YJ Dailynews - шаблон joomla Книги

هه‌واڵ (570)

10
ئایار

وەزیری بەرگریی ئیتالیا، لە دیداریدا لەگەڵ سەرۆكوەزیرانی هەرێمی كوردستان، ڕایگەیاند، پێویستە هەماهەنگیی نێوان هێزەكانی پێشمەرگە و هاوپەیمانان بە تایبەتی ئیتالیا، فراوانتر بكرێت و بەردەوامیی هاوكارییە سەربازییەكانی وڵاتەكەیشی بۆ هەرێمی كوردستان دووپات كردەوە.

(نێچیرڤان بارزانی) سەرۆكوەزیرانی هەرێمی كوردستان، ئێوارەی دوێنێ دووشەممە 9 - 5 – 2016، پێشوازی لە خاتوو (ڕۆبێرتا بینۆتی)، وەزیری بەرگریی ئیتالیا و شاندێكی سەربازی و دیپلۆماسیی یاوەری كرد.

لە دیدارێكدا كە (قوباد تاڵەبانی) جێگری سەرۆكوەزیران ئامادەی بوو، خاتوو (بینۆتی) خۆشحاڵیی خۆی بە سەردانی هەرێمی كوردستان دەربڕی و پیرۆزبایی لە پێشمەرگە و حكوومەتی هەرێمی كوردستان كرد بۆ ئەو سەركەوتن و دەستكەوتانەی كە لە شەڕی ڕووبەڕووبوونەوەی تیرۆریستانی داعشدا بە دەستیان هێناوە و ڕێز و پێزانینی بۆ پێشمەرگە و شەهیدانی كوردستان دەربڕی. جەختی لەوەیش كردەوە كە، پێویستە هەماهەنگیی نێوان هێزەكانی پێشمەرگە و هاوپەیمانان بە تایبەتی ئیتالیا، فراوانتر بكرێت و بەردەوامیی هاوكارییە سەربازییەكانی وڵاتەكەیشی بۆ هەرێمی كوردستان دووپات كردەوە.

بە پێویستیشی زانی پێشمەرگە وەك هێزێكی سەرەكی لەگەڵ سوپای عێراق و هاوپەیمانان ڕۆڵێكی كاریگەری لە پلانڕێژیی ئازادكرنەوەی شاری مووسڵدا هەبێت. دواتر باسی لە پەیوەندییە پتەوەكانی نێوان هەرێمی كوردستان و ئیتالیا و برەودانی زیاتر بە پەیوەندییەكان دوای هێرش و مەترسییەكانی تیرۆرستان بۆ سەر هەرێمی كوردستان و نەبەردیی پێشمەرگە لە ڕووبەڕووبوونەوەی تیرۆر كرد و دووپاتی كردەوە كە، لە هەوڵەكانیان بەردەوام دەبن بۆ ئەوەی كۆمەڵگەی نێودەوڵەتی هاوكارییەكانی بۆ پێشمەرگە فراوانتر بكات.

لای خۆیەوە، سەرۆكوەزیرانی هەرێمی كوردستان سوپاسی ئەو سەردانە و حكوومەتی ئیتالیای كرد بۆ هاوكارییە سەربازییە بەردەوامەكانی و سوپاسی سەرۆكوەزیرانی ئیتالیاشی كرد كە وەك پشتگیرییەك لە هەرێمی كوردستان و لە كاتی هێرشەكانی داعش بۆ سەر هەرێم، سەردانی كوردستانی كرد و خەڵك و حكوومەتی كوردستان شانازی بەو دۆستایەتییەوە دەكەن كە لەگەڵ ئیتالیا هەیانە.

دەربارەی ئازادكرنەوەی شاری مووسڵیش، ئاماژەی بەوە دا كە، پێویستە پلانێكی تۆكمە و ڕوون دابڕێژرێت و بە هەماهەنگیی نێوان حكوومەتی عێراق و هەرێمی كوردستان و هاوپەیمانان جێبەجێ بكرێت و لەوەش گرنگتر دیدی هەمەلایەنە بۆ دوای پرۆسەی ئازادكرنەوەی شاری مووسڵ ڕوون و ئاشكرا بێت و دڵنەوایی بدرێتە خەڵكی ناوچەكە كە ئایندەیەكی گەش چاوەڕێیان دەكات.

