YJ Dailynews - шаблон joomla Книги

هه‌واڵ (521)

13
حوزەیران

رۆژی دووشه‌ممه‌ 12-6-2017 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێز فرانك بێكه‌ر باڵیۆزی به‌ریتانیا له‌ عێراق و شاندێكی یاوه‌ری كرد.

له‌ دیدارێكدا به‌ڕێز بێكه‌ر خۆشحاڵیی خۆی به‌ سه‌ردانی هه‌رێمی كوردستان ده‌ربڕی و باسی له‌ دوا پێشهاته‌كانی عیراق، شه‌ڕی داعش، ئازادكرنه‌وه‌ی مووسڵ و هه‌ماهه‌نگیی تۆكمه‌ی نێوان پێشمه‌رگه‌ و سوپای عێراق‌ كرد، هه‌روه‌ها نه‌به‌ردی و قاره‌مانێتیی پێشمه‌رگه و خه‌ڵك و حكوومه‌تی هه‌رێمی كوردستانی له‌ ڕووبه‌ڕووبوونه‌وه‌ی تیرۆر و حه‌واندنه‌وه‌ی ژماره‌یه‌كی یه‌كجار زۆری ئاواره‌ و په‌نابه‌رانی ده‌ستی تیرۆر، به‌رز نرخاند.

به‌ڕێزیان ئاماژه‌ی به‌وه‌ش دا كه‌ وڵاته‌كه‌ی خوازیاره‌ په‌یوه‌ندییه‌كانی له‌گه‌ڵ هه‌رێمی كوردستان له‌ هه‌موو بواره‌كاندا تۆكمه‌تر بكات. خستنه‌ڕووی تێبینییه‌كانی له‌سه‌ر ڕه‌وشی ئێستای عیراق و دیاریكردنی كاتی ئه‌نجامدانی ڕیفراندۆم له‌لایه‌ن‌ هه‌رێمی كوردستانه‌وه‌، لایه‌نێكی دیكه‌ی قسه‌كانی بوو.

لای خۆیه‌وه‌ به‌ڕێز سه‌رۆك وه‌زیرانی هه‌رێمی كوردستان سوپاسی ئه‌و سه‌ردانه‌ و پاڵپشتی و دۆستایه‌تی و هاوكارییه‌كانی به‌ریتانیای بۆ هه‌رێمی كوردستان و به‌تایبه‌تی دۆستایه‌تیی دێرینی به‌ڕێز بێكه‌ر له‌گه‌ڵ خه‌ڵكی هه‌رێمی كوردستان، كرد.

سه‌باره‌ت به‌ ڕیفراندۆمی هه‌رێمی كوردستانیش، به‌ڕێزیان ئاماژه‌ی به‌وه‌ دا كه‌ ڕیفراندۆم مافی خه‌ڵكی هه‌رێمی كوردستانه و دوای ئه‌نجامدانیشی حكوومه‌تی هه‌رێمی كوردستان خوازیاری ئه‌وه‌یه‌ له‌گه‌ڵ به‌غدا بكه‌وێته‌ دانوستانێكی جددی به‌مه‌به‌ستی گه‌یشتن به‌ ئه‌نجامێكی وا كه‌ ئارامیی بۆ ناوچه‌كه‌ دابین بكات.

له‌ به‌شێكی دیكه‌ی قسه‌كانیدا به‌ڕێزیان باسی له‌و هه‌ماهه‌نگییه باشه‌ی نێوان پێشمه‌رگه‌ و سوپای عێراق كرد كه‌ به‌هۆیه‌وه‌ سه‌ركه‌وتنی زۆر گه‌وره‌ به‌سه‌ر تیرۆرستاندا تۆمار كراون و دووپاتیشی كرده‌وه‌ كه‌ ڕیفراندۆم به‌ هیچ شێوه‌یه‌ك نابێته‌ ڕێگر له‌به‌رده‌م به‌رده‌وامیی هه‌رێمی كوردستان له‌ تێكشكاندنی تیرۆر، به‌ڵكو باشتر له‌ جاران ڕووبه‌ڕووی تیرۆر ده‌بنه‌وه‌ كه‌ مه‌ترسییه‌ بۆ سه‌ر هه‌موو جیهان.

