای هه‌ولێری پارتی دموكراتی كوردستان پێشوازی له‌ ستافی یه‌كیتی قوتابیان ی كوردستان و یه‌كیتی لاوانی دیموكراتی كوردستانی ده‌وروبه‌ركرد

24
ئایار

 

بەریز كاكەمین نەجار ئەندامی مەكتەبی سیاسی و سەرۆكی ئەنجومەنی هەولیر . پیشوازیکرد له وەفدیكی پرۆژەی عربی ( دەزگای خیرخوازی خنجر ) که پیکهاتبوون له بەریزان : د.ناصح میزان د.وسام العوبیدی د.عبدالوهاب مصطفی الحدیثی 

پەڕەى 34 لەکۆى 41 پەڕەدا