 

هەروەها دووپاتی كردەوە، هەرچەندە بارودۆخی سیاسیی عێراق چەقبەستووە، بەڵام هەرێمی كوردستان هەوڵ دەدات كێشەكانی لەگەڵ بەغدا لە ڕێگەی دیالۆگەوە چارەسەر بكات. ئامادەییی هەرێمی كوردستانیشی بۆ هەر هەماهەنگی و هاوكارییەكی سەربازی و سیاسی و ئەمنی لەگەڵ ئیتالیا دەربڕی.

09
ئایار

پاشنیوەڕۆی ئەمڕۆ دووشەممە 9 - 5 - 2016 نێچیرڤان بارزانی سەرۆكوەزیرانی هەرێمی كوردستان، پێشوزای لە بامبانگ ئەنتاركسۆ باڵیۆزی نوێی ئەندۆنیسیا لە عێراق و شاندێكی یاوەری كرد.

لە دیدارێكدا باڵیۆزی ئەندۆنیسیا خۆشحاڵیی خۆی بە سەردان و پێشكەوتنەكانی هەرێمی كوردستان لە بوارە جیاوازەكاندا دەربڕی و پشتگیریی حكوومەتی وڵاتەكەیشی بۆ هەوڵەكانی پتەوكردنی پەیوەندییەكانی نێوان هەرێمی كوردستان و وڵاتی ئەندۆنیسیا لە بوارەكانی ئابووری، كۆمەڵایەتی، زانستی، كەلتووری و سیاسی نیشان دا و بۆ ئەم مەبەستەش هەوڵ دەدەن لە ماوەی داهاتوودا نوێنەرایەتیی خۆیان لە هەرێمی كوردستان بكەنەوە.
هەروەها ئاماژەی بەوە دا كە هەرێمی كوردستان ناوچەیەكی ئارامە، هەر بۆیە ژمارەیەكی زۆر لە كرێكارانی ئەندۆنیسا بە مەبەستی كاركردن ڕوویان لە هەرێمی كوردستان كردووە و لە كەشێكی باشدا ژیان بەسەر دەبەن. دووپاتیشی كردەوە كە وڵاتەكەی دەتوانێت لە بوارەكانی كشتوكاڵ و دروستكردنی پردی پەیوەندیی نێوان كەرتی تایبەتی هەردوولا، هاوكاریی هەرێمی كوردستان بكات.

لای خۆیەوە سەرۆكوەزیرانی هەرێمی كوردستان سوپاسی ئەو سەردانەی كرد و هیوای سەركەوتنی لە ئەركە نوێكەی بۆ خواست و دووپاتی كردەوە كە هەرێمی كوردستان خوازیارە باشترین پەیوەندی لەگەڵ هەموو وڵاتانی جیهان هەبێت و ئەندۆنیسیاش یەك لەو وڵاتانەیە كە دەكرێت لە بواری كشتوكاڵیدا هاوكارییەكی باشی هەرێمی كوردستان بكات. جەختی لەوەش كردەوە كە دەرگای هەرێمی كوردستان بۆ كرێكاران و خاوەنكارانی ئەندۆنیسیا كراوەیە و هەوڵەكانی بەڕێزیشیانی بۆ دروستكردنی پەیوەندیی نێوان كەرتی تایبەتی هەرێمی كوردستان و ئەندۆنیسیا بەرز نرخاند.

 

لە بەشێكی دیكەی قسەكانیدا سەرۆكوەزیران باسی لە قەیرانی داراییی هەرێمی كوردستان و هۆكارەكانی دروستبوونی و هەوڵەكانی حكوومەت بۆ تێپەڕاندنی ئەو قەیرانە كرد و جەختی لەوە كردەوە كە حكوومەت لەسەر جێبەجێكردنی پرۆگرامی چاكسازی جددییە، بەڵام ئەمەش پێویستی بە كاتە تا دەگاتە ئامانج و گەشبینیی خۆیشی بەرامبەر داهاتووی ئابووریی هەرێمی كوردستان دەربڕی.

08
ئایار

مه‌لا حه‌سه‌ن ماونی لەگەڵ کوڕەکانی لە بەرەکانی شەڕ

پێشمه‌رگه‌یه‌كی دێرین له‌گه‌ڵ شه‌ش له‌كوڕه‌كانی له‌به‌ره‌كانی پێشه‌وه‌ی شه‌ڕن له‌میحوه‌ری باشیك، له‌كاتی شه‌ڕیشدا سێ كوڕی دیكه‌ی وه‌ك پێشمه‌رگه‌ی خۆبه‌خش له‌گه‌ڵی ده‌ڕۆن بۆ به‌رگری له‌خاكی كوردستان‌و ده‌بنه‌ باوكێك‌و نۆ كوڕ.