11
حوزەیران

 

 

كۆبوونه‌وه‌ی ئەنجوومەنی سەرکردایەتیی پارتیی دیموکراتی کوردستان

 

ئه‌مڕۆ

‎١١-٦-٢٠١٧

 

ده‌قی راگه‌یه‌ندراوی کۆبوونوەی فراوانی ئەنجومەنی سەرکردایەتی: 

بەسەرپەرشتی جەنابی سەرۆک مسعود بارزانی و ئامادەبوونی ھەڤاڵانی ئەنجوومەنی سەرکردایەتی و بەرپرسانی ئۆرگانە ناوەندی و لقەکان, کۆبوونەوەی فراوانی ئەنجوومەنی سەرکردایەتی ئەنجام درا, کە چەند بابەتێکی گرنگ و ھەنووکەیی تاوتوێ کران و بریاری پێویستیان لەبارەوە وەرگیرا.

 

* بابەتی ریفراندۆم و سەربەخۆیی کوردستان:  دوای ئەوەی زەمینەی پێویستی بۆ ئامادەکرا وەکو ھەنگاوی یاسایی و وەرگرتنی شەرعیەتی جەماوەری کوردستان بە ھەموو پێکھاتە نەتەوەیی و ئاینی و مەزھەبی و سیاسییەکانەوە لە کۆبوونەوەی بەڕێز سەرۆکی ھەرێم لەگەڵ لایەنە سیاسی و نەتەوەییەکان لە ٧-٦-٢٠١٧ بڕیاری ئەنجام دانی ریفراندۆم لە ‎٢٥-٩-٢٠١٧ دراو, بە سەرکەوتنی ویست و ئیرادەی تەواوی خەڵکی کوردستان دەزانرێ و ئاواتی شەھیدە سەر بەرزەکان و پێشمەرگە قارەمانەکان دێتەدی.

 

گەلی کوردستان, بەکوردو تورکمان و کلدۆ ئاشوری سریان, بە موسڵمان و مەسیحی و ئێزدی, لە دوای لکاندنی کوردستان بە عێراق بە بێ پرس و ئیراد

11
حوزەیران

 

ڕۆژی شەممە 10ـی 6ـی 2017 لە سەلاحەددین بە مەبەستی تاوتوێكردنی بڕیاری دیاریكردنی ڕۆژی بەڕێوەچوونی ڕیفراندۆم لە هەرێمی كوردستانی عێراق و ناوچە كوردستانییەكانی دەرەوەی ئیدارەی هەرێم و هەروەها ئاڵوگۆڕكردنی بیروڕا لەبارەی پڕۆسەی سیاسیی هەرێم، نوێنەر و بەرپرسە باڵاكانی حزب و لایەنە سیاسییەكانی دەرەوەی پارلەمان لەگەڵ بەڕێز مەسعود بارزانی سەرۆكی هەرێمی كوردستان كۆبوونەوە.


لەم كۆبوونەوەیەدا ئامادەبووان دوای گفتوگۆیەكی چڕوپڕ و بە لەبەرچاوگرتنی بارودۆخی دەولی و ئەو قوربانیدان و ئەزموونانەی گەلی كوردستان لە خەباتی خۆیدا هەیبووه، پشتگیریی تەواوی خۆیان بۆ پڕۆسەی ڕیفراندۆم و بڕیاری دیاریكردنی 25ـی ئەیلوولی 2017 بۆ ڕیفراندۆم ڕاگەیاند. پارتە بەشداربووەكانی كۆبوونەوەكە جەختیان لەوە كردەوە كە هەموو تواناكانیان بۆ سەرخستنی ڕیفراندۆم دەخەنەگەڕ، داوایشیان كرد كە نوێنەرەكانیان ڕۆڵیان لە كۆمیتە و كاروباری بەڕێوەچوونی ڕیفراندۆم هەبێت.

