YJ Dailynews - шаблон joomla Книги

هه‌واڵ (521)

02
حوزەیران

بەئامادەبونی نوێنەری سەرۆک بارزانی و شاندێکی بالای پارتی، تەرمی کەسایەتی سیاسی و شۆرشگێری گەلەکەمان مامۆستا عزیز محمد لە هەولێر بەخاک سپێردرا 

 

دوایى تەمەنێکى درێژ لە خەباتى سیاسى و شۆرشگێرى، ئەمرۆ لە رێورەسمێکى پرشکۆ لە شارى هەولێر تەرمى مامۆستا عزیز محمد بەخاک سپێردرا، بەئامادەبونى نوێنەرى سەرۆک مەسعود بارزانى سەرۆکى هەرێمى کوردستان و فازل میرانى سکرتێرى مەکتەبى سیاسى و محمود محمد ئەندامى مەکتەبى سیاسى و کاکەمین نەجار سەرۆکى ئەنجومەنى سەرکردایەتى پارێزگاى هەولێرى پارتى و عەلى حسین بەرپرسى مەکتەبى پەیوەندییەکانى کوردستانى و عێراقى پارتى و نەوزاد هادى پارێزگارى هەولێر و سکرتێرو سەرۆک و ئەندامانى حزب و لایەنە سیاسیەکانى کوردستان و پێکهاتەو ژمارەیەکى زۆرى دیکەى بەرپرسانى ئیدارى و سیاسى و سەربازى و کۆمەلایەتى و کەس و کارو بنەمالەو هاورێیانى هەردوو حزبى شوعى کوردستانى و عێراقى تەرمى خوالێخۆشبێت مامۆستا عەزیز محمد سکرتێرى پێشوى حزبى شوعیى و کەسایەتى سیاسی و تێکۆشەرى ناسراوى گەلەکەمان لە گۆرستانى شەهیدانى حزبى شوعیى لەهەولێر بەخاک سپێردرا ...

دوایى ناشتن و دانانى تاجە گولاینەى پارتى دیموکراتى کوردستان و لایەنە سیاسیەکان، فازل میرانى سکرتێرى مەکتەبى سیاسى بەناوى پارتى دیموکراتى کوردستان وتەیەکى پێشکەش کردو تێدا خەبات و تێکۆشانى مامۆستا عزیز محمدى وەک کەسایەتیەکى سیاسى رۆلێکى کاریگەرى هەبوو لە کوردستان و عێراقدا، میرانى تەئکیدى کردەوە ئەم شۆرشگێرانە راستە بەجەستە لە نێومان نامێنن بەلام هەمیشە لەلای هەموومان بەزیندوى دەمێنەوە نامرن، پاشان وتارى لایەنە سیاسیەکان بەم بۆنەیەوە خوێندرایەوەو ژیان و خەباتى پرتێکۆشانیان بەبەرزى دانا .

01
حوزەیران

 

بەناوی خودای بەخشندە و میهرەبان


هەواڵی كۆچی دوایی تێكۆشەر و سیاسەتمەداری كوردستان مامۆستا عەزیز محەمەد زۆر خەمباری كردم. بەم بۆنە خەمناكەوە سەرەخۆشی لە خانەوادە و كەسوكاری بەڕێزیان و هەڤاڵ و دۆست و ئاشنایانی مامۆستای كۆچكردوو مامۆستا عەزیز محەمەد دەكەم.

مامۆستا عەزیز محەمەد مرۆڤێكی تێكۆشەر و نیشتیمانپەروەرێكی مەزن و دۆستی نزیكی بارزانیی نەمر بوو. شوێندەستی مامۆستا عەزیز محەمەد لە قۆناغە جیاجیاكانی خەباتی گەلەكەمان دیارە. دۆستایەتیی و نزیكیی مامۆستا عەزیز محەمەد لەگەڵ بارزانیی نەمر ڕۆڵی هەبووە لە پەیوەندیی باشی نێوان پارتی دیموكراتی كوردستان و حزبی شیوعی لە شۆڕشی مەزنی ئەیلوول كە قۆناغێكی گرنگی مێژووی گەلەكەمانە، بە تایبەت ڕێكخستنەوەی سیاسی حزبی شیوعی و پێشمەرگەكانی حزبی شیوعی لە چوارچێوەی شۆڕشی مەزنی ئەیلوول بە ڕابەرایەتیی بارزانیی نەمر و هەروەها بەرگریكردن لە دۆزی ڕەوای كورد لە ئاستی جیهانیدا. لەدەست دانی تێكۆشەرێكی وەك مامۆستا عەزیز محەمەد خەسارەتێكی گەورەیە. لە خودای مەزن داواكارم خوالێخۆشبوو بە بەهەشتی بەرین شاد بكات و سەبر و ئارامی بەهەموو لایەك ببەخشێت.