مه‌لا حه‌سه‌ن ماونی (67 ساڵ)، له‌شه‌سته‌كانی سه‌ده‌ی رابردوه‌وه‌ پێشمه‌رگه‌یه‌و كه‌سێكی ئه‌زموونداره‌و پێشتریش شه‌ڕی رژێمی به‌عسی كردووه

‌ هه‌رچه‌نده‌ فه‌رمانده‌كانی پێشمه‌رگه‌ هۆشداریی ده‌ده‌نێ كه‌ له‌گه‌ڵ كوڕه‌كانی سه‌رجه‌میان له‌به‌ره‌ی پێشه‌وه‌ی شه‌ڕی داعش نه‌بن، به‌ڵام خۆی ئه‌وه‌ ره‌تده‌كاته‌وه‌و ده‌ڵێت كاتی هه‌بوونی شه‌ڕ ناتوانن خۆیان رابگرن‌و نه‌چنه‌ به‌ره‌ی پێشه‌وه‌، "بوونی كه‌سانی به‌ ئه‌زموون له‌به‌ره‌ی پێشه‌وه‌ زۆر گرنگه‌".

 مه‌لا حه‌سه‌ن زیاتر له‌ 50 ساڵه‌ چه‌كی پێشمه‌رگایه‌تی له‌شاندایه‌، به‌شداری شۆڕشی ئه‌یلول‌و گوڵانی كردوه‌و "له‌قوتابخانه‌ی بارزانی فێری كوردایه‌تی بووم، كوڕێكم له‌شۆڕشی گوڵان شه‌هیدبووه‌"، وه‌ك خۆی‌ ده‌ڵێت.

مه‌لا حه‌سه‌ن كه‌ دانیشتوی كۆمه‌ڵگه‌ی‌ شاوێسی سه‌ر به‌ناحیه‌ی‌ كه‌سنه‌زانه‌ له‌پارێزگای هه‌ولێر، به‌خه‌ندانی‌ وت "ئێستا له‌گه‌ڵ شه‌ش له‌كوڕه‌كانم پێشمه‌رگه‌ین‌و بۆ ماوه‌ی ساڵ‌و نیوێكه‌ له‌میحوه‌ری باشیكین‌و پێشتر له‌هه‌موو شه‌ڕه‌كانی میحوه‌ری ره‌بیعه‌و زوممارو شنگال به‌شداربووین"، زیاتر وتی‌ "چه‌ندینجار داعش هێرشیان هێناوه‌ته‌سه‌رمان، به‌ڵام هه‌مووجاره‌كان هێرشه‌كانیان تێكشكێندراون".

مه‌لا حه‌سه‌ن 12 كوڕو سێ كچی هه‌یه‌و پله‌ی عه‌قیده‌ له‌هێزی باڵه‌ك سه‌ربه‌ فه‌رمانده‌یی هه‌ڵگورد، پێیوایه‌ بوونی پێشمه‌رگه‌ی ئه‌زموندار له‌به‌ره‌ی پێشه‌وه‌ گرنگه‌و ده‌ڵێت "ئه‌و گه‌نجانه‌ی ئێستا وه‌كو به‌ته‌مه‌نه‌كان نین"، وه‌ك ئاماژه‌یه‌ك به‌وه‌ی‌ ئه‌زمونیان كه‌متره‌.

یه‌كێك له‌كوڕه‌كانی مه‌لا حه‌سه‌ن كه‌ له‌گه‌ڵ باوكیدایه‌ باسله‌وه‌ده‌كات ساڵ‌و نیوێكه‌ له‌میحوه‌ری باشیكن‌و پێشتریش له‌شه‌ڕه‌كانی میحوه‌ری ره‌بیعه‌و زوممارو ئه‌و ناوچانه‌ به‌شدارییان 

08
ئایار

سەرۆكی فراكسیۆنی پارتی لە ئەنجوومەنی نوێنەرانی عێراق، رایگەیاند؛ هەر كاتێك عێراق تووشی قەیران دەبێت پەنا بۆ هەرێمی كوردستان دەهێنن. 

چەند لایەنێك پەیوەندییان بە سەرۆك بارزانی، سەرۆكی هەرێمی كوردستان كردووە دەستپێشخەرییەك بۆ چارەسەركردنی رەوشی سیاسیی عێراق پێشكەش بكات.