بەڕێز سەرۆكی هەرێمی كوردستانیش ئەوەی بۆ ئامادەبووانی كۆبوونەوەكە ڕوونكردەوە كە بڕیاری بەڕێوەچوونی ڕیفراندۆم بابەتێكی مێژووییە و یەكلاییبووەتەوە و پەیوەستە بە ژیانی تاك تاكی خەڵكی كوردستان و هیوایشی خواست هەموو لایەك بە گڕوتینەوە بەشدار بن.

11
حوزەیران

ئێوارەی رۆژی شەممە 10 ی حوزەیرانی 2017،بە ئامادەبوونی هەڤاڵ كاكەمین نەجار ئەندامی مەكتەبی سیاسی و سەرۆکی ئەنجوومەنی سەركردایەتی پارێزگای هەلێر و  نەوزاد هادی پارێزگاری هەولێر و عەلی حوسێن بەرپرسی مەكتەبی پەیوەندیەكان و هیوا مستەفا بەرپرسی لقی 24 و ئەحمەد كانی بەرپرسی لقی دوو   ، لە مەراسیمێكدا تەرمی شێخ ئیسماعیل مەلا عەزیز هیرانی  لە هيران بە خاك سپێردرا.

شێخ ئیسماعیل مەلا عەزیز هیرانی ئەندامی سەركردایەتی پارتی دیموكراتی كوردستان بووە، بەرپرسی لقەكانی (۲) و (٥) بووە لەساڵانی حەفتاكان، ئەندامی لیژنەی چاودێری پشكنینی (پارتی دیموكراتی كوردستان) بووە

08
حوزەیران

به‌مه‌به‌ستی پیرۆزبایی كردن له‌ پارتی گه‌شه‌پێدانی توركمان شاندێكی ئه‌نجومه‌نی سه‌ركردایه‌تی پارێزگای هه‌ولێری پارتی دیموكراتی كوردستان به‌ سه‌رۆكایه‌تی كاكه‌مین نه‌جار ئه‌ندامی مه‌كته‌بی سیاسی و سه‌رۆكی ئه‌نجومه‌نی سه‌ركردایه‌تی پارێزگای هه‌ولێر و ئه‌ندامانی ئه‌نجومه‌ن سه‌ردانی باره‌گای مه‌كته‌بی سیاسی پارتی گه‌شه‌پێدانی توركمان یان كرد و كاكه‌مین نه‌جار به‌ ناوی سه‌ركردایه‌تی پارتی له‌ پارێزگای هه‌ولێر پیرۆزبایی ئاراسته‌ی سكرتێر و ئه‌ندامانی مه‌كته‌بی سیاسی و ته‌واوی ئه‌ندامانی پارتی گه‌شه‌پێدان كرد به‌ بۆنه‌ی سالیادی دامه‌زراندنی پارته‌كه‌یان و هیوای خوست له‌ سایه‌ی كه‌شی ئارام و كلتوری پێكه‌وه‌ ژیانی ئاشتیانه‌ و یه‌كتر قه‌بڵكردن ساڵانه‌ یاد و بۆنه‌ تایبه‌ت به‌ خۆیان بكه‌نه‌وه‌ . دواتر له‌ دانیشتنێكدا تیشك خرایه‌ سه‌ر پرسی راپرسی له‌ كوردستان كه‌ رۆژی 25/ 9 وه‌ك واده‌ی دیاری كردنی به‌رێوه‌چوونی رۆژی راپرسی دیاری كراوه‌ و كاكه‌مین  نه‌جار رایگه‌یاند به‌شداری هه‌موومان له‌ راپرسی و ده‌نگدانمان به‌ به‌لێ ئاینده‌ی كوردستان گه‌شتر ده‌كات كه‌ ته‌واوی نه‌ته‌وه‌ جیاوازه‌كانی كوردستان هه‌ست به‌ ئارامی زیاتر ده‌كه‌ن له‌ سایه‌ی ده‌وڵه‌تی كوردستاندا . دواتر محمد علی خان سوپاسی سه‌ركدردایه‌تی پارتی كرد له‌ هه‌ولێر بۆ سه‌ردان و په‌یامی پیرۆزباییان دووپاتی كرده‌وه‌ كه‌ نه‌ته‌وه‌ی توركمان به‌ هه‌موو شێویه‌ك پشتیوانی راپرسی و راگه‌یاندنی سه‌ربه‌خۆیی كوردستانه‌ ....