انا لله و انا الیه راجعون

مسعود بارزانی

31ـی 5ـی 2017

30
ئایار

ناونیشانی ووتارێكی به‌رێز سولحی مه‌جید ئه‌ندامی ئه‌نجومه‌نی سه‌ركردایه‌تی پارێزگای هه‌ولێره‌ رۆژی سێ شه‌ممه‌ 30/5/2017 له‌ لاپه‌ره‌ (5) ی رۆژنامه‌ی خه‌بات بڵاوكراوه‌ته‌وه‌ 

 

30
ئایار

 

به رواری 29ـی 5ـی 2017 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە مارك بارێتی باڵیۆزی فەڕەنسا لە عێراق و دۆمینیك ماس كونسوڵی فەڕەنسا لە هەولێر كرد.

لە دیدارەكەدا كە باڵیۆزی فەڕەنسا لە عێراق بە مەبەستی ماڵئاوایی و بە بۆنەی كۆتایهاتنی ئەركەكەی لە عێراق سەردانی سەرۆك بارزانی كردبوو لە وتەیەكدا سوپاسی حكوومەتی هەرێمی كرد كە پشتیوانی ئەرك و كارەكانی بوونە و باسیشی لە سیاسەتی فەڕەنسا لەدوای هەڵبژاردنی سەرۆك كۆمار كرد و جەختی لە پتەوتركردنی پەیوەندییەكانی وڵاتەكەی لەگەڵ هەرێمی كوردستان كردەوە و ڕایشیگەیاند كە فەڕەنسا لە شەڕی دژی تیرۆر و هەماهەنگی و هاوكارییە سەربازییەكانیشی بۆ هێزی پێشمەرگە بەردەوام دەبێت. باڵیۆزی فەرەنسا پێزانینیشی بۆ گەلی كوردستان و حكوومەتی هەرێم هەبوو كە لە بارودۆخێكی خەرابدا باری قورسی حەواندنەوەی ئاوارەكانی لەسەر شانە. لەبارەی پەیوەندییەكانی هەرێم و بەغدا باڵیۆزی فەڕەنسا جەختی لەوە كردەوە كە وڵاتەكەی ڕێز لە دیالۆگی نێوان هەرێم و بەغدا و ئەنجامی ئەو دیالۆگانە دەگرێت.

لەبەرانبەردا سەرۆك بارزانی هیوای سەركەوتنی بۆ باڵیۆزی فەڕەنسا خواست لە ئەرك و كارەكانیدا و ڕۆشنایی خستەسەر ڕۆڵی فەڕەنسا لە شەڕی دژی تیرۆر و یارمەتیدانی گەلی كوردستان و ڕایگەیاند كە گەلی كوردستان سەردانی سەرۆك هۆڵاند لە سێپتەمبەری 2014 هەرگیز لەبیر ناكات كە لە كاتی تەنگانە و لە وەختی پەلاماری داعش بۆ سەر كوردستان ئەنجامی دا و ئەو سەردانەی بە كاریگەر و مێژوویی وەسف كرد.

هەر لەم دیدارەدا دووایین پێشڤەچوونە مەیدانییەكانی شەڕی دژی تیرۆریستانی داعش لە موسڵ و شوێنەكانی تری عێراق تاوتوێ كرا.
28
ئایار

 

بسم الله الرحمن الرحيم


(شهر رمضان الذي انزل فيه القرآن هدى للناس و بينات من الهدى و الفرقا)

- صدق الله العظيم-

به‌ بۆنه‌ی هاتنه‌وه‌ی مانگی ره‌مه‌زانی پیرۆزه‌وه‌، گه‌رمترین پیرۆزبایی له‌ سه‌رجه‌م موسڵمانانی جیهان به‌ گشتی و كوردستان و عێراق به‌ تایبه‌تی ده‌كه‌م.

هیوادارم هاتنه‌وه‌ی مانگی پڕ به‌ره‌كه‌ت و ره‌حمه‌تی ڕەمەزان ببێته‌ مایه‌ی خێر و خۆشی بۆ گه‌لی كوردستان و هەموو مرۆڤایەتی و کۆتاییهاتنی تیرۆر و توندڕۆیی و ناخۆشی و بڵاوبوونەوەی ئاشتی و پێکەوەژیان و ئاسوودەیی بۆ هەموو مرۆڤایەتی.