خەسرۆ گۆران، سەرۆكی فراكسیۆنی پارتی لە ئەنجوومەنی نوێنەرانی عێرق، لە كۆنگرەیەكی رۆژنامەوانیدا رایگەیاند؛ هەر كاتێك عێراق تووشی قەیران دەبێت پەنا بۆ هەرێمی كوردستان دەهێنن، چەند لایەنێك پەیوەندییان بە سەرۆك بارزانی، سەرۆكی هەرێمی كوردستان كردووە دەستپێشخەرییەك بۆ چارەسەركردنی رەوشی سیاسی عێراق پێشكەش بكات، بۆ ئەوەی كۆبوونەوەیەك لە هەولێر ساز بكرێت و قەیرانەكە چارەسەر بكرێت.


گوتیشی: رەنگە لایەنە عێراقییەكان داوا بكەن كۆبوونەوەی پەرلەمانی عێراق، لە هەولێر بکرێت.


سەرۆكی فراكسیۆنی پارتی، ڕوونیشیكردەوە، ئێمە وەك هاوپەیمانی كوردستانی، وا بە ئاسانی ناچینە هیچ كۆبوونەوەیەكی پەرلەمان، تا هەموو داخوازییەكانی ئێمە جێبەجێ نەكرێن، هەروەها تاكو زەمینەیەكی تەواو لەبار نەهێتە كایەوە بۆ ئەوەی كاری خۆمان بكەین.


گۆران، رەتیكردەوە مەسعود بارزانی، سەرۆكی هەرێمی كوردستان بانگهێشتنامەی ئاراستەی لایەنە سیاسییە عێراقییەكان كردبێ بۆ كۆبوونەوە لە هەرێمی كوردستان و، دۆزینەوەی چارەسەرێك بۆ كێشەكانی عێراق.


رۆژی پێنج شەممە، فراكسیۆنە كوردستانییەكانی پەرلەمانی عێراق لە شاری سلێمانی كۆبوونەوە و بریاریاندا، بە بێ بوونی بڕیارێكی روونی سەركردایەتی سیاسیی كوردستان، جارێكی دیكە ناگەڕێنەوە بەغد

07
ئایار

(مەسعود بارزانی) سەرۆكی هەرێمی كوردستان پێشوازی لە (جان كۆبیس) نوێنەری تایبەتی سكرتێری گشتیی نەتەوە یەكگرتووەكان لە عێراق و شاندێكی یاوەری كرد.

لە دیدارەكەدا بارودۆخی سیاسی و ئەمنی و دوا گۆڕانكاری و پێشهاتەكانی عێراق و ڕووداوەكانی ئەنجوومەنی نوێنەرانی عێراق و هەروەها ئەگەر و ڕێگەكانی بەردەوامبوونی پڕۆسەی سیاسی تاوتوێ كرا و نوێنەری تایبەتی سكرتێری گشتیی نەتەوە یەكگرتووەكان لە عێراق، (سەرۆك بارزانیی) لە بۆچوونی ڕێكخراوی نەتەوە یەكگرتووەكان لەبارەی چارەسەری قەیرانەكانی عێراق و هەروەها ناوەڕۆكی كۆبوونەوەی ئەنجوومەنی ئاساییش لەبارەی عێراق ئاگادار كردەوە.

هەر لەم كۆبوونەوەیە باس لە پەیوەندییەكانی نێوان هەرێم و بەغدا كرا و (سەرۆك بارزانی) جەختی لەوە كردەوە كە لە هەموو بارودۆخێكدا هەرێمی كوردستان لە شەڕی تیرۆریستانی داعش ئامادەی هەموو جۆرە هەماهەنگییەكە لەگەڵ حكوومەتی عێراقی.

 

لە بەشێكی دیكەی كۆبوونەوەكەدا بڕیار لەسەر ئەوە درا كە هەردوولا لەمەڕ پێشهاتە سیاسییەكان و گۆڕانكاریی تازە لە ڕاوێژ و ڕاگۆڕینەوەی بەردەوامدا بن.