07
حوزەیران

 

 

یەكەم: ڕۆژی بیست و پێنجی ئەیلوولی 2017 وەك ڕۆژی ئەنجامدانی ڕیفراندۆم لە هەرێمی كوردستانی عێراق و ناوچە كوردستانییەكانی دەرەوەی ئیدارەی هەرێم دیاری كرا.

دووەم: هەر لە ڕۆژی كۆتایی كۆبوونەوەكە هەتا كاتی بەڕێوەچوونی ڕیفراندۆم لایەنەكان كار بۆ كاراكردنەوەی پارلەمان و چارەسەركردنی كێشە سیاسییەكان بكەن ئەوەیش لەپێناو بەدەستهێنانی كۆدەنگیی نیشتیمانی.

سێیەم: جەخت لەسەر چاككردنەوەی بژێویی ژیانی خەڵك و ئاوڕدانەوە لە كێشە ئابوورییەكانی هاووڵاتیانی كوردستان و مووچەخۆر و چینوتوێژەكان و خەڵكی كەمدەرامەت كرایەوە.

چوارەم: بڕیار درا بە پێكهێنانی ئەنجوومەنی باڵای ڕیفراندۆم بە سەرۆكایەتی بەڕێز مەسعود بارزانی. هەروەها بڕیار درا هەتا ڕێككەوتی 12ـی 6ـی 2017 پارتە سیاسییەكان نوێنەری خۆیان بۆ بەشداربوون لە چەند كۆمیتەی تایبەت بە ڕیفراندۆم و دوای ڕیفراندۆم دیاری بكەن.

07
حوزەیران

 

ڕۆژی سێشەممە 7ـی 6ـی 2017 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە ئەممار شینا جێگری وەزیری دەرەوەی هێندستان بۆ كاروباری ئابووری و شاندێكی یاوەری كرد كە پێكهاتبوو پڕادیپ سینگ ڕاجپور باڵیۆزی هیندستان لە عێراق و دیپاك مەگلانی كونسوڵی هێندستان لە هەولێر.

لە دیدارەكەدا جێگری وەزیری دەرەوەی هێندستان بۆ كاروباری ئابووری خۆشحاڵیی خۆی بۆ دیدار لەگەڵ سەرۆك بارزانی و سەردانی بۆ كوردستان نیشان دا و ویستی وڵاتەكەیشی بۆ گەشەپێدانی پەیوەندیی لەگەڵ هەرێمی كوردستان لە بوارە جۆراوجۆرەكاندا بە سەرۆك بارزانی ڕاگەیاند.

لە بەرانبەردا سەرۆك بارزانی بەخێرهاتنی شاندی میوانی كرد و ڕێز و ستاییشی خۆیشی بۆ گەل و شارستانیەتی هیندستان نیشان دا و ڕۆشناییشی خستەسەر خەباتی گەل و گەورە پیاوانی هیندستان بۆ گەییشتن بە ئازادی. ئامادەیی هەرێمی كوردستانیشی بۆ پەرەپێدانی پەیوەندییەكان لە بوارە جۆراوجۆرەكان لەگەڵ وڵاتی هیندستان ڕاگەیاند.