مسعود بارزانی

30 ـی شەعبان 1438ـی کۆچی

26ـی5ـی2017

25
ئایار

له‌ باره‌گاى ئه‌نجومه‌نى سه‌ركردايه‌تى پارێزگاى هه‌ولێرى پارتى ديموكراتى كوردستان به‌ ئاماده‌ بوونى كاكه‌مين نه‌جار ئه‌ندامى مه‌كته‌بى سياسى و سه‌رۆكى ئه‌نجومه‌نى سه‌ركردايه‌تى پارێزگاى هه‌ولێر و بڵند

ئيسماعيل به‌رپرسى لقى 16 ى هه‌ولێر و به‌رپرسانى حزبى و حكومى و ريش سپى و پياو ماقوڵانى هه‌ردوو بنه‌ماڵه‌ كێششه‌ى خوێندارى نێوانيان چاره‌سه‌ر كرا . 

 له‌ ووته‌يه‌كدا كاكه‌مين نه‌جار ده‌ست خۆشى له‌ هه‌ردوو بنه‌ماڵه‌كه‌ كرد كه‌ گيانى يه‌كتر قه‌بوڵكردن و پێكه‌وه‌ ژيانيان هه‌ڵبژارد و كۆتاييان به‌م كێشه‌ خوێندارييه‌ى نێوانيان هێنا . كاكه‌مين نه‌جار له‌ به‌شێكى ترى ووته‌كانى رايگه‌ياند ده‌بێ ئه‌م كلتورى كوشتن و يه‌كتر سڕينه‌وه‌ له‌ نێو ئێمه‌ى كورد كۆتايى پێبێت چونكه‌ ئه‌مه‌ بۆ ناو و ناوبانگى گه‌له‌كه‌مان له‌ دونياى ده‌ره‌وه‌ كاريگه‌رى نه‌رێنى ده‌بێت . كاكه‌مين نه‌جار ئاماژه‌ى 

به‌ كلتورى پێكه‌وه‌ ژيان كرد له‌ كوردستان كه‌ ئێمه‌ى كورد سه‌دان ساڵه‌ له‌ گه‌ڵ نه‌ته‌وه‌كانى تر پێكه‌وه‌ له‌ سه‌ر ئه‌م خاكه‌ ده‌ژين و گه‌له‌كه‌مان به‌ گه‌لێكى ئاشتى خواز ناسراوه‌ . ئه‌مرۆش پێويسته‌ له‌ نێوان بنه‌ماڵه‌كانى كوردستان هه‌موو كێشه‌ و گرفته‌كان كۆتايى پێبێت كاتى ئه‌وه‌يه‌ هه‌موومان يه‌ك ده‌نگ و يه‌ك ڕه‌نگ پشتيوانى جه‌نابى سه‌رۆك مسعود بارزانى و سه‌ركردايه‌تى كوردبين بۆ رۆژى سه‌ربه‌خۆيى و رزگارى يه‌كجارى خاكى كوردستان . دواتر هه‌ردوو بنه‌ماڵه‌كه‌ به‌ڵێن نامه‌يان واژوو كرد كه‌ كۆتاييان به‌م كێشه‌ى نێوانيان هێنا ....

25
ئایار

له‌ باره‌گای ئه‌نجومه‌نی سه‌ركردایه‌تی پارێزگای هه‌ولێر به‌ ئاماده‌بوونی كاكه‌مین نه‌جار ئه‌ندامی مه‌كته‌بی سیاسی و سه‌رۆكی ئه‌نجومه‌نی سه‌ركردایه‌تی پارێزگای هه‌ولێر و بلند ئیسماعیل به‌رپرسی لقی

16 هه‌ولێر و ئه‌ندامانی ئه‌نجومه‌نی سه‌ركردایه‌تی پارێزگای هه‌ولێر و ژماره‌یه‌كی زۆری كادیر و ئه‌ندام و دۆست و لایه‌نگرانی پارتی دیموكراتی كوردستان . كۆرێكی جه‌ماوه‌ری به‌رفراوان به‌ بۆنه‌ی 26

ساڵه‌ی هه‌ڵگیرسانی شۆرشی گوڵان بۆ به‌رێز فازل میرانی سكرتێری مه‌كته‌بی سیاسی پارتیمان به‌رێوه‌چوو ....

25
ئایار

 

به‌ ئاماده‌ بوونی بلند ئیسماعیل به‌رپرسی لقی 16 هه‌ولێر و سولحی مه‌جید ئه‌ندامی ئه‌نجومه‌نی سه‌ركردایه‌تی پارێزگای هه‌ولێر و ژماریه‌كی زۆر له‌ ئه‌ندامانی یه‌كێتی ئافره‌تان و كادیر و ئه‌ندامانی

پارتیمان پێشه‌نگایه‌كی شێوه‌كاری بۆ خاتوو سارا ته‌لایی له‌ باره‌گای ئه‌نجومه‌ن كرایه‌وه‌ ....