05
ئایار

ئه‌مڕۆ ٥/٥/٢٠١٦ (مه‌سروور بارزانی) راوێژكاری ئه‌نجوومه‌نی ئاسایشی هه‌رێمی كوردستان  پێشوازی لە پڕۆفیسۆر (زولكەفل عەبدولڕەزاق) سەرۆكی یەكێتیی زانكۆكانی جیهان كرد.
لە دیدارەكەدا، كه‌ (د.مسلح محه‌مه‌د) سه‌رۆكی زانكۆی دهۆك ئاماده‌یبوو، كوالێتی و پرۆسه‌ی خوێندن  و هه‌ماهه‌نگی و هاوكاری له‌ نێوان  زانكۆكانی كوردستان و یه‌كێتیی زانكۆكانی جیهانی تاوتوكرا.

سەرۆكی یەكێتیی زانكۆكانی جیهان خۆشحاڵیی خۆی به‌و سەردانه‌ی كوردستان  ده‌ربڕی، كه‌ یه‌كه‌م سه‌ردانیه‌تی بۆ ناوچه‌كه‌ و رایگه‌یاند، سه‌ره‌ڕای هه‌ڕه‌شه‌ و ته‌حه‌دییه‌كان پێشكەوتن و سەقامگیریی هەرێمی كوردستان  ژینگه‌یه‌كی له‌باری دروست كردووه‌‌ بۆ  پێشكه‌وتنی خوێندنی ئه‌كادیمی و زانستی.

له‌ به‌شێكی دیكه‌ی وته‌كانیدا باسی لە هەنگاو و چالاكییەكانی ئاینده‌ی یەكێتییەكە له‌ رۆژهه‌ڵاتی ناوه‌ڕاست و هه‌رێمی كوردستان كرد و ڕایگەیاند، یەكێتی زانكۆكانی جیهان به‌ ئامانجی به‌رزكردنه‌وه‌ی كواڵێتی و ئاستی خوێندنی ئه‌كادیمی و زانستی كار ده‌كات بۆ په‌ره‌پێدانی په‌یوه‌ندییه‌كانی له‌گه‌ڵ زانكۆكانی هه‌رێمی كوردستان.

 

لەبەرانبەردا راوێژكاری ئه‌نجوومه‌نی ئاسایشی هه‌رێمی كوردستان، وێڕای بەخێرهاتنی سەرۆكی یەكێتیی زانكۆكانی جیهان، ئاماده‌یی خۆشی نیشاندا بۆ كارئاسانی چالاكییەكانی ئاینده‌ی یه‌كێتییه‌كه‌ و رایگه‌یاند، بیرۆكه‌ی دامه‌زراندنی دامه‌زراوه‌ی زانكۆی ئه‌مریكی‌ كوردستان له‌ دهۆك هه‌ر ئامانج لێی به‌رزكردنه‌وه‌ی كوالێتی خوێندن و پێگه‌یاندنی سه‌ركرده‌ی بواره‌كان بوو له‌به‌رده‌م ئه‌وانه‌ی ده‌یانه‌وێ خوێندنی ئه‌كادیمی ته‌واو بكه‌ن له‌بری ئه‌وه‌ی بچنه‌ ده‌ره‌وه‌. له‌ كۆتایی دیداره‌كه‌شدا هیوای سەركەوتنی بۆ خواستن.
یه‌كێتی زانكۆكانی جیهان ساڵی ١٩٥٠ دامه‌زراوه‌  و سه‌ر به‌ رێكخراوی یونسكۆیه‌ و ١٢٠ وڵات تێیدا ئه‌ندامن.  

05
ئایار

بەسەرپەرشتی جەنابی سەرۆك (مەسعوود بارزانی) كۆبوونەوەی ئەنجومەنی سەركردایەتی پارتی دیموكراتی كوردستان ئەنجام درا و چەندین بابەتی سیاسی و رێكخراوەیی خرایە بەر باس و گفتوگۆ و بڕیار لێدانەوە..لە کۆبوونەوەکەدا جەختکرایەوە کە دەبێ هەنگاوەكان بۆ ئەنجام دانی ریفراندۆم چڕتر بكرێنەوە.