هەر لەم دیدارەدا بە دوورودرێژی باس لە هەڕەشەكانی هزری تیرۆر و توندڕۆیی لە سەر ئاستی جیهانی و ناوچەیی كرا و بیروڕایش لەبارەی چۆنیەتی ڕووبەڕووبوونەوەی تیرۆر ئاڵوگۆڕ كرا. لە تەوەرێكی دیكەی ئەم كۆبوونەوەیەدا بارودۆخی موسڵ و شەڕی تیرۆر لە عێراق تاوتوێ كرا و سەرۆك بارزانی جەختی لەوە كردەوە كە بۆ نەهێشتنی یەكجارەكیی داعش پێویستە كە ئەو هۆكارانە نەهێڵدرێن كە بووەتە هۆی سەرهەڵدان و گەشەی تیرۆر لە عێراق، ئەوەیشی خستەڕوو كە ڕووبەڕووبوونەوەی تیرۆر پێویستی بە هەوڵێكی هەمەلایەنەی كۆمەڵگەی نێودەوڵەتییە و دەبێ شەڕی ئایدیۆلۆژیای تیرۆریش بكرێت و تەنیا ڕووبەڕووبوونەوەی سەربازی و ئەمنی بۆ لەناوبردنی تیرۆر كافی نییە.
07
حوزەیران

(مه‌سرور بارزانی) راوێژكاری ئه‌نجوومه‌نی ئاسایشی هه‌رێمی كوردستان پێشوازی له‌ (تیم ستاپلتۆن) جێگری باڵیۆزی ئوسترالیا له‌ عێراق كرد.

له‌ دیدارێكدا گفتوگۆ له‌باره‌ی پێشكه‌وتنه‌ سه‌ربازییه‌كانی شه‌ڕی دژ به‌ تیرۆریستانی داعش و ره‌وشی سیاسی ناوچه‌كه‌ به‌ گشتی و په‌یوه‌ندی دووقۆڵی نێوان هه‌رێمی كوردستان و ئوسترالیا كرا. هه‌روه‌ها باس له‌ به‌شداری ئوسترالیا له‌و شه‌ڕه‌ جیهانییه‌ی دژ به‌ داعش و گرتنه‌به‌ری رێوشوێنی زیاتری یارمه‌تیدان و پشتیوانیكردنی هێزه‌كانی پێشمه‌رگه‌ كرا و مه‌سرور بارزانی سوپاسی گه‌ل و حكوومه‌تی ئوسترالیای كرد له‌ یارمه‌تیدانی هه‌رێمی كوردستاندا.

جێگری باڵیۆزی ئوسترالیا له‌ عێراق په‌یوه‌ست به‌ رۆڵ و قوربانییه‌كانی پێشمه‌رگه‌ له‌ شه‌ڕی دژ به‌ تیرۆریستانی داعش پێزانینی وڵاته‌كه‌ی به‌رامبه‌ر قوربانییه‌كانی پێشمه‌رگه‌ نیشاندا و رایگه‌یاند، ئازایه‌تی پێشمه‌رگه له‌ جیهان ده‌نگیداوه‌ته‌وه و ناكرێ له‌ شكاندنی داعشدا باس له‌ رۆڵی‌ پێشمه‌رگه‌ نه‌كرێ‌.‌

له‌به‌شێكی دیكه‌ی دیداره‌كه‌ی نێوان راوێژكاری ئه‌نجوومه‌نی ئاسایشی هه‌رێمی كوردستان و جێگری باڵیۆزی ئوسترالیا له‌ عێراق جه‌خت له‌سه‌ر ئه‌وه‌ كرایه‌وه‌، كه‌ پێویسته‌ هه‌وڵ بۆ چاره‌سه‌ركردنی كێشه‌كانی ناوچه‌كه‌ به‌گشتی و عێراق به‌تایبه‌تی به‌شێوه‌یه‌ك بێت ‌ مافی هه‌موو پێكهاته‌كانی ناوچه‌كه‌ بێنێته‌دی تا متمانه‌ و ئاشته‌وایی جێگیر بێت و بۆشاییه‌ك بۆ سه‌رهه‌ڵدانی بیری توندڕۆیی و توندوتیژی نه‌مێنێته‌وه‌ و ناوچه‌كه‌ش سه‌قامگیر بێت.