25
ئایار

لەدرێژەی سەردانەكەی بۆ دەرەوەی وڵات ڕۆژی پێنجشەممە 25ـی 5ـی 2017 بەڕێز

مەسعود بارزانی سەرۆكی هەرێمی كوردستان لە سۆفیەی پایتەختی بولگاریا لەگەڵ بۆیكۆ بۆریسۆڤ سەرۆك وەزیرانی بولگاریا كۆبۆوە.


لەو كۆبوونەوەیەدا كە وەزیری ئابووری و وەزیری كشتوكاڵ و وەزیری گەشتوگوزاری بولگاریا ئامادەی بوون، سەرۆك وەزیرانی بولگاریا وێڕای ئاماژەدان بە ڕۆڵی كوردستان لە شەڕی تیرۆر سوپاسی خۆڕاگریی گەلی كوردستان و قارەمانێتیی هێزی پێشمەرگەی كرد لە شەڕی دژی تیرۆریستانی داعش. هەروەها ئەوەیشی ڕاگەیاند كە شەڕی تیرۆر ئەولەویەتی وڵاتەكەیەتی بۆیەشە هاوكاری گەلی كوردستان دەبن. هەروەها هێمایشی بە پێگە و بایەخی هەرێمی كوردستان دا لە ناوچەكە و ئامادەیی وڵاتەكەی ڕاگەیاند بۆ فراوانكردنی پەیوەندیی ئابووری و فەرهەنگی لەگەڵ هەرێمی كوردستان.

لەبەرانبەردا سەرۆك بارزانی لە وتەیەكدا باسی قارەمانێتی پێشمەرگەی كرد و سوپاسی یارمەتیی هاوپەیمانانی كرد و ئەوەیشی خستەڕوو كە ئەوە پێشمەرگە بوو بە خوێنی خۆی ئەفسانەی داعشی شكاند. سەرۆك بارزانی ئەوەیشی دووپات كردەوە كە خۆمان بە هاوپەیمانی هەر وڵاتێك دەزانین كە شەڕی تیرۆر بكات و ڕایشیگەیاند كە پێویستە جگە لە شەڕی سەربازی شەڕی فكری و ئابووریی تیرۆریش بكرێت و ئەو ڕەگوڕیشانەیش وشك بكرێن كە بوونەتە هۆكاری سەرهەڵدان و گەشەی تیرۆر.

لە بەشێكی دیكەی وتەكانیدا سەرۆك بارزانی باسی هەماهەنگیی سەربازی و ئەمنیی نێوان عێراق و هەرێمی كوردستانی كرد و ئاماژەیشی بەوەدا كە دوای دەیان ساڵ قوربانیدان گەلی كوردستان بڕیاری ئەوەی داوە كە ڕیفراندۆم بكات لەپێناو دیاریكردنی چارەنووسی خۆی.

جێگەی ئاماژەپێكردنە ئێوارەی هەمان ڕۆژ لە شاری سۆفیەی پایتەختی بولگاریا ئێوارەخوانێك لەسەر شەرەفی سەرۆك بارزانی لە لایەن دیمیتری گڵافیجۆڤ سەرۆكی پارلەمانی بولگاریا بۆ سەرۆك بارزانی و شاندی یاوەری ساز درا.

لەو سەردانەدا مەسروور بارزانی ڕاوێژكاری ئەنجوومەنی ئاساییشی هەرێم و د. فواد حوسێن سەرۆكی دیوانی سەرۆكایەتی و ئازاد بەرواری ئەندامی مەكتەبی سیاسیی پارتی دیموكراتی كوردستان و هێمن هەورامی ڕاوێژكاری سەرۆك بارزانی یاوەری سەرۆك بارزانی بوون.

23
ئایار


نێچیرڤان بارزانی، سەرۆکی حکومەتی هەرێمی کوردستان و جێگری سەرۆکی پارتی دیموکراتی کوردستان رۆژی دووشەممە 22-5-2017 سەردانی گڵکۆی نەوشیروان مستەفای کرد و تاجەگوڵینەی لەسەر گۆڕی دانا و فاتیحای خوێند.

نێچیرڤان بارزانی و شاندە باڵاکەی پارتی کە یاوەری بوون لەلایەن چیا و نما، دوو کوڕەکەی نەوشیروان مستەفا و هەڵسوڕاوانی بزووتنەوەی گۆڕان پێشوازیان لێکرا.

سەرۆکی حکومەتی هەرێمی کوردستان لە گوتەیکدا باسی لەوە کرد "کاری هاوبەشی زۆرمان لەگەڵ کاک نەوشیروان هەبوو، دەستکەوتەکانمان زیاترن لە ناکۆکییەکان". لەبەرامبەردا عومەری سەید عەلی، هەڵسوڕاوی دیاری گۆڕان گوتی "هیوادارین کێشەکان لەگەڵ پارتی بە گفتوگۆ چارەسەر بکەین

پەڕەى 6 لەکۆى 38 پەڕەدا