دەقی راگەیاندراوی کۆبوونەوەی ئەنجوومەنی سەرکردایەتی پارتی دیموکراتی کوردستان:

* بارودۆخی عێراق:

پرۆسەی سیاسی لە عێراق رۆژ لە دوای رۆژ ئاڵۆزتر دەبێت و رووداوەكان لێكترازان و دووركەوتنەوەی نێوان لایەنەكانی بەشدار لە پرۆسەكە زیاتر دەكات و هەیبەتی دام و دەزگاكانی دەوڵەتی عێراق ناهێڵێ، رووداوەكانی ئەم دواییەی بەغداش سەلمێنەری ئەو راستیەن كە چونكە دەستوور نەبۆتە بنەمای كاری دام و دەزگاكان و هەر لایەك بەگوێرەی بەرژەوەندی تایەفی یان سیاسی خۆی سوود لە مادەكانی دەستور وەردەگرێ، هێزی بەرقەراركردنی ئاسایش لە دەست حكوومەت نەماوە، رێككەوتنە ژێر بە ژێرەكانی هەندێ لایەن وای كردووە پەرلەمان سوكایەتی پێ بكرێت و هەوڵی داسەپاندنی ئیرادەو خواستی چەند لایەنێك دوور لە رێچكە دەستووری و یاساییەكان دەدرێت. كۆبوونەوە ئەم شێوە رەفتارو كردارانە ئیدانە دەكات و بە هەڕەشەیەكی جیددی دەزانێ لەسەر كۆی پرۆسەی سیاسی عێراق كە كاریگەری دەبێت لەسەر ئاسایش و بەرەنگاربوونەوەی ئیرهاب و ژیانی هاووڵاتیان.

* بارودۆخی شەڕ دژی تیرۆریستانی داعش:

بەرەنگاربوونەوەی دڕندەكانی داعش لەلایەن هێزی پێشمەرگەی كوردستان بە پشتیوانی جەماوەری خۆراگری كوردستان و هاوپەیمانان تەوەرێكی دیكەی كۆبوونەوەكە بوو، خۆراگری و قارەمانێتی پێشمەرگە بەرز نرخێندرا كە سەرەرای كۆمەڵێك ئاستەنگ بەوپەری ئازایەتی و مەردایەتیەوە، شەڕی شەمشەمە كوێرەكانی جاهلیەت دەكەن و بەرگری لە نیشتمان و مرۆڤایەتی دەكەن، پاڵپشتی جەماوەری كوردستان و خۆراگرییان لەو قەیرانانەی هاتونەتە پێش نیشتمانپەروەری و مرۆڤ دۆستیان دەردەخات. كۆبوونەوە سەری رێزو نەوازش بۆ تەواوی شەهیدان دادەنوێنێ و هیوای چاكبوونەوەش بۆ بریندارەكان دەخوازێ.

* بارودۆخی نێوخۆی كوردستان:

لەم بارودۆخە ناهەموارو هەل و مەرجە سیاسی و عەسكەریانەی ناوچەكەو عێراق، خەڵكی كوردستان بەگشتی و لایەنە سیاسییەكان بەتایبەتی دەبێ ئامادەیی تەواویان هەبێت بۆ رووبەڕووبوونەوەی هەموو ئەگەرەكان و، بیركردنەوەو هەنگاوەكان لە ئاست ئەو گۆڕانكاریانەدا بن. كۆبوونەوە بارودۆخی نێودەوڵەتی و ناوچەكەو كوردستان بەگونجاو دەزانێ بۆ بڕیاردان لەسەر شێوازی پێكەوە ژیانی خەڵكی كوردستان لەگەڵ عێراق، بۆیە دەبێ هەنگاوەكان بۆ ئەنجام دانی ریفراندۆم چڕتر بكرێنەوەو بەجۆرێك كە لە ئاست خێرایی رووداوەكان دابن و ئیتر خەڵكی كوردستان بریار لە چارەنووسی خۆی بدات. بۆ ئەم بابەتەش پێویستە تەواوی پێداویستی و رێكارەكانی بۆ ئامادە بكرێت.

* بابەتی پێداچوونەوەو رێكخستنەوەی بوارە جیاجیاكانی نێو خۆی پارتیمان و نەهێشتنی كەم و كوڕییەكان:

بە تێروتەسەلی گفتوگۆ لەسەر كەم و كوڕتی و ئاستەنگ و پێداویستییەكانی ئەم قۆناغەی كاری حزبایەتی كرا، كە پێویستیان بە رێكخستنەوەو چاكسازی و هەمواركردنەوەی سەردەمیانە دەبێت، بۆ ئەم مەبەستەش كۆبوونەوەی ئەنجومەنی سەركردایەتی تەخویلی مەكتەبی سیاسی كرد بۆ پێكهێنانی چەندین لیژنە لە بواری جیاجیادا بۆ ئامادەكردنی شێوازی چارەسەرییەكان بۆ بڕیار لێدان بە بەشداری هەڤاڵانی ئەندامانی ئەنجومەنی سەركردایەتی بۆ هەر یەك لەو بابەتانەی باس و گفتوگۆیان لەبارەوە كرا.