07
حوزەیران

 

ئێوارەی ڕۆژی دووشەممە 5ـی 6ـی 2017 لە سەلاحەددین بەڕێز مەسعود بارزانی سەرۆكی هەرێمی كوردستان پێشوازی لە جەنەڕاڵ جۆزێف ڤۆتێڵ فەرماندەی فەرماندەیی ناوەندیی هێزەكانی ئەمەریكا و شاندێكی یاوەری كرد كە پێكهاتبوو لە جەنەڕاڵ تاونسێند فەرماندەی گشتیی هێزە هاوپەیمانەكان لە عێراق و سووریا و ژمارەیەك بەرپرس و ڕاوێژكاری سوپا و باڵیۆزخانەی ئەمەریكا لە بەغدا.

 لە دیدارەكەدا فەرماندەی فەرماندەیی ناوەندیی هێزەكانی ئەمەریكا ناوەڕۆكی نامەی وەزیری بەرگریی ئەمەریكا بۆ سەرۆك بارزانی خستەڕوو كە تێیدا پشتیوانیی هێزی پێشمەرگە لە لایەن ئەمەریكا دووپات كراوەتەوە و هەروەها وەزیری بەرگری سوپاسی خۆی ئاراستەی سەرۆك بارزانی و هێزی پێشمەرگە كردووە بۆ سەركەوتنەكان لەدژی داعش و هەماهەنگی لەگەڵ سوپای عێراق. هەروەها لە درێژەی قسەكانیدا فەرماندەی فەرماندەیی ناوەندیی هێزەكانی ئەمەریكا ئاماژەی بەوەدا كە بە بێ پێشمەرگە و ڕۆڵی سەرۆك بارزانی و قوربانیدانی پێشمەرگە مەحاڵ بوو كە لەدژی تیرۆریستانی داعش سەركەوتن بەدەست بهێنرێت. ئەوەیشی خستەڕوو كە هێشتا ئاستەنگی زۆر لەبەردەم ئێمەیە و شەڕی تیرۆر ماوە، بۆیە پێویستیمان بە هەماهەنگی و هاوكاریی هێزی پێشمەرگەی كوردستانە.
 لەبەرانبەردا سەرۆك بارزانی سوپاسی ئەمەریكای كرد بۆ پاڵپشتیكردنی هێزی پێشمەرگە و لە وتەیەكدا ڕۆشنایی خستەسەر بارودۆخی مەیدانیی بەرەكانی شەڕ و ئەوەی دووپاتكردەوە كە بەر لە ئۆپەراسیۆنی موسڵ هەرێمی كوردستان داوای كرد كە پلانی سەربازی و پلانی سیاسی و ئیداری بە یەكەوە هەبێ چونكە پێشبینیی سەرهەڵدانی كێشەی تازە دەكرا، بەڵام جێگەی داخە كە كار بۆ پلانی سیاسی و ئیداریی قۆناغی دوای داعش نەكراوە.
 پەیوەست بە بارودۆخی ڕۆژئاوای موسڵ و باشووری شنگال سەرۆك بارزانی هێمای بەوەدا ئەگەر ئامانجی جموجۆڵەكان شەڕی تیرۆریستانی داعش بێت كێشە نییە بەڵام ئەگەر هەوڵ هەبێت بۆ پیادەكردنی ئەجێندای تر جگە لە شەڕی تیرۆر ئەوە گرفتی گەورەتر سەرهەڵدەدات و دەبێتە هۆی لەدەستچوونی دەستكەوت و سەركەوتنەكانی دژی تیرۆر. ئەوەیشی بە ئامادەبووانی كۆبوونەوەكە ڕاگەیاند بە هیچ شێوەیەك قابلی قبوڵ نییە هێزێك سنووری كوردستان ببەزێنێ و بیەوێت ئیرادەی خۆی فەرز بكات. سەرۆك بارزانی جەختی لەوە كردەوە كە خەریكە ئەو هۆكارانەی كە بوونە هۆی سەرهەڵدانی داعش دووبارە دروست ببنەوە. 
 لەبارەی ناوەڕۆكی ڕێككەوتنەكان سەرۆك بارزانی وێڕای نیشاندانی ڕەزامەندیی خۆی لە هەماهەنگی نێوان هێزی پێشمەرگە و هێزەكانی سوپای عێراق ئاماژەی بەوەدا كە بە پێی ڕێككەوتنی نێوان هەرێم و ئەمەریكا و حكوومەتی عێراق بڕیار بوو كە هەموو لایەك پابەندی ئەو خاڵانە بن كە بۆیان دیاری كراوە. سەرۆك بارزانی ئەوەی ڕوون كردەوە كە ڕێككەوتنیش لەسەر ئەوە كرابوو كە پێشمەرگە و سوپا هێزێكی هاوبەش پێك بهێنن بۆ پاككردنەوەی باشووری شنگال و ڕۆژئاوای تەلەعفەر لە تیرۆریستان، سوپای عێراق سەرقاڵی شەڕی موسڵ بوو و، پێشمەرگەیش پابەندی ڕێككەوتنەكە بوو و بەهۆی ڕێككەوتنەكە جووڵەی نەكرد، لەم نێوەدا حەشد بە بێ هەماهەنگی لەگەڵ هیچ لایەك جموجۆڵی لەو ناوچانە دەست پێ كرد و لە ئەنجامدا دۆخێكی ئاڵۆز خوڵقێندراوە. ئەم دۆخەیش سەلمێنەری ئەوەیە كە نیگەرانییەكانمان لە نەبوونی ڕێككەوتنی سیاسی و ئیداری لەشوێن خۆی بووە.
 جێگەی ئاماژەپێدانە لەم كۆبوونەوەیەدا محەمەدی حاجی مەحمود سكرتێری پارتی سۆسیالیستی دیموكراتی كوردستان و شێخ جەعفەر شێخ مستەفا ئەندامی فەرماندەیی گشتیی هێزەكانی پاراستنی هەرێم و و ژمارەیەك بەرپرسی سەربازی و سیاسیی هەرێمی كوردستان ئامادەی كۆبوونەوەكە بوون.

07
حوزەیران

 

ئێوارەی ڕۆژی دووشەممە 5ـی 6ـی 2017 لە سەلاحەددین بەڕێز مەسعود بارزانی سەرۆكی هەرێمی كوردستان پێشوازی لە جەنەڕاڵ جۆزێف ڤۆتێڵ فەرماندەی فەرماندەیی ناوەندیی هێزەكانی ئەمەریكا و شاندێكی یاوەری كرد كە پێكهاتبوو لە جەنەڕاڵ تاونسێند فەرماندەی گشتیی هێزە هاوپەیمانەكان لە عێراق و سووریا و ژمارەیەك بەرپرس و ڕاوێژكاری سوپا و باڵیۆزخانەی ئەمەریكا لە بەغدا.

 لە دیدارەكەدا فەرماندەی فەرماندەیی ناوەندیی هێزەكانی ئەمەریكا ناوەڕۆكی نامەی وەزیری بەرگریی ئەمەریكا بۆ سەرۆك بارزانی خستەڕوو كە تێیدا پشتیوانیی هێزی پێشمەرگە لە لایەن ئەمەریكا دووپات كراوەتەوە و هەروەها وەزیری بەرگری سوپاسی خۆی ئاراستەی سەرۆك بارزانی و هێزی پێشمەرگە كردووە بۆ سەركەوتنەكان لەدژی داعش و هەماهەنگی لەگەڵ سوپای عێراق. هەروەها لە درێژەی قسەكانیدا فەرماندەی فەرماندەیی ناوەندیی هێزەكانی ئەمەریكا ئاماژەی بەوەدا كە بە بێ پێشمەرگە و ڕۆڵی سەرۆك بارزانی و قوربانیدانی پێشمەرگە مەحاڵ بوو كە لەدژی تیرۆریستانی داعش سەركەوتن بەدەست بهێنرێت. ئەوەیشی خستەڕوو كە هێشتا ئاستەنگی زۆر لەبەردەم ئێمەیە و شەڕی تیرۆر ماوە، بۆیە پێویستیمان بە هەماهەنگی و هاوكاریی هێزی پێشمەرگەی كوردستانە.
 لەبەرانبەردا سەرۆك بارزانی سوپاسی ئەمەریكای كرد بۆ پاڵپشتیكردنی هێزی پێشمەرگە و لە وتەیەكدا ڕۆشنایی خستەسەر بارودۆخی مەیدانیی بەرەكانی شەڕ و ئەوەی دووپاتكردەوە كە بەر لە ئۆپەراسیۆنی موسڵ هەرێمی كوردستان داوای كرد كە پلانی سەربازی و پلانی سیاسی و ئیداری بە یەكەوە هەبێ چونكە پێشبینیی سەرهەڵدانی كێشەی تازە دەكرا، بەڵام جێگەی داخە كە كار بۆ پلانی سیاسی و ئیداریی قۆناغی دوای داعش نەكراوە.