 

                                                            ئەنجومەنی سەركردایەتی

                                                            پارتی دیموكراتی كوردستان

                                                                   ٥/٥/٢٠١٦

 

 

04
ئایار

ئەمڕۆ (مەسروور بارزانی) راوێژکاری ئەنجوومەنی ئاسایشی هەرێمی کوردستان پێشوازیی لە (حەسەنی دانایی فەر) باڵیۆزی کۆماری ئیسلامی ئێران و مورتەزا عەبادی  کۆنسولی گشتیی ئێران لە هەولێر و شاندنی یاوەری کرد.

لەم دیدارەدا گفتوگۆ لە سەر دوا رەوشی عێراق و ناوچەکە کرایەوە و بە تایبەتی تیشک خرایە سەر دوا رەوشی جەنگی دژی تیرۆریستانی داعش و هەروەها پەرەسەندنە سیاسییەکانی ناوخۆی عێراق. باڵیۆزی ئێران  لە ئاماژەیەکدا بە دوا سەرکەوتنەکانی هێزی  پێشمەرگە رۆڵی هەرێمی کوردستانی لە جەنگی دژ بە تیرۆریستان بەرز نرخاند و ئاواتی خواست بە هاوکاریی ناوچەیی و نێودەوڵەتی هەرچی زووتر کۆتایی بە هەرەشەی تیرۆریستان لە عێراق و سوریا بهێنرێت.

 

لە بارەی پەرەسەندنە سیاسییەکانی ناوخۆی عێراق، راوێژکاری ئەنجوومەنی ئاسایشی هەرێم تیشکی خستە سەر ئەوەی کە دەبێت واقعبینانە مامەڵە لە گەل رەوشی ناوخۆی عێراق بکرێت و چارەسەریی کیشەکان بە رەچاوکردنی  هۆکارە مێژووییەکان بێت و ناکرێت جەخت لەو رێکارانە بکرێتەوە کە هەمان ئەم ئەنجامانەی ئێستای لێدەکەوێتەوە.
هەر لەم دیدارەدا باس لە چۆنیەتی ئاسانکاریی زیاتر لە ناوچە سنووریەکان کرا بە جۆرێک هاتووچۆی گەشتیاری و پەیوەندییە ئابوورییەکان زیاتر پەرەی پێ بدرێت.

04
ئایار

 

(مه‌سروور بارزانی) راوێژكاری ئه‌نجوومه‌نی ئاسایشی هه‌رێمی كوردستان له‌ میانه‌ی پێشوازیكردنی له‌ سێنا‌تۆر (ماركۆ روبیۆ) ئه‌ندامی كۆنگرێسی ئه‌مریكا و یه‌كێك له‌ كاندیدانی پارتی كۆماری بوو بۆ هه‌ڵبژاردنی ساڵی 2016ی سه‌رۆكایه‌تی رایگه‌یاند، " ئێمه‌ ئه‌وه‌ی له‌ تواناماندا بوو بۆ هێشتنه‌وه‌ی وڵات به‌ پێكه‌وه‌یی و هاوبه‌شی كردمان، به‌ڵام ئێستا عێراق به‌كرده‌وه‌ دابه‌ش بووه‌."

له‌و دیداره‌دا، كه‌ (ماتیاس میتمان) كونسوڵی گشتی ئه‌مریكا له‌ هه‌ولێر ئاماده‌یبوو، شه‌ڕی دژ به‌ تیرۆریستانی داعش و ئاماده‌كارییه‌كانی ئۆپه‌راسیۆنی رزگاركردنی مووسڵ و رێوشوێنه‌كانی هاوكاری زیاتری نێوان ویلایه‌ته‌ یه‌كگرتووه‌كانی ئه‌مریكا و هه‌رێمی كوردستان تاوتوكرا. سێنا‌تۆر (ماركۆ) دووپاتی له‌ رۆڵی هه‌رێمی كوردستان له‌ شه‌ڕی دژ به‌ تیرۆریستانی داعش و تیرۆریزمی جیهانی به‌ شێوه‌یه‌كی گشتی كرده‌وه‌ و رایگه‌یاند، كه‌ "رۆڵێكی سه‌ره‌كی و كاریگه‌ره‌."