 پەیوەست بە بارودۆخی ڕۆژئاوای موسڵ و باشووری شنگال سەرۆك بارزانی هێمای بەوەدا ئەگەر ئامانجی جموجۆڵەكان شەڕی تیرۆریستانی داعش بێت كێشە نییە بەڵام ئەگەر هەوڵ هەبێت بۆ پیادەكردنی ئەجێندای تر جگە لە شەڕی تیرۆر ئەوە گرفتی گەورەتر سەرهەڵدەدات و دەبێتە هۆی لەدەستچوونی دەستكەوت و سەركەوتنەكانی دژی تیرۆر. ئەوەیشی بە ئامادەبووانی كۆبوونەوەكە ڕاگەیاند بە هیچ شێوەیەك قابلی قبوڵ نییە هێزێك سنووری كوردستان ببەزێنێ و بیەوێت ئیرادەی خۆی فەرز بكات. سەرۆك بارزانی جەختی لەوە كردەوە كە خەریكە ئەو هۆكارانەی كە بوونە هۆی سەرهەڵدانی داعش دووبارە دروست ببنەوە. 
 لەبارەی ناوەڕۆكی ڕێككەوتنەكان سەرۆك بارزانی وێڕای نیشاندانی ڕەزامەندیی خۆی لە هەماهەنگی نێوان هێزی پێشمەرگە و هێزەكانی سوپای عێراق ئاماژەی بەوەدا كە بە پێی ڕێككەوتنی نێوان هەرێم و ئەمەریكا و حكوومەتی عێراق بڕیار بوو كە هەموو لایەك پابەندی ئەو خاڵانە بن كە بۆیان دیاری كراوە. سەرۆك بارزانی ئەوەی ڕوون كردەوە كە ڕێككەوتنیش لەسەر ئەوە كرابوو كە پێشمەرگە و سوپا هێزێكی هاوبەش پێك بهێنن بۆ پاككردنەوەی باشووری شنگال و ڕۆژئاوای تەلەعفەر لە تیرۆریستان، سوپای عێراق سەرقاڵی شەڕی موسڵ بوو و، پێشمەرگەیش پابەندی ڕێككەوتنەكە بوو و بەهۆی ڕێككەوتنەكە جووڵەی نەكرد، لەم نێوەدا حەشد بە بێ هەماهەنگی لەگەڵ هیچ لایەك جموجۆڵی لەو ناوچانە دەست پێ كرد و لە ئەنجامدا دۆخێكی ئاڵۆز خوڵقێندراوە. ئەم دۆخەیش سەلمێنەری ئەوەیە كە نیگەرانییەكانمان لە نەبوونی ڕێككەوتنی سیاسی و ئیداری لەشوێن خۆی بووە.
 جێگەی ئاماژەپێدانە لەم كۆبوونەوەیەدا محەمەدی حاجی مەحمود سكرتێری پارتی سۆسیالیستی دیموكراتی كوردستان و شێخ جەعفەر شێخ مستەفا ئەندامی فەرماندەیی گشتیی هێزەكانی پاراستنی هەرێم و و ژمارەیەك بەرپرسی سەربازی و سیاسیی هەرێمی كوردستان ئامادەی كۆبوونەوەكە بوون.

پەڕەى 5 لەکۆى 38 پەڕەدا