هه‌ر له‌و دیداره‌دا، هه‌ردوولا گفتوگۆیان له‌باره‌ی بزاوته‌ سیاسی و كۆمه‌ڵایه‌تییه‌كان و ئاسته‌نگه‌كانی به‌رده‌م رێككه‌وتنێكی سیاسی گشتگیر له‌ نێوان پێكهاته‌كانی مووسڵ دوای رزگاركردنی كرد و (مه‌سروور بارزانی) جارێكی دیكه‌ تیشكی خسته‌ سه‌ر پێویستی دابینكردنی یارمه‌تییه‌ سه‌ربازی و دارییه‌كان بۆ هێزه‌كانی پێشمه‌رگه‌ و رایگه‌یاند، "ئێمه‌ پێمانوایه‌ ده‌بێ بۆ ئه‌م ئۆپه‌راسیۆنه‌ هێزه‌كانی پێشمه‌رگه‌ش وه‌كو سوپای عێراق پڕ چه‌ك بكرێن"

له‌ به‌شێكی دیكه‌ی دیداره‌كه‌دا ئاماژه‌ به‌ ناكۆكییه‌ مێژوویی و تایفییه‌كانی نێوان پێكهاته‌كانی عێراق درا و مه‌سرور بارزانی رایگه‌یاند،" عه‌قڵیه‌تێك له‌ به‌غدا هه‌یه‌، هاوبه‌شی قبوڵ نییه‌، ئێمه‌ ئه‌وه‌ی له‌ تواناماندا بوو بۆ هێشتنه‌وه‌ی وڵات به‌ پێكه‌وه‌یی و هاوبه‌شی كردمان، به‌ڵام ئێستا عێراق به‌كرده‌وه‌ دابه‌ش بووه‌"

له‌ به‌شێكی دیكه‌ی دیداره‌كه‌دا تیشكخرایه‌ سه‌ر دوا هێرشی به‌رفره‌وانی تیرۆریستانی داعش دژ به‌ سه‌نگه‌ره‌كانی پێشمه‌رگه‌ له‌ میحوه‌ری ته‌لسقۆف و  گیان له‌ده‌ستدانی سه‌ربازێكی ئه‌مریكا، كه‌ له‌و محوه‌ره‌دا هاوكاری پێشمه‌رگه‌ی ده‌كرد، له‌و باره‌وه‌ (مه‌سروور بارزانی) رایگه‌یاند، ئێمه‌ به‌یه‌كه‌وه‌ خوێنمان به‌خشی و په‌یوه‌ندی مێژوویی نێوان هه‌ردوو وڵات به‌رز ده‌نرخێنین و خوازیاری پته‌وتركردن و به‌رده‌وامی ئه‌م دۆستایه‌تییه‌ن.

 

04
ئایار

لە سەلاحەدین (مەسعوود بارزانی) سەرۆكی هەرێمی كوردستان پێشوازی لە حەسەن داناییفەر باڵیۆزی كۆماری ئیسلامیی ئێران و شاندێكی یاوەری كرد كە پێكهاتبوو لە موحەمەد ئالی ئیسحاق جێگری باڵیۆز و مورتەزا عیبادی كونسوڵی گشتیی كۆماری ئیسلامیی ئێران لە هەولێر و ژمارەیەك كاربەدەستی باڵیۆزخانەی كۆماری ئیسلامیی ئێران لە عێراق.

لە دیدارەكەدا باڵیۆزی كۆماری ئیسلامیی ئێران لە عێراق پیرۆزبایی سەركەوتنەكانی هێزی پێشمەرگەی كوردستانی لە سەرۆك بارزانی كرد بە تایبەت لە بەرەی باكووری مووسڵ و گوندی بەشیر كە زەبرێكی كوشندە بوو لە تیرۆریستانی داعش درا. هەروەها لە وتەیەكدا سەرۆك بارزانیی لە سیاسەت و بیروبۆچوونی وڵاتەكەی لەبارەی بارودۆخی سیاسیی عێراق و دوایین پێشهات و گۆڕانكارییە سیاسییەكان ئاگادار كردەوە.

 

هەر لەم دیدارەدا بیروڕا لەبارەی قەیرانی سیاسیی عێراق و ڕووداوەكانی ئەنجوومەنی نوێنەرانی عێراق ئاڵوگۆڕ كرا و ڕۆشناییش خرایە سەر بارودۆخی مەیدانیی بەرەكانی شەڕی تیرۆریستان و قۆناغی دوای داعش و ئازادكردنی مووسڵ.
  

پەڕەى 37 لەکۆى 41 پەڕەدا